News Continuous Bureau | Mumbai
Skin Care: છોકરીઓ હોય કે છોકરાઓ, બંનેના ચહેરા પર ચમક જરૂરી છે. ખાસ કરીને કોરિયન સ્કિનનો ટ્રેન્ડ આજકાલ જોરદાર રીતે જોવા મળી રહ્યો છે. કાચની જેમ ચમકતી ત્વચા(Glowing skin) મેળવવા માટે ઘણી બધી ક્રીમ અને બ્યુટી પ્રોડક્ટ્સ (Beauty products)માર્કેટમાં ઉપલબ્ધ છે. પરંતુ જો તમે ઘણા પૈસા ખર્ચ્યા વિના કાચ જેવી ચમકદાર ત્વચા ઈચ્છો છો, તો અજમાવો આ ખાસ આઇસ પેક. થોડા દિવસોમાં જ દેખાશે ફરક.
કાચ જેવી ચમકતી ત્વચા માટે ખાસ આઈસ પેક બનાવો
જો તમે કાચ જેવી સ્વચ્છ ત્વચા ઈચ્છો છો, તો આ ખાસ આઈસ પેક(Ice Pack)નો ઉપયોગ કરો. તેને બનાવવા માટે તમારે ફક્ત ત્રણ વસ્તુઓની જરૂર છે.
– એક કપ દૂધ
– એક ચમચી મધ
– 1 ચમચી એલોવેરા જેલ
આ રીતે આઈસ પેક બનાવો
આ ખાસ આઈસ પેક બનાવવા માટે એક બાઉલમાં દૂધ(Milk) લો. તેમાં મધ(Honey) અને એલોવેરા જેલ(Aloe Vera Gel) ઉમેરો અને સારી રીતે મિક્સ કરો. પછી આ મિશ્રણને બરફની ટ્રેમાં નાખી અને ફ્રીઝરમાં સેટ થવા માટે રાખો. જ્યારે તે સેટ થઈ જાય, ત્યારે તેનો આ રીતે ઉપયોગ કરો.
આ સમાચાર પણ વાંચો : Padmini Ekadashi 2023: આજે છે અધિક માસની અગિયારસ, બ્રહ્મ-ઈન્દ્ર યોગમાં ઉજવાશે પદ્મિની એકાદશી, જાણો પૂજા વિધિ અને ઉપાય..
આઇસ પેક કેવી રીતે લગાવવું
આ મધ અને દૂધનો આઈસ પેક ચહેરા પર લગાવવા માટે સૌ પ્રથમ ચહેરો સાફ કરી લો. ત્યારબાદ આ બરફથી ચહેરા પર હળવા હાથે મસાજ કરો. તેને લગભગ 15-20 મિનિટ માટે રહેવા દો. પછી સામાન્ય પાણીથી ચહેરો ધોઈ લો. મધ અને એલોવેરા જેલનું મિશ્રણ ત્વચામાંથી બ્લેકહેડ્સ દૂર કરે છે જ્યારે દૂધ ત્વચાને મોઇશ્ચરાઇઝ કરે છે. જેના કારણે ત્વચા કાચની જેમ ચમકવા લાગે છે. અને કોરિયન ગ્લાસ સ્કીન જેવી ચમક આવે છે.
