News Continuous Bureau | Mumbai
Bharela Shimla Marcha: જો તમે એક કે બે રીતે શિમલા મરચાનું શાક ખાઈને કંટાળી ગયા હોવ. તો આ વખતે એક અલગ ટ્વિસ્ટ સાથે બનાવો ભરેલા શિમલા મરચા. આ વાનગી ચણાના લોટમાંથી બને છે. ચણાના લોટમાંથી બનાવેલા ભરેલા મરચા ખાવાની બહુ જ મજા આવે છે.સવારના નાસ્તામાં આ શાક પરાઠા સાથે ખૂબ જ સ્વાદિષ્ટ લાગે છે. વળી, બાળકો અને વડીલો બધાને ગમશે. તો ચાલો જાણીએ કે ભરેલા શિમલા મરચાનું શાક કેવી રીતે બનાવવું.
સામગ્રી
8-10 શિમલા મરચા
એક ચમચી ધાણા પાવડર
એક ચમચી મરચું પાવડર
ત્રણ ચમચી ચણાનો લોટ
અડધી ચમચી ગરમ મસાલા
ચપટી આમચૂર પાવડર
ચપટી હિંગ
એક ચમચી જીરું
2 ચમચી તેલ
અડધી ચમચી વરિયાળી
અડધી ચમચી રાઈ
સ્વાદાનુસાર મીઠું
આ સમાચાર પણ વાંચો : Shikha Malhotra : કોરોનામાં બની નર્સ,પછી થઇ પેરાલિસિસનો શિકાર, જાણો હવે કેવી હાલત છે શાહરુખ ખાન સાથે કામ કરી ચુકેલી અભિનેત્રી ની
બનાવવાની રીત
સૌપ્રથમ શિમલા મરચાને ધોઈને સમારી લો. એક કડાઈમાં ચણાના લોટને ધીમી આંચ પર શેકી લો. હવે એક પેનમાં તેલ ગરમ કરો અને તેમાં રાઈ નાંખો.પછી જીરું અને વરિયાળી ઉમેરો. તે બરાબર તતડે પછી તેમાં હિંગ નાખો. સમારેલા શિમલા મરચા ઉમેરો. ગેસની આંચ ધીમી રાખો અને ઢાંકીને થોડીવાર પકાવો. જ્યારે તે પાકી જાય, ત્યારે તેમાં ધાણા પાવડર, લાલ મરચું પાવડર, આમચૂર પાવડર ઉમેરો. તેની સાથે લાલ મરચાનો પાવડર ઉમેરો. મીઠું નાખો અને થોડી વાર પકાવો. જ્યારે શિમલા મરચા પાકવા લાગે ત્યારે તેમાં બે થી ત્રણ ચમચી શેકેલા ચણાનો લોટ નાખીને બરાબર મિક્સ કરી લો. જ્યારે તે પાકી જાય, ત્યારે ગેસની ફ્લેમ બંધ કરી દો અને તેને ઢાંકીને એકથી બે મિનિટ માટે રહેવા દો. તૈયાર છે ભરેલા શિમલા મરચાનું શાક, તેને પરાઠા સાથે સર્વ કરો.
