News Continuous Bureau | Mumbai
Dhuleti : ધુળેટીના દિવસે લોકો મોજ મસ્તી માં તેમજ ખુશ હોય છે. જોકે, અનેક વસ્તુઓ એવી છે જે ટાળવી જોઈએ. નહીં તો રંગમાં ભંગ પડી શકે છે.
Dhuleti : આડેધડ ફુગ્ગા ફેંકવા
ઘણી જગ્યાએ હોળીના દિવસોમાં છોકરીઓ અને મહિલાઓ પર પાણીના ફુગ્ગા ફેંકવામાં આવે છે. ટ્રેનમાં મુસાફરી કરતા ઘણા મુસાફરોને આનો અનુભવ થાય છે. તેની સામે કાયદાઓ બનાવવામાં આવ્યા છે પરંતુ તેઓ પૂરતા નથી. આજે પણ અજાણ્યા લોકો સામે ફુગ્ગા ફેંકવાની સમસ્યા બહોળા પ્રમાણમાં જોવા મળે છે,
Dhuleti : રંગના નામે હાનિકારક પદાર્થોનો ઉપયોગ
હોળીના નામ પર બજારમાં ઘણા રંગો વેચાતાં હોય છે. આમાંથી અનેક રંગ સસ્તા હોય છે પરંતુ તે કેમિકલ થી બન્યા હોય છે. છોકરાઓમાં એક જાતનો ક્રેઝ હોય છે કે એવો રંગ ખરીદવામાં આવે જે પાકો હોય અને શરીર પરથી આસાનીથી બહાર ન નીકળે. જોકે આવા રંગ ખરીદતા સમયે એવા કેમિકલો ખરીદવામાં આવે છે જે સ્વાસ્થ્ય માટે હાનિકારક છે. આથી હોળીમાં કેમિકલ યુક્ત રંગોને ટાળવા જોઈએ. આવા રંગોથી આંખને અને ત્વચાને નુકસાન થઈ શકે છે.
આ સમાચાર પણ વાંચો : મુંબઈ અને તેના નજીકના વિસ્તારમાં ગડગડાટ, મીરા રોડમાં છુટા છવાયા ઝાપટા…
Dhuleti : હોળીકા દહન ના નામ પર આડેધડ વૃક્ષો ન કાપો
હોળીકા દહન સમયે અનેક જગ્યાએ આગ પ્રગટાવવામાં આવે છે. આ એક વૈદિક અને ધાર્મિક પરંપરા છે. જોકે હોલિકા દહન ના નામ પર આડેધડ વૃક્ષોને કાપવામાં આવે છે. વૃક્ષોને કાપવાથી પર્યાવરણને વ્યાપક નુકસાન પહોંચે છે.
