હિંદુ ધર્મમાં ચૈત્રી નવરાત્રીનું વિશેષ મહત્વ છે. 22 માર્ચથી ચૈત્રી નવરાત્રીનો પ્રારંભ થયો છે. આ વખતે ચૈત્ર નવરાત્રી ખૂબ જ ખાસ છે કારણ કે ચૈત્ર નવરાત્રિથી જ હિંદુ નવા વર્ષની શરૂઆત થઈ છે. નવરાત્રીનો તહેવાર દેશભરમાં ધામધૂમથી ઉજવવામાં આવે છે. નવરાત્રિની બે સૌથી મહત્વપૂર્ણ તારીખો અષ્ટમી અને નવમી તિથિ છે. અષ્ટમી તિથિ પર માતા મહાગૌરીની પૂજા કરવામાં આવે છે, ઘણા લોકો આ દિવસે વિશેષ વ્રત રાખે છે. અષ્ટમીના દિવસે કન્યા પૂજન પણ કરવામાં આવે છે.

મહાષ્ટમી કન્યા પૂજન શુભ મુહૂર્ત 

આ વર્ષે અષ્ટમી આજે એટલે કે 29 માર્ચ, બુધવાર છે. હિન્દુ કેલેન્ડર મુજબ, અષ્ટમી તિથિ 28 માર્ચ, બુધવાર, સાંજે 07:02 વાગ્યે શરૂ થઈ છે અને 29 માર્ચ, આજે રાત્રે, 09:07 વાગ્યે સમાપ્ત થશે. આ દિવસે બ્રહ્મ મુહૂર્ત સવારે 04.42 થી 05.29 સુધી રહેશે. મહાઅષ્ટમીનું અમૃત મુહૂર્ત સવારે 09.02 થી 10.49 સુધી રહેશે. આજે ભદ્રા કાલ સવારે 06.15 થી 08.01 સુધી રહેશે, ત્યારબાદ આખો દિવસ કન્યાની પૂજા કરી શકાશે.

અષ્ટમી કન્યા ભોજન અથવા પૂજા માટે એક દિવસ પહેલા છોકરીઓને આમંત્રિત કરવામાં આવે છે. કન્યાઓ પર ફૂલોની વર્ષા કરીને ઉષ્માભર્યું સ્વાગત કરો. નવ દુર્ગાના તમામ નવ નામોનો જાપ કરો. આ કન્યાઓને આસન પર એક લાઈનમાં બેસાડો. ૐ કોમાર્ય નમ: મંત્રથી કન્યાઓની પંચોપચાર પૂજા કરવી. ત્યારબાદ તેને રુચિ મુજબ ભોજન કરાવો. ભોજનમાં ભલે ગમે એટલા પકવાન હોય, પરંતુ તેમાં ખીર કે હલવો જરૂર હોવો જોઈએ કારણ કે કહેવાય છે કે આ બંને વસ્તુઓ વગર દેવીનો ભોગ પૂરો નથી થતો.

આ પછી ચરણ સ્પર્શ કરીને આશીર્વાદ લો. કપાળ પર અક્ષત, ફૂલ અને કુમકુમ લગાવો. ત્યારપછી મા ભગવતીનું ધ્યાન કરીને કન્યાઓને ભોજન કરાવો. ભોજન કર્યા પછી, તમારી ક્ષમતા અનુસાર કન્યાઓને ભેટ આપો અને તેમના ચરણ સ્પર્શ કરીને આશીર્વાદ લો. તમે નવ છોકરીઓમાં છોકરાને કાલભૈરવના રૂપમાં પણ બેસાડી શકો છો.

આ સમાચાર પણ વાંચો :  હવે મુંબઈથી પુણે જવું પડશે મોંઘુ, 1 એપ્રિલથી લાગુ થશે નવા ટોલ દરો.. જાણો નવા ટોલ રેટ

મહાષ્ટમી કન્યા પૂજનના નિયમો

નવરાત્રિમાં, બધી તારીખો અને અષ્ટમી અથવા નવમી પર એક પછી એક નવ કન્યાઓની પૂજા કરવામાં આવે છે. માતા બે વર્ષની કન્યા(કુમારી)ની પૂજા કરીને દુ:ખ અને ગરીબી દૂર કરે છે. ત્રણ વર્ષની છોકરીને ત્રિમૂર્તિ માનવામાં આવે છે. ત્રિમૂર્તિ કન્યાની પૂજાથી પરિવારમાં ધન-સંપત્તિ અને સુખ-સમૃદ્ધિ આવે છે. ચાર વર્ષની કન્યાને કલ્યાણી ગણવામાં આવે છે. તેની પૂજાથી પરિવારનું કલ્યાણ થાય છે. જ્યારે પાંચ વર્ષની કન્યા રોહિણી કહેવાય છે. રોહિણીની પૂજા કરવાથી વ્યક્તિ રોગોથી મુક્ત થાય છે. છ વર્ષની કન્યાનું નામ કાલિકા રૂપ છે.

જ્ઞાન, વિજય, રાજયોગ કાલિકા સ્વરૂપે પ્રાપ્ત થાય છે. સાત વર્ષની કન્યાનું રૂપ ચંડિકાનું છે. ચંડિકા સ્વરૂપની પૂજા કરવાથી ધનની પ્રાપ્તિ થાય છે. આઠ વર્ષની કન્યાનું નામ શાંભવી. તેમની પૂજા કરવાથી વાદ-વિવાદમાં વિજય પ્રાપ્ત થાય છે. નવ વર્ષની કન્યાને દુર્ગા કહેવામાં આવે છે. તેની પૂજા કરવાથી શત્રુઓનો નાશ થાય છે અને અસાધ્ય કાર્યો સિદ્ધ થાય છે. દસ વર્ષની કન્યાને સુભદ્રા કહે છે. સુભદ્રા તેના ભક્તોની દરેક મનોકામના પૂર્ણ કરે છે.

આ વાતનું ખાસ ધ્યાન રાખો 

કન્યા પૂજામાં 2 થી 10 વર્ષ સધીની કન્યાઓને ભોજન માટે આમંત્રિત કરવી જોઈએ. તેની પાછળનો આશય છે કે જે કન્યાઓને માસિક ધર્મ શરૂ ન થયો હોય, તેઓ જ કન્યા પૂજાને યોગ્ય માનવામાં આવે છે. કન્યાઓ સિવાય નાના છોકરાઓને પણ ભોજન માટે બોલાવો. તેમને હનુમાનજીનું સ્વરૂપ માનવામાં આવે છે. કથાઓ પ્રમાણે, જ્યારે વૈષ્ણોદેવી તપસ્યા કરી રહ્યાં હતાં, ત્યારે હનુમાનજીએ જ ગુફાની બહાર પહેરો દીધો હતો.

આ સમાચાર પણ વાંચો : હે ભગવાન.. આ માવઠું ક્યારે પીછો છોડશે? ગુજરાતમાં ફરી આ તારીખથી કમોસમી વરસાદ પડવાની આગાહી, ધરતીપુત્રોની ચિંતામાં.