News Continuous Bureau | Mumbai

Meta AI on WhatsApp:  મેટા પોતાના તમામ સોશિયલ મીડિયા પ્લેટફોર્મને જેમ કે, ઇન્સ્ટાગ્રામ, ફેસબુક અને વોટ્સએપ સહિતને હાલ એઆઇથી સજ્જ કરી રહી છે. આ જ સંદર્ભમાં હવે, મેટા વોટ્સએપમાં એક નવા અપડેટ પર હાલ કામ કરી રહી છે. જેમાં  વપરાશકર્તાઓને મોકલેલા ફોટાનો જવાબ એઆઈ આપશે. આ સિવાય જો અપડેટ સફળ રહેશે તો AI ફોટોને એડિટ ( Photo edit ) પણ કરશે. 

WABetainfoના એક નિવેદનમાં જણાવ્યા અનુસાર, વોટ્સએપ બીટા વર્ઝન 2.24.14.20 માં આ અપડેટ જોવા મળ્યું હતું, તેથી ટૂંક સમયમાં સ્ટેબલ બિલ્ડ વર્ઝનમાં પણ શામેલ થવાની સંભાવના છે.

Meta AI on WhatsApp: તમે ચેટબોટ પરથી કોઇ પણ વસ્તુ વિશે જાણકારી મેળવી શકો છો…

WABetainfoના રિપોર્ટ અનુસાર, વોટ્સએપ હાલ એક નવા ચેટ બટનનું ટેસ્ટિંગ કરી રહ્યું છે. આ બટનની મદદથી યૂઝર્સ મેટા એઆઈ સાથે સીધા જ પોતાના ફોટો શેર કરી શકશે. એટલું જ નહીં, તમે ચેટબોટ પરથી કોઇ પણ વસ્તુ વિશે જાણકારી મેળવી શકો છો. આ સિવાય ટેક્સ્ટ કે પ્રોમ્પ્ટની મદદથી ચેટબોટને તમે ફોટોમાં ફેરફાર કરવા માટે પણ કહી શકશો.

WABetainfo દ્વારા શેર કરવામાં આવેલા સ્ક્રીનશૉટ અનુસાર યૂઝર્સનું પોતાના ફોટા પર સંપૂર્ણ નિયંત્રણ હશે. આ સિવાય તેઓ જ્યારે ઈચ્છે ત્યારે તેને ડિલીટ પણ કરી શકે છે.

આ સમાચાર પણ વાંચો  : Mumbai Weather : મુંબઈમાં ભારે વરસાદ બાદ હાઈ ટાઈડ એલર્ટ, જાણો કેવી રહેશે સ્થિતિ..

Meta AI on WhatsApp: વોટ્સએપમાં લાવવામાં આવી રહેલી આ નવી સર્વિસ ઓપ્શનલ હશે…

વોટ્સએપમાં લાવવામાં આવી રહેલી આ નવી સર્વિસ ઓપ્શનલ હશે. તેનો ઉપયોગ કરતા પહેલા, વપરાશકર્તાએ ( WhatsApp Users ) તેને સ્વીકારવું પડશે. WABetainfo વોટ્સએપના નવા અપડેટ વિશે પહેલેથી જ માહિતી આપી ચૂક્યું છે, જેમાં જણાવવામાં આવ્યું હતું કે વોટ્સએપ એક એવા ફીચર પર કામ કરી રહ્યું છે જેનાથી યૂઝર્સ મેટા એઆઇ સાથે પોતાનો ફોટો શેર કરીને પોતાની એઆઇ જનરેટેડ તસવીર ( AI generated image ) મેળવી શકે છે.

તમારું પોતાનું એઆઈ જનરેટ કરેલું ચિત્ર મેળવવા માટે, તમારે સૌ પ્રથમ એઆઈ ચેટબોટમાં ઇમેજિન મી પ્રોમ્પ્ટ લખવાની જરૂર રહેશે. ત્યાર બાદ ફોટોનો એક સેટ મોકલવાનો રહેશે, જે બાદ એઆઇ તે ફોટાઓનું વિશ્લેષણ કરશે. જેથી એ સુનિશ્ચિત કરી શકાય કે બનાવેલ તસવીર યૂઝર સાથે મેચ થાય કે નહીં.