ન્યૂઝ કન્ટીન્યુઝ બ્યૂરો
મુંબઈ
12 ઓગસ્ટ 2020
બોલિવૂડનાં ખલનાયક કહેવાતા અભિનેતા સંજય દત્તને ત્રીજા સ્ટેજનું ફેફસાનું કેન્સર હોવાનો ખુલાસો થયો છે. સૂત્રો દ્વારા પ્રાપ્ત થયેલી જાણકારી અનુસાર સારવાર માટે તેમને અમેરિકા લઇ જવામાં આવી શકે છે. નોંધનીય છે આ પહેલા સંજય દત્તને શ્વાસ લેવામાં તકલીફ પડતા ગત 8 મી ઓગસ્ટે મુંબઇની લીલાવતી હોસ્પિટલમાં દાખલ કરવામાં આવ્યા હતા. જ્યા તેમનો કોવિડ-19 ટેસ્ટ પણ કરવામાં આવ્યો હતો, જેનો રિપોર્ટ નેગેટિવ આવ્યો હતો. ગઈકાલે (11 ઓગસ્ટ) સાંજે તેમણે સોશિયલ મીડિયા પર એક પોસ્ટ મૂકી હતી, જેમાં તેમણે લખ્યું હતું કે, ‘હું થોડી સારવાર માટે કામથી થોડો વિરામ લઈ રહ્યો છું. મારો પરિવાર અને મિત્રો મારી સાથે છે અને હું મારા શુભેચ્છકોને અપીલ કરું છું કે ચિંતા ન કરો અને બિનજરૂરી અટકળો ન લગાવો. હું તમારા પ્રેમ અને શુભેચ્છાઓથી ટૂંક સમયમાં પાછો આવીશ.
તેમના વર્ક ફ્રન્ટની વાત કરીએ તો સંજયની આગામી ફિલ્મ સડક 2 રિલીઝ થવા માટે તૈયાર છે. આ ફિલ્મમાં આદિત્ય રોય કપૂર, આલિયા ભટ્ટ અને પૂજા ભટ્ટ જેવા કલાકારો મહત્વની ભૂમિકામાં છે. આ ફિલ્મનું દિગ્દર્શન મહેશ ભટ્ટે કર્યું છે. તો બીજી તરફ યશ રાજ ફિલ્મ્સના બેનર હેઠળ બનેલા પિરિયડ ડ્રામા ફિલ્મ શમશેરાનું શૂટિંગ સંજય દત્તની તબિયત સારી ન હોવાના કારણે હાલ મુલતવી રાખવામાં આવ્યું છે. ફિલ્મનું અંતિમ શેડ્યૂલ હજી બાકી છે, પરંતુ હવે સંજયની તબિયત બરોબર થશે ત્યારે જ તે પૂર્ણ થશે…
ગુજરાતી બ્રેકિંગ ન્યૂઝ માટે વોટ્સઅપ ગ્રુપ માં નીચે આપેલી લિંક દબાવીને જોડાઓ…
News Continuous (ન્યૂઝ કંટીન્યૂઝ)
YouTube : https://www.youtube.com/NewsContinuous
Twitter : https://twitter.com/NewsContinuous
Facebook : https://www.facebook.com/newscontinuous
Instagram : https://www.instagram.com/newscontinuous/
Email : TheNewsContinuous@gmail.com
