News Continuous Bureau | Mumbai
West Bengal Election Result 2026। પશ્ચિમ બંગાળમાં બે તબક્કામાં યોજાયેલા મતદાન બાદ આજે સૌની નજર મતગણતરી પર ટકેલી છે. રાજ્યની 293 બેઠકો પર સવારથી શરૂ થનારી ગણતરી બપોર સુધીમાં સ્પષ્ટ કરી દેશે કે બંગાળમાં ફરી મમતા બેનર્જીની સરકાર બનશે કે ભાજપ પ્રથમવાર સત્તાના સૂત્રો સંભાળશે. આ વખતની ચૂંટણી અનેક રીતે ઐતિહાસિક રહી છે, જેમાં હિંસા વગરના મતદાન અને 92% જેટલા રેકોર્ડબ્રેક વોટિંગે રાજકીય વિશ્લેષકોને પણ વિચારતા કરી દીધા છે.
રેકોર્ડ મતદાન: પરિવર્તન કે સમર્થન?
આઝાદી પછી દેશના ઈતિહાસમાં પહેલીવાર પશ્ચિમ બંગાળમાં 92 ટકાથી વધુ મતદાન નોંધાયું છે. વિશ્લેષકોના મતે, આટલું મોટું મતદાન શાસન વિરોધી લહેર (Anti-incumbency) અથવા તો સ્થળાંતરિત મજૂરોની વતન વાપસીનો સંકેત હોઈ શકે છે. અગાઉ 2021 માં 81.56% મતદાન થયું હતું, જેની સરખામણીએ આ વખતે દરેક વિધાનસભા બેઠક પર સરેરાશ 6,000 થી 13,000 વધુ મતો પડ્યા છે, જે પરિણામોમાં મોટો ઉલટફેર લાવી શકે છે.
ભાજપ માટેના પોઝિટિવ પરિબળો
ભાજપે આ ચૂંટણીમાં મમતા સરકાર વિરુદ્ધના આક્રોશને મુખ્ય મુદ્દો બનાવ્યો છે. આરજી કર હોસ્પિટલની ઘટના બાદ મહિલા સુરક્ષાનો મુદ્દો અને ભ્રષ્ટાચારના આરોપો ભાજપના પક્ષમાં જઈ શકે છે. ખાસ કરીને શિક્ષકોની ભરતી કૌભાંડ અને બેરોજગારીને કારણે શિક્ષિત મધ્યમ વર્ગમાં નારાજગી જોવા મળી રહી છે. આ ઉપરાંત, બટાટાના ખેડૂતોને પાકના યોગ્ય ભાવ ન મળતા ગ્રામીણ વિસ્તારોમાં પણ ભાજપ મજબૂત દેખાઈ રહ્યો છે.
તૃણમૂલ કોંગ્રેસના જમા પાસાં
15 વર્ષના શાસન પછી પણ તૃણમૂલ કોંગ્રેસ (TMC) પાસે મજબૂત બૂથ-લેવલ સંગઠન છે. ગ્રામીણ વિસ્તારોમાં ‘લક્ષ્મી ભંડાર’ યોજના મહિલાઓમાં અત્યંત લોકપ્રિય છે, જે ટીએમસી માટે મોટું વોટ બેંક સાબિત થઈ શકે છે. આ ઉપરાંત કન્યાશ્રી અને રૂપશ્રી જેવી યોજનાઓએ મહિલા મતદારોને મમતા બેનર્જી સાથે જોડી રાખ્યા છે. SIR લિસ્ટમાંથી 27 લાખ નામો બહાર હોવા છતાં, મુસ્લિમ મતોનું ધ્રુવીકરણ ટીએમસીના પક્ષમાં રહેવાની આશા છે.
👉 આ સમાચાર વાચો:
Trump Project Freedom Hormuz| ટ્રમ્પનું ‘પ્રોજેક્ટ ફ્રીડમ’ હોર્મુઝમાં ફસાયેલા જહાજોને બહાર કાઢવા અમેરિકાનો મોટો પ્લાન, ટ્રમ્પે આપી કડક ચેતવણી
