News Continuous Bureau | Mumbai
Nutrient Deficiency Signs આજની વ્યસ્ત જીવનશૈલી, અનિયમિત ખાનપાન અને માનસિક તણાવના કારણે મોટાભાગના લોકો કોઈને કોઈ શારીરિક સમસ્યાનો સામનો કરી રહ્યા છે. ઘણા લોકો દિવસભરના કામ બાદ અનુભવાતા થાક કે નખ તૂટી જવા જેવી સમસ્યાઓને સામાન્ય માનીને અવગણતા હોય છે. પરંતુ હેલ્થ એક્સપર્ટ્સના મતે, આ લક્ષણો સામાન્ય નથી પરંતુ તમારા શરીરમાં કીમતી પોષક તત્વો અને વિટામિન્સની ઉણપ (Nutrient Deficiency) હોવાના પ્રારંભિક અને મજબૂત સંકેતો છે. જો સમયસર તેને ઓળખીને આહારમાં સુધારો કરવામાં ન આવે તો તે ભવિષ્યમાં મોટી બીમારીનું સ્વરૂપ લઈ શકે છે.
Nutrient Deficiency Signs – પૂરતી ઊંઘ લીધા પછી પણ સતત થાક લાગવો: વિટામિન B12 અને આયર્નની કમી
જો તમે રાત્રે ૭ થી ૮ કલાકની પૂરતી ઊંઘ લો છો છતાં સવારે ઉઠતી વખતે અથવા આખો દિવસ શરીરમાં નબળાઈ અને ભારે થાક (Constant Fatigue) અનુભવાય છે, તો તે શરીરમાં આયર્ન (Iron Deficiency) અથવા વિટામિન B12 (Vitamin B12) ની ઉણપ હોઈ શકે છે. આયર્નની કમીથી શરીરમાં લાલ રક્તકણોનું પ્રમાણ ઘટે છે, જેના લીધે સ્નાયુઓ અને મગજ સુધી પૂરતો ઓક્સિજન પહોંચતો નથી. તેના લીધે વ્યક્તિ સતત સુસ્તી અને એનર્જીની કમી અનુભવે છે. આ ઉપરાંત વિટામિન D અને મેગ્નેશિયમની કમી પણ એનર્જી લેવલને સીધી અસર કરે છે.
Nutrient Deficiency Signs – નબળા-બ્રિટલ નખ અને ખરતા વાળ: બાયોટિન અને ઝીંકની અછતના સંકેત
જો તમારા નખ વારંવાર તૂટી જાય છે (Weak Nails), તેના પર સફેદ ડાઘ કે ઉભા લીટા દેખાય છે અથવા વાળ અચાનક ખૂબ જ પાતળા થઈને ખરી રહ્યા છે, તો તમારા શરીરને જરૂરી પ્રોટીન અને બાયોટિન (Biotin – Vitamin B7) નથી મળી રહ્યું. આપણા નખ અને વાળ ‘કેરાટિન’ નામના પ્રોટીનથી બનેલા હોય છે. ઝીંક (Zinc) અને ઓમેગા-3 ફેટી એસિડની ઉણપના કારણે પણ નખ શુષ્ક અને બરડ બની જાય છે. આ સમસ્યાથી બચવા માટે આહારમાં ઈંડા, બદામ, અખરોટ, કઠોળ અને લીલા પાંદડાવાળા શાકભાજીનો સમાવેશ કરવો અત્યંત જરૂરી છે.
Nutrient Deficiency Signs – મોઢામાં વારંવાર ચાંદા પડવા અને મસૂડામાંથી લોહી આવવું
ઘણા લોકોને મોઢામાં વારંવાર ચાંદા (Mouth Ulcers) પડવાની ફરિયાદ હોય છે, જે પેટની ગરબી ઉપરાંત ફોલેટ, આયર્ન અને બી-કોમ્પ્લેક્સ વિટામિન્સની ઉણપના કારણે થાય છે. તેવી જ રીતે, બ્રશ કરતી વખતે મસૂડામાંથી લોહી આવવું એ વિટામિન C (Vitamin C Deficiency) ની કમી દર્શાવે છે. નિષ્ણાતો સલાહ આપે છે કે આવા કોઈપણ લક્ષણો સતત દેખાય તો જાતે કોઈ પણ સપ્લીમેન્ટ્સ લેવાને બદલે બ્લડ ટેસ્ટ કરાવીને ડૉક્ટરની સલાહ મુજબ જ યોગ્ય ડાયટ પ્લાન અથવા વિટામિન થેરાપી શરૂ કરવી જોઈએ.
👉 આ સમાચાર વાચો:
MSRTC MumbaiPune Bus Trips મુંબઈપુણે મુસાફરોની મુશ્કેલીમાં MSRTC બન્યું સહારો 30 ટ્રેનો રદ થતાં દોડાવશે 200 વધારાની બસો!
