News Continuous Bureau | Mumbai
Tech News વિશ્વના સૌથી લોકપ્રિય અને અગ્રણી મેસેજિંગ પ્લેટફોર્મ વોટ્સએપ (WhatsApp) દ્વારા યુઝર્સની સુરક્ષા અને પ્રાઇવસીને વધુ મજબૂત બનાવવા માટે અત્યાર સુધીનું સૌથી મોટું અને ખાસ ફીચર લોન્ચ કરવામાં આવ્યું છે. કંપનીએ સત્તાવાર રીતે ‘વોટ્સએપ યુઝરનેમ’ (WhatsApp Username) રિઝર્વ કરવાની સુવિધાનું રોલઆઉટ શરૂ કરી દીધું છે. આ પ્રાઇવસી ફીચર સંપૂર્ણપણે લાગુ થયા બાદ, યુઝર્સે કોઈ પણ અજાણી વ્યક્તિ, બિઝનેસ એકાઉન્ટ કે કોમ્યુનિટી સાથે નવી ચેટ શરૂ કરવા માટે પોતાનો પર્સનલ મોબાઈલ નંબર શેર કરવાની બિલકુલ જરૂર નહીં પડે. યુઝર્સ માત્ર પોતાનું યુઝરનેમ આપીને જ સુરક્ષિત રીતે વાતચીત કરી શકશે.
Tech News – સત્તાવાર લોન્ચિંગ પહેલાં મનપસંદ યુઝરનેમ બુક કરવાની સુવર્ણ તક, ઇન્સ્ટાગ્રામ-ફેસબુક આઈડીનો પણ થઈ શકશે ઉપયોગ
મેટા (Meta) કંપનીના જણાવ્યા અનુસાર, વિશ્વભરમાં વોટ્સએપના ૩ અબજથી વધુ યુઝર્સ હોવાના કારણે ઘણા લોકો એક સરખું નામ પસંદ કરી શકે છે. આ જ કારણસર ઓફિશિયલ લોન્ચિંગ પહેલાં જ ‘યુઝરનેમ રિઝર્વેશન’ પ્રોસેસ ધીમે-ધીમે તમામ યુઝર્સ માટે ઉપલબ્ધ કરાવવામાં આવી રહી છે. જે એકાઉન્ટ્સમાં આ સુવિધા એક્ટિવ થશે, તેમને એપની અંદર જ એક સત્તાવાર નોટિફિકેશન (Notification) મળશે. યુઝર્સ અત્યારથી જ પોતાનું મનપસંદ યુઝરનેમ સુરક્ષિત કરી શકે છે, જેથી ભવિષ્યમાં અન્ય કોઈ તે નામ ન લઈ શકે. આ ફીચર કોઈ સોશિયલ મીડિયા હેન્ડલની જેમ પબ્લિક પ્રોફાઈલ તરીકે કામ નહીં કરે, પરંતુ એક ગુપ્ત પ્રાઇવસી ટૂલ તરીકે કામ કરશે. યુઝર્સ ઈચ્છે તો પોતાના ઇન્સ્ટાગ્રામ કે ફેસબુક આઈડી જેવા જ સેમ નામ પણ અહીં રાખી શકશે.
Tech News – વ્હોટ્સએપની કોઈ પબ્લિક ડિરેક્ટરી નહીં હોય, સુરક્ષા માટે મળશે ખાસ ‘યુઝરનેમ કી’
આ નવા અપડેટની સૌથી મોટી ખાસિયત એ છે કે વોટ્સએપ યુઝરનેમની કોઈ પબ્લિક ડિરેક્ટરી (Public Directory) બનાવવામાં આવશે નહીં અને ન તો સર્ચમાં કોઈને સજેસ્ટ કરવામાં આવશે. કોઈ પણ નવી વ્યક્તિને તમારી સાથે સંપર્ક કરવા માટે તમારું સાચું અને ચોક્કસ યુઝરનેમ ખબર હોવી ફરજિયાત રહેશે. આ ઉપરાંત, સુરક્ષાને આગલા લેવલ પર લઈ જવા માટે કંપની ‘યુઝરનેમ કી’ (Username Key) નું ઓપ્શનલ ફીચર પણ આપી રહી છે. જો કોઈ વ્યક્તિ પહેલીવાર તમારા યુઝરનેમ દ્વારા મેસેજ કરવાનો પ્રયાસ કરશે, તો તેણે આ ગુપ્ત કી દાખલ કરવી પડી શકે છે. આ કીને યુઝર્સ ગમે ત્યારે બદલી શકશે. નાના વેપારીઓ, ઓર્ગેનાઈઝેશન અને કન્ટેન્ટ ક્રિએટર્સ માટે આ ફીચર વરદાન સાબિત થશે.
Tech News – વ્હોટ્સએપ પર તમારું યુઝરનેમ કેવી રીતે રિઝર્વ કરશો? જાણો સ્ટેપ-બાય-સ્ટેપ પ્રોસેસ
જો તમે પણ તમારો નંબર છુપાવીને આ ફીચરનો લાભ લેવા માંગો છો, તો તેની રીત ખૂબ જ સરળ છે. સૌથી પહેલા તમારા સ્માર્ટફોનમાં ગૂગલ પ્લે સ્ટોર અથવા એપલ એપ સ્ટોર પર જઈને વોટ્સએપનું લેટેસ્ટ વર્ઝન (Latest Version) અપડેટ કરી લો. ત્યારબાદ નીચે મુજબના સ્ટેપ્સ ફોલો કરવાના રહેશે:
1.વોટ્સએપ સેટિંગ્સ ઓપન કરો:સ્ટેપ ૧.
તમારી વોટ્સએપ એપ્લિકેશન ખોલીને ઉપરની તરફ આપેલા ત્રણ ડોટ્સ અથવા નીચે પ્રોફાઈલ સેક્શનમાં જઈને Settings ઓપ્શન પર ક્લિક કરો.
2.એકાઉન્ટ સેક્શનમાં જાઓ:સ્ટેપ ૨.
સેટિંગ્સ મેનૂની અંદર આપેલા મુખ્ય ઓપ્શન Account પર ટેપ કરો.
3.યુઝરનેમ પસંદ કરો:સ્ટેપ ૩.
જો તમારા એકાઉન્ટમાં ફીચર રોલઆઉટ થઈ ગયું હશે, તો તમને ત્યાં Username નો નવો વિકલ્પ દેખાશે. તેના પર ક્લિક કરીને તમારું મનપસંદ અને ઉપલબ્ધ (Available) નામ ટાઈપ કરીને સેવ કરી લો.
વોટ્સએપ યુઝરનેમ જનરેટર: યુઝર્સને અનોખું અને આકર્ષક નામ પસંદ કરવામાં મદદ કરવા માટે વોટ્સએપ ટૂંક સમયમાં ઇન-એપ યુઝરનેમ જનરેટર ટૂલ પણ સત્તાવાર રીતે લાવવા જઈ રહ્યું છે.
👉 આ સમાચાર વાચો:
Indian Auto Sector Growth દેશમાં નવી કારોની ભારે ડિમાન્ડ, મે મહિનાના વેચાણના આંકડા જોઈ ગદગદ થયા મંત્રી પીયૂષ ગોયલ
