News Continuous Bureau | Mumbai
Home Remedies for Migraine:માઈગ્રેનનો દુખાવો અત્યંત અસહ્ય હોય છે. તે એટલો તીવ્ર હોય છે કે જાણે માથાની નસો ફાટી જવાની હોય તેવું લાગે છે. મોટાભાગના લોકોમાં માથાની એક બાજુએ થતા દુખાવાની ફરિયાદ વધુ જોવા મળે છે. જોકે માઈગ્રેનને દવા વગર કાબૂમાં લેવો મુશ્કેલ છે, પરંતુ કેટલીક જીવનશૈલીમાં ફેરફાર અને ઘરેલું ઉપાયો દ્વારા તેની તીવ્રતા ઘટાડી શકાય છે. હેલ્થ એક્સપર્ટ ના મતે, માઈગ્રેનનો શ્રેષ્ઠ ઈલાજ એ છે કે તમે એ સમજો કે કઈ વસ્તુઓ તમારા દુખાવાને ટ્રિગર કરે છે.તમારા માથાના દુખાવાના પેટર્નને સમજવા માટે તમારી લાઈફસ્ટાઈલ પર ધ્યાન આપો. હવામાનમાં ફેરફાર, ખાસ કરીને ભેજવાળું વાતાવરણ અને બેરોમેટ્રિક દબાણમાં ફેરફાર માઈગ્રેન માટે જવાબદાર હોઈ શકે છે. આ ઉપરાંત, જૂની ચીઝ, ચોકલેટ અને આર્ટિફિશિયલ સ્વીટનર જેવી ખાદ્ય વસ્તુઓ પણ આ સમસ્યા વધારી શકે છે.
શું પાણીની અછતથી માથાનો દુખાવો થાય છે?
નિષ્ણાતોના મતે, માઈગ્રેનના ત્રીજા ભાગના દર્દીઓમાં પાણીની અછત એટલે કે ડિહાઈડ્રેશન ને કારણે હુમલા આવે છે. જ્યારે શરીરમાં પાણીનું સ્તર ઘટી જાય છે, ત્યારે મગજની નસો પર દબાણ આવે છે. માઈગ્રેનથી બચવા માટે દિવસભર પૂરતા પ્રમાણમાં પાણી પીવું જોઈએ. દરેક વ્યક્તિએ દરરોજ ઓછામાં ઓછું 2 લિટર પાણી તો પીવું જ જોઈએ.
આ સમાચાર પણ વાંચો : Dhurandhar 2 Piracy:‘ધુરંધર 2’ પાયરેસીનો શિકાર: ₹50 માં ફિલ્મ લીક કરનારી ટેલિગ્રામ ગેંગ વિરુદ્ધ સાયબર પોલીસની FIR
માઈગ્રેન ટ્રિગર થવાના અન્ય કારણો
ઊંઘમાં ખલેલ પડવી, વધુ પડતી કેફીન નું સેવન અથવા અચાનક કેફીન છોડી દેવું, દારૂનું સેવન અને તેજસ્વી પ્રકાશ પણ માઈગ્રેનનું કારણ બની શકે છે. પરફ્યુમ જેવી તીવ્ર ગંધ અને પેટમાં ગેસ કે એસિડિટી થવાથી પણ માથાનો દુખાવો ઉપડી શકે છે. તમારી ઊંઘની પેટર્ન અને ખાનપાન પર નિયંત્રણ રાખવાથી માઈગ્રેન પર કાબૂ મેળવી શકાય છે.
રાહત મેળવવા માટેના ઘરેલું ઉપાયો
તુરંત રાહત મેળવવા માટે ડોક અને માથાના ભાગે કોલ્ડ પેક લગાવો, જે તે ભાગને સુન્ન કરી દુખાવો ઓછો કરે છે. આ સિવાય લવંડર ના તેલની સુગંધ લેવાથી કે ગરદન પાછળ ફુદીનાનું તેલ લગાવવાથી બ્લડ સર્ક્યુલેશન સુધરે છે. આદુનો પાવડર પણ માઈગ્રેન માટે કુદરતી ઉપચાર છે, જે દુખાવાની ગંભીરતા ઘટાડે છે. દિવસમાં 7-8 કલાકની સારી ઊંઘ લેવી અનિવાર્ય છે.
ડિસ્ક્લેમર: આ લેખમાં સૂચવેલી ટિપ્સ સામાન્ય જાણકારી માટે છે. કોઈપણ ઉપાય અજમાવતા પહેલા ડોક્ટર ની સલાહ જરૂર લેવી.
