News Continuous Bureau | Mumbai
આગામી 31 માર્ચે ગુરુ મીન રાશિમાં અસ્ત થઈ રહ્યો છે. અને તે તેની નિર્ધારિત સ્થિતિમાં જ 22મી એપ્રિલે મેષ રાશિમાં પ્રવેશ કરશે. મીન રાશિમાં અસ્ત થયા પછી, ગુરુ આગામી એક મહિના માટે અસ્ત રહેશે અને મેષ રાશિમાં જશે ત્યારે 30મી એપ્રિલે ઉદય થશે. જ્યોતિષની દૃષ્ટિએ ગુરુનું અસ્ત થવું શુભ માનવામાં આવતું નથી. ગુરુના અસ્ત થવાને કારણે તમામ પ્રકારના શુભ કાર્યો અટકી જશે અને તેની વિપરીત અસર ઘણી રાશિઓ પર પણ જોવા મળશે. ગુરુના અસ્ત થવાને કારણે આ રાશિના જાતકોના પારિવારિક જીવનમાં, સ્વાસ્થ્ય અને આર્થિક સ્થિતિમાં ઘણા ઉતાર-ચઢાવ આવી શકે છે. ચાલો જાણીએ કે ગુરુની અસ્ત થવાને કારણે કઈ રાશિના જાતકોને મુશ્કેલીઓ અને કઠિન પરિસ્થિતિઓનો સામનો કરવો પડશે.
મિથુન રાશિ
મીન રાશિમાં ગુરૂ અસ્ત થવાને કારણે મિથુન રાશિના વેપારી વર્ગના લોકો માટે સમય થોડો મુશ્કેલ બની શકે છે. વાસ્તવમાં, આ રાશિના લોકો જે વેપાર અથવા ભાગીદારીમાં વ્યવસાય કરે છે તેમને કેટલીક સમસ્યાઓનો સામનો કરવો પડી શકે છે. આ સાથે, તેમના લગ્ન જીવનમાં પણ સંતુલન જાળવવાની જરૂર છે. તેમ જ તેમને આ સમયગાળા દરમિયાન કોઈપણ પ્રકારની ચર્ચામાં ન પડવાની સલાહ આપવામાં આવે છે.
ધનુ રાશિ
મીન રાશિમાં ગુરુ અસ્ત થવાને કારણે ધનુ રાશિના લોકોને સ્વાસ્થ્ય સંબંધિત સમસ્યાઓ થઈ શકે છે. આ સમય દરમિયાન તમારે તમારા સ્વાસ્થ્ય પર વિશેષ ધ્યાન આપવાની જરૂર છે. ઉપરાંત, તેમની માતાને પણ સ્વાસ્થ્ય સંબંધિત સમસ્યાઓ થઇ શકે છે. તેમની માતાનું સ્વાસ્થ્ય બગડી શકે છે. એટલા માટે તેમને સલાહ આપવામાં આવે છે કે તેઓ તેમની માતાનું રેગ્યુલર ચેકઅપ કરાવે. આ સાથે જે લોકો રિલેશનશીપમાં છે તેમને થોડી પરેશાની રહી શકે છે.
આ સમાચાર પણ વાંચો : આજે ચૈત્ર નવરાત્રીનો ચોથો દિવસ.. આજના દિવસે કરવામાં આવે છે માતા કુષ્માંડાની પૂજા, જાણો પૂજા વિધિ, મુહૂર્ત અને મંત્ર
કન્યા રાશિ
કન્યા રાશિના જાતકોને ગુરુની મીન રાશિમાં અસ્ત થવાને કારણે વૈવાહિક સંબંધોમાં ઘણા ઉતાર-ચઢાવનો સામનો કરવો પડી શકે છે. તેમને આ સમયગાળા દરમિયાન કોઈપણ પ્રકારની ચર્ચામાં ન પડવાની સલાહ આપવામાં આવે છે. ઉપરાંત, તેમના જીવનસાથી સાથે કોઈ વાતને લઈને વિવાદ થઈ શકે છે. આ દરમિયાન તેમના જીવનમાં અનેક પ્રકારની સમસ્યાઓ ઉભી આવી શકે છે.
કુંભ રાશિ
મીન રાશિમાં ગુરૂ અસ્ત થવાને કારણે કુંભ રાશિના લોકોની વાણી થોડી કઠોર બની શકે છે. જેના કારણે તેઓ તેમના નજીકના સંબંધીઓ સાથે તેમના સંબંધ બગડી શકે છે. આવી સ્થિતિમાં, તેઓએ તેમના શબ્દોનો ખૂબ જ વિચારપૂર્વક ઉપયોગ કરવો. આ દરમિયાન તેમના આત્મવિશ્વાસમાં પણ ઘટાડો થશે. આ સમયગાળા દરમિયાન કોઈ રોકાણ ન કરો. આ સમયે રોકાણ કરવું તેમના માટે ફાયદાકારક રહેશે નહીં.
મીન રાશિ
ગુરુ પોતાની રાશિ, મીન રાશિમાં અસ્ત થવા જઈ રહ્યા છે. આવી સ્થિતિમાં મીન રાશિના લોકોને સ્વાસ્થ્ય સંબંધિત સમસ્યાઓનો સામનો કરવો પડી શકે છે. આ સાથે, તેમના કાર્યસ્થળ પર પણ ઘણી સમસ્યાઓનો સામનો કરવો પડશે. આ સમયગાળા દરમિયાન તેમના પર કામનો બોજ પણ વધુ રહેશે. જેના કારણે તેઓ તેમના પરિવારને ઓછો સમય આપી શકશે. આ દરમિયાન તેમની આર્થિક સ્થિતિ પણ થોડી નબળી પડી શકે છે. પૈસા સંબંધિત કોઈ મોટો નિર્ણય લેવાનું ટાળો.
(Note: અહીં આપવામાં આવેલી માહિતી સામાન્ય માન્યતાઓ અને માહિતી પર આધારિત છે. અમે તેની પુષ્ટિ કરતા નથી.)
