News Continuous Bureau | Mumbai
West Bengal Election Result 2026 | પાંચ રાજ્યોની વિધાનસભા ચૂંટણી 2026 ના પરિણામોએ દેશના રાજકીય નકશાને બદલી નાખ્યો છે. સૌથી મોટો ઉલટફેર પશ્ચિમ બંગાળમાં જોવા મળ્યો છે, જ્યાં ભાજપે 206 બેઠકો સાથે પ્રચંડ બહુમતી મેળવીને મમતા બેનર્જીના 15 વર્ષના શાસનનો અંત આણ્યો છે. બીજી તરફ તમિલનાડુમાં અભિનેતા વિજયની પાર્ટી TVK એ પરંપરાગત પક્ષોને પછાડીને સૌથી વધુ બેઠકો મેળવી ઇતિહાસ રચી દીધો છે.
બંગાળમાં ‘દીદી’ ના ગઢમાં સુવેન્દુની જીત
પશ્ચિમ બંગાળમાં ભાજપે 200 નો આંકડો પાર કરીને ઐતિહાસિક જીત નોંધાવી છે. સૌથી વધુ ચર્ચાસ્પદ બેઠક ભવાનીપુરમાં મુખ્યમંત્રી મમતા બેનર્જી ભાજપના સુવેન્દુ અધિકારી સામે પરાજિત થયા છે. હાર બાદ મમતા બેનર્જીએ મતગણતરી પ્રક્રિયા સામે સવાલો ઉઠાવ્યા છે, જ્યારે ભાજપના છાવણીમાં ભારે જશ્નનો માહોલ છે. ડાબેરીઓનો બંગાળમાં સફાયો થઈ ગયો છે.
તમિલનાડુમાં વિજયનો ઉદય, કેરળમાં સત્તા પરિવર્તન
તમિલનાડુમાં અભિનેતા વિજયની પાર્ટી TVK એ 118 બેઠકોના બહુમતી આંકડા તરફ આગળ વધીને દ્રવિડિયન રાજકારણના મૂળ હચમચાવી દીધા છે. મુખ્યમંત્રી એમ.કે. સ્ટાલિન પોતાની બેઠક પણ બચાવી શક્યા નથી. કેરળમાં 10 વર્ષ બાદ યુડીએફ (UDF) ગઠબંધન સત્તા પર પરત ફર્યું છે, જેની સાથે જ દેશમાં ડાબેરીઓનો છેલ્લો મજબૂત ગઢ પણ પડી ભાંગ્યો છે.
આસામ અને પુડુચેરીમાં ભાજપનો દબદબો યથાવત
આસામમાં હિમંત બિસ્વ સરમાના નેતૃત્વમાં ભાજપે સતત ત્રીજી વખત જીત મેળવીને હેટ્રિક પૂરી કરી છે. હિમંત પોતે છઠ્ઠી વખત ચૂંટણી જીત્યા છે. પુડુચેરીમાં પણ એનડીએ (NDA) એ સત્તા જાળવી રાખી છે. આ પરિણામો સ્પષ્ટપણે દર્શાવે છે કે મતદારોએ વિકાસ અને નવા નેતૃત્વ પર પસંદગી ઉતારી છે.
👉 આ સમાચાર વાચો:
Maharashtra Petrol Diesel Shortage 2026| પેટ્રોલ પંપોની મનમાનીથી જનતા પરેશાન! મહારાષ્ટ્રમાં ઈંધણની તીવ્ર અછત, અનેક શહેરોમાં ‘નો સ્ટોક’ના બોર્ડ લાગ્યા
