News Continuous Bureau | Mumbai
Health Test: 30 વર્ષની ઉંમર એ જીવનનો મહત્વપૂર્ણ તબક્કો છે. આ સમયે લોકો કારકિર્દી અને વ્યક્તિગત જીવનમાં વ્યસ્ત રહે છે, પણ આરોગ્ય તરફ ધ્યાન ઓછું રહે છે. તબીબોના જણાવ્યા મુજબ, 30 પછી કેટલાક ખાસ હેલ્થ ટેસ્ટ કરાવવાં ખૂબ જરૂરી છે, જેથી ભવિષ્યમાં થતી ગંભીર બીમારીઓથી બચી શકાય
બ્લડ પ્રેશર અને કોલેસ્ટ્રોલ ચેકઅપ
બ્લડ પ્રેશર અને કોલેસ્ટ્રોલ એ “સાઇલન્ટ કિલર” છે. 30 પછી તણાવ, ખોટી ડાયટ અને ઓછા વ્યાયામના કારણે આ સ્તર વધી શકે છે. લિપિડ પ્રોફાઇલ ટેસ્ટ (Lipid Profile Test) અને નિયમિત બ્લડ પ્રેશર ચેકઅપથી હાર્ટ એટેક અને સ્ટ્રોક જેવી બીમારીઓથી બચી શકાય છે
બ્લડ શુગર અને ડાયાબિટીસ સ્ક્રીનિંગ
આજની જીવનશૈલીમાં ડાયાબિટીસ હવે યુવાનોને પણ અસર કરે છે. જો પરિવારના સભ્યને ડાયાબિટીસ હોય અથવા તમારું વજન વધારે હોય, તો ફાસ્ટિંગ અને પોસ્ટ મીલ બ્લડ શુગર ટેસ્ટ કરાવવો જરૂરી છે. HbA1c ટેસ્ટ પણ કરાવી શકાય છે જે ત્રણ મહિનાની સરેરાશ શુગર બતાવે છે
લિવર, કિડની અને વિટામિન ટેસ્ટ
લિવર ફંક્શન ટેસ્ટ (LFT) અને કિડની ફંક્શન ટેસ્ટ (KFT) શરીરના મુખ્ય અંગોની કામગીરી બતાવે છે. વિટામિન D અને B12ની કમી થવાથી થાક, હાડકીઓમાં દુખાવો અને નર્વસ સિસ્ટમની સમસ્યાઓ થાય છે. આ ટેસ્ટ સમયસર કરાવવાથી યોગ્ય સારવાર મળી શકે છે
આ સમાચાર પણ વાંચો : Health tips : જાણો શા માટે દૂધ ઉભા રહીને પીવુ જોઈએ અને પાણી બેસીને પીવુ જોઈએ
કૅન્સર સ્ક્રીનિંગ
મહિલાઓ માટે પેપ સ્મિયર (Pap Smear) અને બ્રેસ્ટ એક્ઝામ જરૂરી છે. પુરુષો માટે PSA ટેસ્ટ (Prostate Cancer Screening) કરાવવો જોઈએ. આ ટેસ્ટ વ્યક્તિગત રિસ્ક અને ફેમિલી હિસ્ટ્રી પર આધાર રાખે છે.
(Disclaimer : અહીં આપવામાં આવેલી માહિતી સામાન્ય માન્યતાઓ અને માહિતી પર આધારિત છે. અમે તેની પુષ્ટિ કરતા નથી.)
