News Continuous Bureau | Mumbai
Lipstick Beauty Hacks: ઘણીવાર એવું બને છે કે આપણે મનગમતો લિપસ્ટિક શેડ લગાવીને ઓફિસ કે પાર્ટીમાં જઈએ છીએ, પરંતુ થોડા જ કલાકોમાં તે ગાયબ થઈ જાય છે. લિપસ્ટિક માત્ર હોઠ પર કલર લગાવવા પૂરતી મર્યાદિત નથી, તેના માટે હોઠનો શેપ, તાપમાન અને લિપ ટાઈપ જાણવી પણ જરૂરી છે. જો તમે કેટલીક પ્રોફેશનલ ટિપ્સ ફોલો કરશો, તો તમારી સસ્તી લિપસ્ટિક પણ મોંઘી બ્રાન્ડ જેવો સ્ટે આપશે.
લિપસ્ટિકને લાંબો સમય ટકાવવાની સિક્રેટ ટેકનિક
પાઉડર સેન્ડવિચ ટેકનિક: સૌ પ્રથમ લિપસ્ટિકનો એક કોટ લગાવો. ત્યારબાદ એક પાતળું ટિશ્યુ પેપર હોઠ પર રાખી તેના પર હળવો ટ્રાન્સલ્યુસન્ટ પાઉડર છાંટો. હવે ટિશ્યુ હટાવી ફરીથી લિપસ્ટિકનો બીજો કોટ લગાવો. આનાથી લિપસ્ટિક લોક થઈ જશે.
લેયર્સમાં એપ્લિકેશન: લિપસ્ટિક લગાવીને ટિશ્યુથી બ્લોટ (વધારાનો રંગ સાફ) કરો, ફરી લગાવો અને ફરી બ્લોટ કરો. આ પ્રક્રિયાથી રંગ હોઠ પર ઊંડે સુધી બેસી જાય છે અને જમતી વખતે પણ નીકળતો નથી.
X મેથડ: લિક્વિડ લિપસ્ટિક લગાવતી વખતે ઉપરના હોઠના મધ્ય ભાગમાં અંગ્રેજીનો ‘X’ અક્ષર બનાવો અને પછી કિનારીઓ કનેક્ટ કરો. નીચેના હોઠ પર માત્ર એક જ સ્વાઈપમાં કલર ફિલ કરો.
આ સમાચાર પણ વાંચો: Moringa Powder:મોરિંગા પાવડર છે પોષક તત્વોનો ભંડાર: ડાયાબિટીસથી લઈ હાર્ટ હેલ્થ માટે છે રામબાણ ઈલાજ, જાણો સેવનની સાચી રીત
લિપ pH અને શેડનું વિજ્ઞાન
હોઠનું pH લેવલ 4.5 થી 7 ની વચ્ચે હોય છે. જો તમારા હોઠનું pH ઓછું હશે તો લિપસ્ટિક વધુ પિંક અથવા વોર્મ દેખાશે, જ્યારે વધુ pH શેડને પર્પલ કે કૂલર લુક આપે છે. આ જ કારણ છે કે એક જ શેડ અલગ-અલગ વ્યક્તિઓ પર અલગ દેખાય છે.
લિપસ્ટિક દૂર કરવાની સાચી રીત
ઘણીવાર વોટરપ્રૂફ લિપસ્ટિક કાઢવામાં હોઠ ડ્રાય થઈ જાય છે. તેના માટે આ સ્ટેપ્સ ફોલો કરો:
ઓઈલ મસાજ: નાળિયેર કે ઓલિવ ઓઈલથી 30 સેકન્ડ હોઠ પર મસાજ કરો અને પછી મુલાયમ કપડાથી લૂછી લો.
ક્લીન્ઝિંગ બામ: ચહેરાને થોડીવાર હુંફાળા પાણી સામે રાખો અને પછી સર્ક્યુલર મોશનમાં ક્લીન્ઝિંગ બામ લગાવી હોઠ સાફ કરો.
