News Continuous Bureau | Mumbai
Iran Representative in India Statement અમેરિકા અને ઈરાન વચ્ચેના યુદ્ધના વાદળો વધુ ઘેરા બન્યા છે. ઈસ્લામાબાદમાં યોજાયેલી શાંતિ વાટાઘાટો નિષ્ફળ ગયા બાદ અમેરિકાએ ઈરાની બંદરોની નાકાબંધી કરવાની જાહેરાત કરી છે. આ ગંભીર પરિસ્થિતિ વચ્ચે ભારતમાં ઈરાની સુપ્રીમ લીડરના પ્રતિનિધિ ડો. અબ્દુલ મજીદ હકીમ ઈલાહીએ દિલ્હીમાં પત્રકાર પરિષદ યોજીને ઈરાનનો પક્ષ રજૂ કર્યો છે. તેમણે સ્પષ્ટ કર્યું છે કે ઈરાન વાતચીત માટે હજુ પણ તૈયાર છે, પરંતુ તે માનવીય મૂલ્યો અને સાર્વભૌમત્વના ભોગે નહીં હોય.ડો. ઈલાહીએ જણાવ્યું કે હોર્મુઝની સામુદ્રધૂની (Strait of Hormuz) ખોલવી એ માત્ર અમેરિકા માટે જ નહીં, પરંતુ સમગ્ર વિશ્વની અર્થવ્યવસ્થા માટે જરૂરી છે. જોકે, વર્તમાન સ્થિતિને જોતા ઈરાને તેની સુરક્ષા માટે કડક વલણ અપનાવ્યું છે.
પર્સિયન ગલ્ફમાંથી અમેરિકી જહાજો હટાવવાની માંગ
ઈરાને અમેરિકા સામે સ્પષ્ટ શરત મુકી છે કે જો શાંતિ જોઈતી હોય તો અમેરિકાએ પર્સિયન ગલ્ફ માંથી પોતાના સૈન્ય જહાજો હટાવી લેવા જોઈએ. ડોનાલ્ડ ટ્રમ્પના આક્રમક નિવેદનો પર પ્રતિક્રિયા આપતા ઈરાની પ્રતિનિધિએ કહ્યું કે, અમેરિકાના જહાજો અહીં શું કરી રહ્યા છે? તેમણે તે વિસ્તારમાંથી નીકળી જવું જોઈએ. અમે ક્યારેય વાતચીતનું ટેબલ છોડ્યું નથી, પરંતુ અમેરિકાની માંગણીઓ એવી હતી જે સ્વીકારવી અશક્ય હતી.
આજે સાંજથી અમેરિકાની નાકાબંધી શરૂ થશે
બીજી તરફ, અમેરિકી સેન્ટ્રલ કમાન્ડ (CENTCOM) એ જાહેરાત કરી છે કે ભારતીય સમય મુજબ આજે ૧૩ એપ્રિલના રોજ સાંજે ૭:૩૦ વાગ્યાથી ઈરાની બંદરોની નાકાબંધી શરૂ કરવામાં આવશે. આ નાકાબંધી અરબ અખાત અને ઓમાનની ખાડીના તમામ ઈરાની બંદરો પર લાગુ થશે. જે જહાજો ઈરાન સિવાયના અન્ય દેશોના બંદરો પર જઈ રહ્યા છે, તેમને હોર્મુઝમાંથી પસાર થવા દેવામાં આવશે.
આ સમાચાર પણ વાંચો : Noida Salary Protest Turns Violent: નોઈડામાં મજૂરો અને પોલીસ વચ્ચે લોહિયાળ જંગ, આગજની અને તોડફોડ બાદ આખો વિસ્તાર પોલીસ છાવણીમાં ફેરવાયો.
ઈરાન પર ‘લાંચ’ લેવાનો ટ્રમ્પનો આરોપ
ડોનાલ્ડ ટ્રમ્પે રવિવારે આરોપ લગાવ્યો હતો કે ઈરાન હોર્મુઝમાંથી પસાર થવા માંગતા જહાજો પાસેથી ‘રિશ્વત’ (લાંચ) લઈ રહ્યું છે. ટ્રમ્પે અમેરિકી નૌકાદળને એવા તમામ જહાજોને રોકવા અને તપાસવાના આદેશ આપ્યા છે જે ઈરાનને પૈસા આપીને રસ્તો મેળવવાનો પ્રયાસ કરી રહ્યા છે. આ આરોપો બાદ બંને દેશો વચ્ચેના સંબંધોમાં વધુ કડવાશ આવી છે અને ખાડી વિસ્તારમાં યુદ્ધ જેવી સ્થિતિ સર્જાઈ છે.
