ન્યુઝ કન્ટિન્યુઝ બ્યુરો
મુંબઈ, 01 સપ્ટેમ્બર, 2021
બુધવાર
કોરોના મહામારી સામે લડવા માટે દેશમાં મોટા પાયે રસીકરણ અભિયાન ચાલી રહ્યું છે. અત્યાર સુધી કોવિન પોર્ટલથી રસી મૂકાવવાના સ્લોટ કે એપોઈન્ટમેન્ટ બુક થતી હતી. જેમાં અનેકવાર સ્લોટ ખાલી મળવાની રાહ જોવી પડતી હતી. હવે સરકારે આ સ્લોટ બુકિંગને વધુ સરળ બનાવી દીધુ છે. હવે રસીકરણ માટે સર્ચ એન્જિન ગૂગલ દ્વારા સ્લોટ પણ બુક કરી શકાશે. આ અંગેની જાણકારી કેન્દ્રીય આરોગ્યમંત્રી મનસુખ માંડવિયાએ ટ્વિટ કરીને આપી.
કેન્દ્રીય આરોગ્ય મંત્રી મનસુખ માંડવીયાએ ટ્વિટ કરીને કહ્યું કે, કેન્દ્રીય સ્વાસ્થ્ય અને પરિવાર કલ્યાણ મંત્રાલય દ્વારા કોવિડ 19 નાં વેકસીનેશનને વધારે સરળ બનાવવા માટે એક સરસ વ્યવસ્થા કરવામાં આવી છે. હવે માત્ર ગૂગલ પર ‘કોવિડ વેક્સિન નિયર મી’ આટલું જ સર્ચ કરવાથી તમને સ્લોટ વગેરેની તમામ માહિતી દેખાશે. ગૂગલ સર્ચ કરવાથી વેક્સિન અંગે માહિતી તો મળશે જ સાથે એક ઓપ્શન પણ દેખાશે ‘બુક માય અપોઇન્ટમેન્ટ’. આ ફીચરનો ઉપયોગ કરીને સ્લોટ પણ બુક કરી શકાશે.
The @MoHFW_INDIA has taken yet another significant initiative to enhance access to #COVID19 vaccine:
