News Continuous Bureau | Mumbai
Reels Addiction: ટીવી પર ફિલ્મો જોવી, સિરિયલો જોવી અને રેડિયો પર ગીતો સાંભળવા… આ બધી બાબતો ભૂતકાળ બની ગઈ છે. ભાઈ, હવે દુનિયા રીલની થઈ ગઈ છે. તમારા કલાકો ઈન્સ્ટાગ્રામ (Instagram) અને યુટ્યૂબ (YouTube) જેવા સોશિયલ મીડિયા પ્લેટફોર્મ પર સ્ક્રોલ કરવામાં પસાર થાય છે અને તમને લાગે છે કે હજી તો થોડીક જ વાર થઈ છે. ચાલો થોડો સમય વધુ જોઈએ લઈએ. તમે અને હું નથી જાણતા કેટલા યુવાનો રીલના એડિક્શનનો શિકાર થઈ ગયા છે. તે હવે એક પ્રકારની બીમારી તરીકે ઉભરવા લાગી છે. ચાલો તમને જણાવીએ કે આ રીલ્સ આખરે શું છે અને તે તમને શારીરિક અને માનસિક રીતે કેવી રીતે નુકસાન પહોંચાડે છે.
શું છે રીલ્સ ?
રીલ્સ એ ઇન્સ્ટાગ્રામ પરના શોર્ટ વિડિયોનો એક પ્રકાર છે. શરૂઆતમાં આ રીલ્સ 30 સેકન્ડની હતી પરંતુ હવે તેને વધારીને 90 સેકન્ડ કરી દેવામાં આવી છે. આ રીલ્સનો ટ્રેન્ડ ભારતમાં જ્યારે ટિકટોક બંધ થયો ત્યારે શરૂ થયો હતો. તે બંધ થતાંની સાથે જ લોકોએ ઇન્સ્ટાગ્રામ પર વિડિયો પોસ્ટ કરવાનું શરૂ કર્યું. રીલ્સમાં ઘણા પ્રકારના વિડિયો હોય છે જેમ કે, ઇન્ફોર્મેશનલ, ફની, મોટિવેશનલ, ડાન્સ વગેરે… તેમાં કોઈ શંકા નથી કે રીલ્સ ક્રિએટિવથી ભરપૂર હોય છે જે લોકોને વારંવાર જોવા માટે પ્રેરિત કરે છે. ઇન્સ્ટાગ્રામ પર તમને સેલિબ્રિટીથી લઈને સામાન્ય લોકો સુધીની રીલ જોવા મળશે.
આ સમાચાર પણ વાંચો : Biporjoy Cyclone : ચક્રવાત બિપરજોયની એર ફ્લાઈટ પર અસર, મુંબઈ એરપોર્ટનો રનવે કરાયો બંધ, આ એરલાઇનની ફ્લાઈટ્સ થઇ કેન્સલ
રીલ્સ જોવાના ગંભીર નુકસાન ?
લોકો રીલ્સ જોઈને પોતાના સમયનો દુરુપયોગ કરી રહ્યા છે. કલાકો વીતી જાય છે, લોકોને ખ્યાલ પણ નથી આવતો. આવી સ્થિતિમાં તેમના કામને નુકસાન થઈ રહ્યું છે. તે જ સમયે, તેના કારણે લોકો માનસિક રીતે બીમાર થઈ રહ્યા છે. લોકોમાં ડિપ્રેશનની સમસ્યા જોવા મળી રહી છે. ઘણી વખત, રીલ્સ જોઈને તેઓ પોતાનામાં ખામીઓ શોધવાનું શરૂ કરે છે. તમારી સામેની વ્યક્તિ સાથે સરખામણી કરવાનું શરૂ કરો છો. તેઓ સામેની વ્યક્તિની જેમ બનવાનો પ્રયત્ન કરવા લાગે છે. આ ઉપરાંત લોકો પોતે પણ રીલ બનાવવા માગે છે અને જ્યારે તેની રીલ વાઈરલ ન થાય કે વ્યુઝ ન મળે તો તેઓ ગુસ્સો અને ચીડિયાપણું અનુભવવા લાગે છે અને ધીમે ધીમે આ તણાવ ડિપ્રેશનમાં ફેરવાઈ જાય છે. આ કારણે એકાગ્રતાનો અભાવ સામાજિક રીતે કપાઈ જવું, મૂડ સ્વિંગ જેવી સમસ્યાઓ જોવા મળી રહી છે.
જો બાળકો રીલ જોતા હોય તો તેમના અભ્યાસને નુકસાન થાય છે. રીલ્સના એડિક્શનને કારણે બાળકો અભ્યાસમાં ધ્યાન આપી શકતા નથી. મોડી રાત્રે રીલ્સ જોવાને કારણે ઊંઘની પેટર્નમાં ખલેલ પહોંચે છે અને બીજા દિવસે શાળાએ જવામાં તકલીફ પડે છે. ઊંઘ ન આવવાથી તણાવ શરૂ થાય છે. તે જ સમયે, સ્ક્રીન પર વધુ સમય વિતાવવાથી, આંખો નબળી પડી જાય છે. આ સિવાય, રીલ્સને કારણે શારીરિક પ્રવૃત્તિ પણ ઓછી થાય છે અને લોકો મેદસ્વીના શિકાર થઈ જાય છે.
