News Continuous Bureau | Mumbai
Google। આજના ડિજિટલ યુગમાં સાયબર ગુનેગારો દ્વારા સામાન્ય નાગરિકોને છેતરવા માટે અવારનવાર અવનવા નુસ્ખાઓ અપનાવવામાં આવતા હોય છે. પહેલાના સમયમાં જ્યાં ઠગ લોકો ફેક મેસેજ અને નકલી લિંક્સ મોકલીને બેંક એકાઉન્ટ ખાલી કરી દેતા હતા, ત્યાં હવે આર્ટિફિશિયલ ઇન્ટેલિજન્સ (AI) ટેકનોલોજીની મદદથી યુઝર્સના કોઈ સગાસંબંધી, મિત્ર કે પરિચિત વ્યક્તિનો આબેહૂબ અવાજ (વોઇસ ક્લોનિંગ) બનાવીને લાખો રૂપિયાની ઠગી કરવાના કિસ્સાઓ ઝડપથી વધી રહ્યા છે. આ પ્રકારના ફ્રોડમાં સ્ક્રીન પર નંબર અને નામ પરિચિતનું દેખાય છે, પરંતુ પાછળ કોઈ ગુનેગાર હોય છે. આ વધતા જતા ગંભીર જોખમને રોકવા માટે ગૂગલે (Google) એન્ડ્રોઇડ યુઝર્સ માટે એક ક્રાંતિકારી સુરક્ષા ફીચર લોન્ચ કર્યું છે, જેનું નામ ‘ફેક કોલ ડિટેક્શન’ (Fake Call Detection) રાખવામાં આવ્યું છે.
‘ફોન બાય ગૂગલ’ એપ દ્વારા ડિજિટલ વેરિફિકેશન થશે
ગૂગલ દ્વારા સત્તાવાર રીતે આપવામાં આવેલી માહિતી અનુસાર, આ નવું સુરક્ષા ફીચર એન્ડ્રોઇડ ફોનમાં આવનારા તમામ શંકાસ્પદ અને સ્પેમ કોલ્સની સચોટ ઓળખ કરશે અને યુઝરને કોલ ઉપાડતા પહેલા જ સ્ક્રીન પર ચેતવણી મોકલશે. ગૂગલનું કહેવું છે કે આ ટેકનોલોજી મુખ્યત્વે એઆઈ વોઇસ ક્લોનિંગ (AI Voice Cloning), ડીપફેક કોલ્સ અને કોલર આઈડી સ્પોફિંગ જેવા હાઇટેક ફ્રોડને જડમૂળથી રોકવામાં મદદ કરશે. ખાસ વાત એ છે કે આ ફીચર ગૂગલની સત્તાવાર ‘Phone by Google’ એપ દ્વારા બેકગ્રાઉન્ડમાં ઓપરેટ થશે. યુઝર્સની પ્રાઇવસી અને ડેટા સુરક્ષાને ધ્યાનમાં રાખીને આ આખી પ્રોસેસમાં એન્ડ-ટુ-એન્ડ એન્ક્રિપ્શન (End-to-End Encryption) નો ઉપયોગ કરવામાં આવ્યો છે, જેથી કોઈ ત્રીજી વ્યક્તિ ડેટા ચોરી ન કરી શકે.
કેવી રીતે કામ કરશે આ નવું સુરક્ષા ફીચર? સ્ક્રીન પર દેખાશે સત્તાવાર ‘સંદિગ્ધ કોલ’ નું એલર્ટ
જ્યારે પણ કોઈ એન્ડ્રોઇડ યુઝરના મોબાઈલ પર કોઈ અજાણ્યો કે જાણીતો કોલ આવશે, ત્યારે કોલ કરનાર અને કોલ રિસીવ કરનાર બંને ડિવાઇસ (મોબાઈલ) ની વચ્ચે ક્લાઉડ સિસ્ટમ દ્વારા સેકન્ડના ભાગમાં એક ડિજિટલ વેરિફિકેશન પ્રોસેસ ચાલશે. જો ગૂગલના એઆઈ સિસ્ટમને એ વાતની સો ટકા પુષ્ટિ નહીં મળે કે કોલ ખરેખર એ જ વ્યક્તિના ઓરિજિનલ સિમ કાર્ડ કે ડિવાઇસ પરથી આવ્યો છે જેનું નામ સ્ક્રીન પર ડિસ્પ્લે થઈ રહ્યું છે, તો સિસ્ટમ તુરંત જ યુઝરને સચેત કરી દેશે. જો કોઈ ઠગ કોઈ વેરિફાઈડ સંસ્થા કે સગાનો નંબર કમ્પ્યુટર સોફ્ટવેર દ્વારા મોસ્ક (Spoof) કરીને કોલ કરવાનો પ્રયાસ કરશે, તો ફોનની સ્ક્રીન પર લાલ રંગમાં સ્પષ્ટ એલર્ટ (Alert) દેખાશે કે ‘આ કોલ સંદિગ્ધ હોઈ શકે છે’, જેથી યુઝર સમયસર સાવધ થઈને છેતરપિંડીનો ભોગ બનતા બચી જશે.
એન્ડ્રોઇડ ૧૨ અને તેનાથી ઉપરના ઓપરેટિંગ સિસ્ટમ ધરાવતા સ્માર્ટફોન્સમાં મળશે આ નવી સુવિધા
ગૂગલ છેલ્લા કેટલાક મહિનાઓથી એન્ડ્રોઇડ પ્લેટફોર્મ પર સાયબર સુરક્ષાને લોખંડી બનાવવા માટે સતત નવા અપડેટ્સ લાવી રહ્યું છે. આ અગાઉ કંપનીએ બેંક અને ફાઇનાન્સિયલ ઇન્સ્ટિટ્યુશન્સના નામે થતા નકલી કોલ્સને રોકવા માટે ‘વેરિફાઇડ કોલ્સ’ (Verified Calls) જેવી સુવિધા પણ રજૂ કરી હતી. ગૂગલે સ્પષ્ટ કર્યું છે કે આ નવું ‘ફેક કોલ ડિટેક્શન’ ફીચર શરૂઆતમાં એન્ડ્રોઇડ ૧૨ (Android 12) અને તેનાથી ઉપરના લેટેસ્ટ ઓપરેટિંગ સિસ્ટમ વર્ઝન પર ચાલતા તમામ સ્માર્ટફોન્સમાં ઉપલબ્ધ કરાવવામાં આવશે. જો કે, ટેકનિકલ નિષ્ણાતોના મતે આ ફીચરનો મહત્તમ લાભ ત્યારે જ મળશે જ્યારે કોલ કરનાર અને કોલ રિસીવ કરનાર બંને વ્યક્તિઓ પોતાGoogleના ફોનમાં ઓફિશિયલ ‘Phone by Google’ ડિફોલ્ટ એપ તરીકે વાપરતા હશે.
👉 આ સમાચાર વાચો:
NEET Exam। સિસ્ટમના પાપે વધુ એક માસૂમનો જીવ લીધો! પેપર લીક કૌભાંડથી કંટાળી હોનહાર આકાંક્ષાએ કરી આત્મહત્યા
