News Continuous Bureau | Mumbai   

 Teachers Day 2024: ભારતમાં પ્રાચીન સમયથી ગુરુને સર્વોચ્ચ માનવામાં આવે છે. તે ગુરુ-શિષ્ય સંબંધનો યુગ હતો, જ્યારે દેશના રાજકુમારથી લઈને ગરીબ બ્રાહ્મણના બાળક સુધી દરેકને ગુરુ આશ્રમમાં દીક્ષા આપવામાં આવતી હતી. બધા સમાન હતા, જેમણે શસ્ત્રો અને શાસ્ત્રોનું શિક્ષણ મેળવ્યું હતું.  જોકે આજના આધુનિક યુગમાં ગુરુ-શિષ્ય પરંપરા સામાન્ય રીતે જોવા મળતી નથી, પરંતુ શિક્ષકની ભૂમિકા ગુરુની સમાન માનવામાં આવે છે. 

 Teachers Day 2024: 5 સપ્ટેમ્બરના રોજ ઊજવવામાં આવે છે શિક્ષક દિવસ 

ભારતમાં દર વર્ષે 5 સપ્ટેમ્બરના રોજ શિક્ષક દિવસ ઊજવવામાં આવે છે. દેશના પહેલા ઉપરાષ્ટ્રપતિ અને પૂર્વ રાષ્ટ્રપતિ, વિદ્વાન, દાર્શનિક અને ભારતરત્નથી સમ્માનિત ડૉ.સર્વપલ્લી રાધાકૃષ્ણનના જન્મદિવસના ઉપલક્ષ્યમાં આ દિવસ ઊજવવામાં આવે છે. આ દિવસની ઉજવણીની શરૂઆત વર્ષ 1962માં ડૉ. રાધાકૃષ્ણનના રાષ્ટ્રપતિ બનવા સાથે થઈ હતી.

આ સમાચાર પણ વાંચો :  Teachers Day: વિદ્યાર્થીઓના ભવિષ્યનું નિર્માણ કરે એ શિક્ષક, આવા જ સુરતના આ શિક્ષકને જિલ્લા કક્ષાએ શ્રેષ્ઠ શિક્ષકના એવોર્ડથી કરાશે સન્માનિત.

તમારા શિક્ષકના યોગદાન માટે આભાર માનવાની ઘણી રીતો છે, પરંતુ તમે તમારા શિક્ષકની પ્રશંસા કરીને તેમને વિશેષ અનુભવ પણ કરાવી શકો છો. ગુરુ અથવા શિક્ષક પર આધારિત ઘણા દોહા છે જે તમે શિક્ષક દિવસ પર તેમના સન્માનમાં શુભેચ્છાઓ, શુભકામનાઓ, શાયરી અને પ્રેરણાદાયી સુવિચાર કહી શકો છો. શિક્ષક દિન નિમિત્તે અહીં શુભેચ્છા સંદેશ  છે, જે તમે તમારા પ્રિય શિક્ષકને સંભળાવી શકો છો અથવા શુભેચ્છા કાર્ડમાં લખી શકો છો.

 Teachers Day 2024:  શિક્ષક દિવસ  શુભેચ્છા સંદેશ 

1 ‘સર્જનાત્મક અભિવ્યક્તિ અને જ્ઞાનમાં આનંદ જગાડવો એ શિક્ષકની સર્વોચ્ચ કળા છે’ – આલ્બર્ટ આઈન્સ્ટાઈન

2 ‘સાચો શિક્ષક એ છે જે આપણને પોતાને માટે વિચારવામાં મદદ કરે છે’ – ડૉ. સર્વપલ્લી રાધાકૃષ્ણન

3 ‘આપણે યાદ રાખવું જોઈએ કે એક પુસ્તક, એક પેન, એક બાળક અને એક શિક્ષક આખી દુનિયા બદલી શકે છે’ – મલાલા યુસુફઝાઈ

4 ‘એક મહાન શિક્ષક એક મહાન કલાકાર છે’ – રાલ્ફ વાલ્ડો એમર્સન

5 ગુરુ બ્રહ્મા ગુરુ વિષ્ણુ ગુરુ દેવો મહેશ્વરઃ

ગુરુઃ સાક્ષાત્ પરબ્રહ્મ તસ્મૈ શ્રી ગુરુવે નમઃ 

6 ગુરુ ગોવિંદ દોનો ખડે, કાકે લાગુ પાઇ (2). બલી હારી ગુરુ આપની, ગોવિંગ દિયો બતાય – કબીર વાણી