News Continuous Bureau | Mumbai
Pistachios For Belly Fat: નિયમિતપણે પિસ્તા ખાવાથી પેટની ચરબી ઘટાડવાની સાથે વજન ઘટાડવામાં પણ મદદ મળે છે. મુઠ્ઠીભર (લગભગ 30 ગ્રામ) પિસ્તામાં 5 ગ્રામ પ્રોટીન, 13 ગ્રામ ફેટ અને 163 કેલરી હોય છે. યુએસ ડિપાર્ટમેન્ટ ઓફ એગ્રીકલ્ચરના ફૂડ ડેટા સેન્ટ્રલ દ્વારા કરવામાં આવેલા એક અભ્યાસમાં આ વાત સામે આવી છે.
આ અભ્યાસમાં જે ખુલાસો થયો છે તેનાથી આપણા મનમાં વિચાર આવે છે કે પિસ્તામાં આટલી બધી ચરબી અને કેલરી હોવા છતાં પણ તે વજન ઘટાડવામાં મદદ કરી શકે છે, તો શું પોપકોર્ન જેવા સ્નેક્સથી પણ વજન ઓછું થઈ શકે છે ? પરંતુ તે સાચું નથી. પિસ્તામાં કેલરી અને ચરબી હોય છે પરંતુ આ જરૂરી કેલરી છે જેની આપણા શરીરને જરૂર છે અને તે પોપકોર્નની કેલરીથી ઘણી અલગ છે. ધ અમેરિકન જર્નલ ઓફ ક્લિનિકલ ન્યુટ્રિશનમાં પ્રકાશિત થયેલા રિવ્યૂ જણાવે છે કે પિસ્તામાં હેલ્ધી સેચ્યુરેટેડ ફેટ હોય છે. ઉપરાંત કેલરીની સાથે સાથે પિસ્તામાં પ્રોટીન અને ફાઈબર ભરપૂર માત્રામાં હોય છે.
પિસ્તા વજન ઘટાડવામાં મદદ કરી શકે છે
આ જ વિષયનો અભ્યાસ કરી રહેલા સંશોધકોએ હાઈલાઈટ કર્યું હતું કે, પિસ્તા માત્ર વજન ઘટાડવામાં જ મદદ નથી કરતો, પરંતુ પેટની ચરબી ઘટાડવામાં પણ મદદ કરે છે. સંશોધકોએ બે ગ્રૂપ પર એક પ્રયોગ હાથ ધર્યો હતો, જેમાં એકને પિસ્તા સહિતનો આહાર આપવામાં આવ્યો હતો અને બીજાને આપવામાં આવ્યો ન હતો. પિસ્તા ગ્રૂપે પેટની ચરબી અન્ય જૂથ કરતાં વધુ ઓછી કરી. આટલું જ નહીં, જે લોકોએ પિસ્તાનું સેવન કર્યું તેમના બેડ કોલેસ્ટ્રોલનું સ્તર ઘટ્યું અને એડિપોનેક્ટીનનું સ્તર વધ્યું.
આ સમાચાર પણ વાંચો : આ 4 રાશિની છોકરીઓ સાબિત થાય છે શ્રેષ્ઠ પત્ની, પોતાના પાર્ટનરનો કોઈપણ મુશ્કેલીમાં સાથ નથી છોડતી
પિસ્તા ખાવાના અન્ય ફાયદા
પિસ્તામાં પુષ્કળ પ્રમાણમાં ફાઈબર હોય છે, જે આપણને લાંબા સમય સુધી પેટ ભરેલા રહેવામાં મદદ કરે છે. આ ફાઈબરમાં સારા બેક્ટેરિયા જોવા મળે છે જે આંતરડા અને આંતરડાના સ્વાસ્થ્યનું ધ્યાન રાખે છે.
પિસ્તામાં મિનરલ્સ, ફાઈબર, પ્રોટીન અને સેચ્યુરેટેડ ફેટનું પ્રમાણ ખૂબ વધારે હોય છે અને આ આપણા શરીરના બ્લડ પ્રેશર, બ્લડ શુગર અને કોલેસ્ટ્રોલ લેવલને નિયંત્રિત કરવામાં મદદ કરે છે.
પિસ્તામાં પોટેશિયમ અને સેચ્યુરેટેડ ફેટી એસિડ પણ ભરપૂર હોય છે. તેમા એન્ટી ઈન્ફ્લેમેટરી અને એન્ટી ઓક્સિડેન્ટ ગુણ હોય છે, જે આપણા એકંદર સ્વાસ્થ્ય માટે ખૂબ જ મહત્વપૂર્ણ છે.
પિસ્તા કાર્ડિયોવેસ્ક્યુલર ડિઝીઝના જોખમને ઘટાડવામાં પણ મદદ કરે છે.
આ સમાચાર પણ વાંચો : સવારે આંખ ખોલતા જ હથેળીઓ જોઈને કરો આ કામ, દિવસભર દેવી લક્ષ્મીની કૃપા બની રહેશે.
Note: અહીં આપવામાં આવેલી માહિતી સામાન્ય માન્યતાઓ અને માહિતી પર આધારિત છે. અમે તેની પુષ્ટિ કરતાં નથી.
