News Continuous Bureau | Mumbai 

Urban Company Native M2 Review: અર્બન કંપનીએ તાજેતરમાં જ નવા વોટર પ્યુરીફાયર લોન્ચ કર્યા છે. આમાં Native M2 RO કંપનીનો ફ્લેગશિપ પ્રોડક્ટ પણ છે. હાલ ઘણા લોકપ્રિય વોટર પ્યુરિફાયર ( Water purifier ) ભારતીય બજારમાં પહેલેથી જ હાજર છે. આવી સ્થિતિમાં, અર્બન કંપનીનું આ વોટર પ્યુરીફાયર બજારના અન્ય વોટર પ્યુરીફાયર સાથે કેવી રીતે સ્પર્ધા કરે છે અને તેની શું વિશેષતાઓ છે ચાલો જાણીએ અહીં.. 

સૌ પ્રથમ, જો આપણે ડિઝાઇન વિશે વાત કરીએ, તો કંપનીએ ડિઝાઇનને એકદમ મિનિમલિસ્ટિક રાખી છે. બ્લેક કલર વેરિઅન્ટ છે અને સેન્ટરમાં વોટર આઉટલેટ આપવામાં આવ્યું છે. અહીં એક માર્ગદર્શક વાદળી લાઈટ આપવામાં આવી છે. જ્યારે તમે પારદર્શક બોટલ અથવા ગ્લાસમાં પાણી ભરો છો, ત્યારે આ લાઈટ અદ્ભુત લાગે છે. આ લાઈટનો ફાયદો એ છે કે તમે અંધારામાં પણ સરળતાથી તમારો ગ્લાસ અથવા બોટલમાં ફરી પાણી ભરી શકો છો.

 Urban Company Native M2 Review: બોટલ અથવા ગ્લાસ રાખવા માટે રિટ્રેક્ટેબલ ટ્રે આપવામાં આવે છે..

બોટલ અથવા ગ્લાસ રાખવા માટે રિટ્રેક્ટેબલ ટ્રે આપવામાં આવે છે, જેેને ઉપયોગ હોય ત્યારે બહારની તરફ ખેંચી શકાય છે અને જ્યારે આ ટ્રેની જરુર ન હોય તો તેને અંદર તરફ પણ પાછી નાખી શકાય છે. આ ટ્રેક ખૂબ જ મજબૂત તો નથી, પરંતુ તે 1-2 લિટર સુધીની બોટલ તો આરામથી હોલ્ડ કરી લે છે.

ગ્લાસ અને બોટલ ભરવા માટે ઓટો વિકલ્પ પણ આપવામાં આવ્યો છે. તમે એક ક્લિકમાં ગ્લાસ અથવા બોટલ ભરી શકો છો. પરંતુ આમાં માત્ર મધ્યમ કદના ગ્લાસ અને 600-700ML બોટલો જ ભરાશે. આ સાથે આમાં ફ્રીફ્લોનો વિકલ્પ પણ છે, જેને ટેપ કરીને તમે ઇચ્છો તેટલું પાણી ભરી શકો છો.

આ સમાચાર પણ વાંચો : Gold Rate Today: ઈરાન- ઈઝરાયેલના યુદ્ધની ચર્ચાઓ સમાપ્ત થતાં, યુએસ ફેડ દર ઓછું થતાં, સોનાની પાંચ સપ્તાહની તેજીનો અંત આવ્યો…

આ વોટર પ્યુરિફાયરની બે સમસ્યાઓ ધ્યાનમાં લેવા જેવી છે. પ્રથમ એ છે કે જો વીજળી ગુમ થઈ ગઈ, તો તમે ફિલ્ટરમાંથી પાણી કાઢી શકતા નથી. જો ફિલ્ટરની ટાંકી ફુલ ભરેલી પણ હશે તો પણ તમે પાણી નહીં કાઢી શકો. કારણ કે તેમાં આપવામાં આવેલ ટચ કંટ્રોલ માત્ર વીજળી પર જ કામ કરે છે. કંપનીએ તેથી આમાં અમુક સમય માટે ઇનબિલ્ટ બેટરીનો ઉપયોગ કરવાનું ઓપ્શન પણ આપવું જોઈતું હતું. જો કે, આ જ કંપનીના અન્ય વોટર પ્યુરીફાયર જે આના કરતા સસ્તું છે. તેમાં પરંપરાગત નળ હોવાથી આવી સમસ્યા નથી.

બીજી સમસ્યા એ છે કે તે ફિલ્ટ્રેશન ( Water Filtration ) દરમિયાન આ મશીન ખુબ શાંત નથી. તેનો અવાજ ક્યારેક તમને પરેશાન પણ કરી શકે છે.

 Urban Company Native M2 Review: Urban Company Native M2 માં તમને ટચ કંટ્રોલ આપવામાં આવે છે…

Urban Company Native M2 માં તમને ટચ કંટ્રોલ આપવામાં આવે છે. તેમાં ત્રણ મોડ છે. તેમાં ગ્લાસ, પાણી અને ફ્રીફ્લોનો સમાવેશ થાય છે. કંપનીએ આ કન્સોલ પાસે બેકલીટનો ઉપયોગ કર્યો છે. રીંગ શેપ્ડ એલઇડીને કારણે તે વધુ સારું લાગે છે. વાસ્તવમાં, રિંગ આકારની એલઇડી માત્ર સારા દેખાવા માટે નથી, પરંતુ તે એક રીતે નોટિફિકેશન લાઇટ પણ છે.

તે કનેક્ટિવિટી દરમિયાન ઝબકે છે, સ્ટેન્ડબાયમાં હોય ત્યારે ચમકે છે અને ઉપયોગ દરમિયાન પણ ઝબકે છે. પાણીની ટાંકીમાં પાણી સમાપ્ત થઈ ગયું હોય તો પણ તે ઝબકતું રહે છે.

આ વોટર પ્યુરીફાયર IoT આધારિત છે જે અર્બન કંપનીની એપ સાથે જોડાય છે. એપમાં પ્રી ફિલ્ટર, સેડિમેન્ટ ફિલ્ટર, પ્રી કાર્બન ફિલ્ટર અને આરઓ મેમ્બ્રેનની લાઇફ સ્ટેટસ જોઇ શકાય છે. આ ઉપરાંત, 4-1 વોટર હેલ્થ બૂસ્ટર ફિલ્ટર અને યુએફ મેમ્બ્રેનના જીવન વિશેની માહિતી પણ અહીં ઉપલબ્ધ છે.

અહીં, દરરોજના પાણીનો વપરાશ પણ તમને ગ્રાફ દ્વારા બતાવવામાં આવશે. આ એપમાં ક્યારે અને કેટલા લીટર પાણીનો ઉપયોગ થયો તેની માહિતી પણ તમને મળે છે.

આ સમાચાર પણ વાંચો :  PBKS vs KKR: KKR vs PBKS મેચમાં ઈતિહાસ રચાયો, પંજાબે કર્યો સૌથી મોટો રન ચેઝ, આ મોટા રેકોર્ડ તૂટ્યા..

Urban Company Native M2 Review: આમાં કુલ 6 ફિલ્ટર્સ આપવામાં આવ્યા છે.

કોઈપણ વોટર પ્યુરીફાયરનો સૌથી મજબૂત પોઈન્ટ તેમાં આપવામાં આવેલ ફિલ્ટરેશન સિસ્ટમ છે. નેટિવ M2 એક પ્રી ફિલ્ટર સાથે આવે છે જે મુખ્ય યુનિટની બહાર ઇન્સ્ટોલ કરેલું છે. આમાં કુલ 6 ફિલ્ટર્સ આપવામાં આવ્યા છે. તેમાં પ્રી ફિલ્ટર, પ્રી કાર્બન ફિલ્ટર, આરઓ મેમ્બ્રેન, આલ્કલાઇન અને મિનરલ કાર્ટ્રિંજ, પોસ્ટ કાર્બન ફિલ્ટર અને અલ્ટ્રા ફિલ્ટરેશન મેમ્બ્રેનનો સમાવેશ થાય છે.

અર્બન કંપની અનુસાર, આ વોટર પ્યુરીફાયર પાણીમાંથી 99.99% સુધીની અશુદ્ધિઓ દૂર કરે છે. સ્વાદની વાત કરીએ તો પાણીનો સ્વાદ ખરેખર સારો લાગે છે.

નેટિવ M2 એક સરસ દેખાતું વોટર પ્યુરીફાયર છે. બે વર્ષની વોરંટી સાથે આવે છે. આમાં વચ્ચે વચ્ચે ફિલ્ટર બદલવાની કોઈ ઝંઝટ નથી રહેતી. એપ્લિકેશન સાથે કનેક્ટિવિટી સારી છે.