News Continuous Bureau | Mumbai

Google policy: ગૂગલ વિશ્વનું સૌથી મોટું સર્ચ એન્જિન છે જેની મદદથી લોકોનું કામ ઘણું સરળ બને છે. જોકે હવે ગૂગલ 1 સપ્ટેમ્બરથી પોતાની પોલિસીમાં મોટો ફેરફાર કરવા જઈ રહ્યું છે. પોલિસીમાં આ ફેરફારની અસર ગૂગલ પ્લે સ્ટોર પર જોવા મળશે.  મહત્વનું છે કે દેશમાં લોકો સ્પામથી ખૂબ જ પરેશાન છે. આને ધ્યાનમાં રાખીને ગૂગલે ઘણાં પગલાં લીધાં છે. આ ફેરફાર સાથે યુઝર્સને વધુ સારો અનુભવ મળશે. તમને જણાવી દઈએ કે ગૂગલે 1 સપ્ટેમ્બરથી તેના પ્લે સ્ટોર પરથી હજારો ઓછી ગુણવત્તાવાળી એપ્સને હટાવવાનો નિર્ણય લીધો છે.

 Google policy: ઘણી મોબાઈલ એપ દૂર કરવામાં આવશે

મીડિયા રિપોર્ટ મુજબ ગૂગલે ક્વોલિટી કંટ્રોલને ધ્યાનમાં રાખીને આ નિર્ણય લીધો છે. તે સુરક્ષા અને ગોપનીયતા સાથે પણ સંબંધિત છે. એવું માનવામાં આવે છે કે ઓછી બિલ્ડ ક્વોલિટી અને નબળી ડિઝાઇનવાળી એપ્સ માલવેરનો સ્ત્રોત બની શકે છે. તેઓ યુઝર્સની અંગત માહિતી ચોરવાનું પણ કામ કરે છે. આથી ગૂગલે હવે આવી એપ્સને દૂર કરવાનો નિર્ણય લીધો છે.

 Google policy: આને અસર થશે

હાલમાં ગૂગલ પ્લે સ્ટોર પર એવી હજારો એપ્સ છે જેની ડિઝાઇન અને ક્વોલિટી ખૂબ જ ખરાબ છે. પરંતુ તે યુઝર્સ ને પ્રીમિયમ સેવા આપે છે. પરંતુ બદલામાં, આ એપ્સ યુઝર પાસેથી તેમના કોન્ટેક્ટ્સ, ફોટો અને જીમેલનો એક્સેસ લઈ લે છે, જેનાથી હેકિંગના કેસ વધી શકે છે. આવી સ્થિતિમાં, જો સ્માર્ટફોનમાં કોઈ હલકી ગુણવત્તાવાળી એપ છે, તો તેને 1 સપ્ટેમ્બરથી દૂર કરી શકાય છે. ગૂગલના આ નિર્ણયની અસર દુનિયાભરના એન્ડ્રોઈડ યુઝર્સ પર પડી શકે છે. ગૂગલના જણાવ્યા અનુસાર, માલવેર અને થર્ડ પાર્ટી એપ્સને દૂર કરવામાં આવી રહી છે.

આ સમાચાર પણ વાંચોઃ PM Modi Poland Visit : PM મોદીનું પોલેન્ડમાં ભારતીય સમુદાયને સંબોધન, ગુજરાતમાં ભૂકંપ વખતે પોલેન્ડ દ્વારા આપવામાં આવેલી મદદને કરી યાદ

 Google policy: આનું કારણ શું છે?

તમને જણાવી દઈએ કે ગૂગલ પ્લે સ્ટોર પર ઉપલબ્ધ ઘણી એપ્સમાંથી છેતરપિંડીના સમાચાર સામે આવે છે. ક્રિપ્ટો એપ ડાઉનલોડ કર્યા બાદ યુઝર છેતરાયા હોવાનો એક કિસ્સો છે. આ મામલા બાદ ગૂગલે કડકાઈ બતાવતા આ નિર્ણય લીધો છે. જોકે અગાઉ પણ ગૂગલે એપ્સ અંગે નિર્ણયો લીધા હતા. પરંતુ હવે પોલિસીમાં ફેરફારને કારણે તેની અસર મોટા પાયે જોવા મળી શકે છે.