News Continuous Bureau | Mumbai
WhatsApp Username Feature વોટ્સએપના આગામી ‘યુઝરનેમ ફીચર’ને લઈને વિવાદ વકર્યો છે. ભારત સરકારે ઓનલાઇન છેતરપિંડી અને ડિજિટલ અરેસ્ટ જેવા સ્કેમ વધવાની આશંકાએ મેટાને આ ફીચર હોલ્ડ પર રાખવા નોટિસ પાઠવી છે, જેના જવાબમાં મેટાએ કેટલીક મહત્વની સ્પષ્ટતાઓ કરી છે.
WhatsApp Username Feature – સરકારની ચિંતા અને નોટિસ
ભારત સરકારના મંત્રાલયે વોટ્સએપ (મેટા) ના ઇન્ડિયા ઓપરેશન્સના ચીફ કમ્પ્લાયન્સ ઓફિસરને એક કડક નોટિસ પાઠવી છે. સરકારને ડર છે કે આ ફીચરથી યુઝરનેમ બદલવાની સુવિધા મળવાથી ઓનલાઇન છેતરપિંડી, ફિશિંગ (Phishing) અને ડિજિટલ અરેસ્ટ જેવા સ્કેમમાં વધારો થઈ શકે છે. સરકારનો આદેશ છે કે જ્યાં સુધી આ મુદ્દે સુરક્ષા અને ગોપનીયતા અંગે સંપૂર્ણ સ્પષ્ટતા ન થાય અને સરકાર સંતુષ્ટ ન થાય, ત્યાં સુધી આ ફીચર રોલ આઉટ કરવું નહીં. સરકારે આ અંગે ત્રણ દિવસમાં વિગતવાર અહેવાલ પણ માંગ્યો છે.
WhatsApp Username Feature – મેટાનો જવાબ અને સુરક્ષાનો દાવો
સરકારની નોટિસ બાદ મેટાના પ્રવક્તાએ સ્પષ્ટ કર્યું છે કે હાલમાં પ્લેટફોર્મ પર યુઝરનેમ ફીચર લાઈવ નથી. કંપનીએ કહ્યું કે આ ફીચર આ વર્ષના અંત સુધીમાં તબક્કાવાર રીતે (Phase-wise) લોન્ચ કરવામાં આવશે. વપરાશકર્તાઓની સુરક્ષા માટે કંપનીએ ખાતરી આપી છે કે સેલિબ્રિટીઝ, સરકારી સંસ્થાઓ અને વેરિફાઈડ મેટા એકાઉન્ટ્સના નામ રિઝર્વ રાખવામાં આવશે, જેથી કરીને કોઈ પણ અન્ય વ્યક્તિ ખોટી રીતે તેમના નામે યુઝરનેમ ન બનાવી શકે.
WhatsApp Username Feature – ભવિષ્યની યોજના અને અમલીકરણ
કંપનીનું કહેવું છે કે યુઝરનેમ રિઝર્વ કરવાનો વિકલ્પ લોકોની સુવિધા માટે લાવવામાં આવ્યો છે. પરંતુ, સરકારની સુરક્ષા સંબંધી ચિંતાઓને ધ્યાનમાં રાખીને કંપનીએ હવે વધુ સાવચેતી દાખવવાની તૈયારી બતાવી છે. જોકે, સરકારના આદેશોનું પાલન કરવું કંપની માટે અનિવાર્ય છે. ટેક નિષ્ણાતોનું માનવું છે કે જો આ ફીચર સુરક્ષિત રીતે અમલી બનશે, તો તે વોટ્સએપ પર બિઝનેસ અને વ્યક્તિગત કોમ્યુનિકેશન માટે એક નવી ઓળખ પ્રદાન કરશે, પરંતુ હાલમાં તો આ ફીચર સરકારની તપાસ હેઠળ છે.
👉 આ સમાચાર વાચો:
Mumbai Rains મુંબઈમાં મેઘરાજાનો કહેર બિગ બી અમિતાભ બચ્ચનના જુહુ સ્થિત બંગલા ‘જનક’ની બહાર પાણી ભરાયુ; જુઓ વિડિયો
