News Continuous Bureau | Mumbai
જો તમે પણ સુંદર, ગુલાબી અને કોમળ હોઠ ઈચ્છો છો તો આ સમાચાર તમારા માટે ઉપયોગી છે. બદલાતી ઋતુમાં હોઠ ખૂબ જ સૂકા અને બેજાન થઈ જાય છે. હોઠ પર શુષ્કતા એટલી વધી જાય છે કે ક્યારેક હોઠમાંથી લોહી પણ નીકળવા લાગે છે. આ સિઝનમાં હોઠની ખાસ કાળજી લેવી જરૂરી છે. હોઠને હંમેશા કોમળ અને સાથે ગુલાબી રાખવા માટે તમારે આ ઘરગથ્થુ ઉપાયો અજમાવવા પડશે.
હોઠને સુંદર બનાવવાના ઉપાયો
1. વધુ પાણી પીવું જોઈએ
જો તમે ઓછું પાણી પીતા હોવ તો તેની અસર હોઠના રંગ પર જોવા મળે છે, કારણ કે ત્વચામાં 70 ટકા સુધી પાણી હોય છે. શરીરમાં પાણીના અભાવને કારણે હોઠ કાળા થઈ જાય છે, આવી સ્થિતિમાં વ્યક્તિએ નિયમિતપણે 8-10 ગ્લાસ પાણી પીવું જોઈએ. યાદ રાખો કે હોઠ પર વારંવાર જીભ ન લગાવો, આમ કરવાથી હોઠ ફાટી જાય છે.
આ સમાચાર પણ વાંચો : બદલાતી ઋતુમાં સ્વસ્થ રહેવા માંટે તમારી ડાયેટમાં સામેલ કરો આ વસ્તુઓ, દૂર ભાગશે બીમારીઓ
2. હોઠ માટે મોઇશ્ચરાઇઝર
જેમ ચહેરાની ત્વચાને શ્રેષ્ઠ મોઇશ્ચરાઇઝરની જરૂર હોય છે, તેવી જ રીતે હોઠને પણ શ્રેષ્ઠ મોઇશ્ચરાઇઝરની જરૂર હોય છે. હોઠમાં ભેજ જાળવવા માટે બદામ તેલ સીરમ અથવા નાળિયેર તેલ સીરમનો ઉપયોગ કરો. આ સીરમ તમે રાત્રે સૂતા પહેલા લગાવી શકો છો. આ સીરમ ઘરે તૈયાર કરવા માટે એક ચમચી બદામનું તેલ લો. હવે વિટામિન સી કેપ્સ્યુલ અને ગ્લિસરીનના થોડા ટીપા લો. આ બધી વસ્તુઓને સારી રીતે મિક્સ કરો. હવે આ સીરમને રોજ સૂતા પહેલા હોઠ પર લગાવો. આવું નિયમિત કરવાથી તમારા હોઠ કોમળ બની જશે.
3. આ હોમ માસ્કને હોઠ પર લગાવો
જ્યારે તમે ચહેરા અને વાળની સંભાળ માટે માસ્ક લગાવો છો, ત્યારે હોઠ માટે માસ્ક કેમ નહીં? લિપ માસ્ક બનાવવા માટે, એક ચમચી મધ લો, તેમાં નારિયેળ તેલના થોડા ટીપાં ઉમેરો. તેને ચમચીની મદદથી હોઠ પર લગાવો અને હોઠને સેલોફિનથી ઢાંકી દો. આના કારણે માસ્ક ટપકશે નહીં અને ભેજ અકબંધ રહેશે. જો હોઠ ખૂબ ફાટેલા હોય તો તેમાં એક ચપટી હળદર નાખો. તમે માસ્ક તરીકે હોઠ પર દેશી ઘી પણ લગાવી શકો છો.
