News Continuous Bureau | Mumbai
Pimple Popping Side Effects: આજકાલની દોડધામભરી લાઈફસ્ટાઈલ અને વધતા પ્રદૂષણના કારણે મોઢા પર પિમ્પલ ની સમસ્યા સામાન્ય બની ગઈ છે. ખાસ કરીને જ્યારે તણાવ વધુ હોય ત્યારે પણ પિમ્પલ ની સમસ્યા વધી જાય છે. ઘણા લોકો પિમ્પલ દેખાતા જ તેને ફોડી નાખે છે, પણ આ આદત ત્વચા માટે અનેક નુકસાનકારક પરિણામો લાવી શકે છે. ચાલો જાણીએ કે પિમ્પલ ફોડવાથી કયા નુકસાન થઈ શકે છે.
સંક્રમણનો ખતરો વધી જાય છે
પિમ્પલ ફોડવાથી ત્વચાની ઉપરની સપાટી તૂટી જાય છે, જેના કારણે બેક્ટેરિયા (Bacteria) અંદર સુધી પ્રવેશી જાય છે. આથી ચહેરા પર ઇન્ફેક્શન (Infection) ફેલાઈ શકે છે. આ સ્થિતિમાં ત્વચાની સ્વચ્છતા અને આરોગ્ય બંને પર અસર પડે છે.પિમ્પલ ફોડ્યા પછી તે જગ્યા પર કાળા નિશાન રહી જાય છે, જે લાંબા સમય સુધી ચહેરા પર દેખાય છે. આ નિશાન ચહેરાની સુંદરતા ને અસર કરે છે અને તેને દૂર કરવું મુશ્કેલ બની જાય છે.
ત્વચા પર ખાડા પડી શકે છે
ઘણા લોકોમાં પિમ્પલ ફોડવાથી ત્વચા પર સ્થાયી ખાડા પડી જાય છે. આ ખાડા ચહેરાને ડલ અને અસમાન દેખાવ આપે છે. આ પ્રકારની ત્વચા ફરીથી નોર્મલ કરવી ખૂબ મુશ્કેલ હોય છે.એક પિમ્પલ ફોડવાથી તેમાં રહેલા બેક્ટેરિયા (Bacteria) અને પસ (Pus) આસપાસની ત્વચા પર ફેલાઈ શકે છે, જેના કારણે નવા પિમ્પલ ની સમસ્યા ઊભી થઈ શકે છે. તેથી પિમ્પલ ને પોતે જ ઠીક થવા દો.
આ સમાચાર પણ વાંચો : Beauty Tips: જો તમારા નખ વધતા નથી તો અજમાવી જુઓ આ ઘરેલુ નુસખા- જલ્દી જ દેખાશે અસર
હીલિંગ પ્રક્રિયામાં વિક્ષેપ આવે છે
પિમ્પલ ફોડવાથી ત્વચાની સ્વાભાવિક હીલિંગ પ્રક્રિયામાં વિક્ષેપ આવે છે. જેના કારણે પિમ્પલ વધુ સમય સુધી રહે છે અને ત્વચા વધુ નુકસાન અનુભવે છે.
(Disclaimer : અહીં આપવામાં આવેલી માહિતી સામાન્ય માન્યતાઓ અને માહિતી પર આધારિત છે. અમે તેની પુષ્ટિ કરતા નથી.)
