News Continuous Bureau | Mumbai
Amazon Great Summer Sale । જો તમે લાંબા સમયથી નવી વસ્તુઓ ખરીદવાનું વિચારી રહ્યા હોવ, તો હવે તમારા માટે શ્રેષ્ઠ સમય છે. એમેઝોન ઇન્ડિયા પર આવતીકાલે એટલે કે ૮ મે, ૨૦૨૬ ના રોજ ‘ગ્રેટ સમર સેલ’ શરૂ થવા જઈ રહ્યું છે. આ સેલની શરૂઆત મધ્યરાત્રિએ ૧૨ વાગ્યાથી થશે અને ગ્રાહકોને વિવિધ કેટેગરીમાં આકર્ષક ડિસ્કાઉન્ટ્સનો લાભ મળશે. આ સેલમાં સ્માર્ટફોન, ફ્રિજ, એર કંડિશનર (AC), વોશિંગ મશીન અને ટીવી જેવી વસ્તુઓ ખૂબ જ સસ્તા ભાવે ઉપલબ્ધ રહેશે.
ઇલેક્ટ્રોનિક્સ પર બમ્પર ડિસ્કાઉન્ટ
એમેઝોન ના આ ખાસ સેલમાં ઇલેક્ટ્રોનિક્સ અને એક્સેસરીઝ પર ગ્રાહકોને ૮૦ ટકા સુધીનું વળતર મળશે. તેમાં લેપટોપ પર ૩૫ ટકા સુધીનું ડિસ્કાઉન્ટ આપવામાં આવશે. આ ઉપરાંત, સ્માર્ટવોચ ખરીદનારા ગ્રાહકો ૬૦ ટકા સુધીની છૂટ મેળવી શકશે, જ્યારે ટેબલેટ પર ૪૦ ટકા સુધીનું ડિસ્કાઉન્ટ ઉપલબ્ધ છે. મોબાઈલ ફોન અને તેની એક્સેસરીઝ પર પણ ૪૦ ટકા સુધીની ખાસ ઓફર્સ જાહેર કરવામાં આવી છે.
પ્રીમિયમ સ્માર્ટફોન પર ધરખમ ભાવ ઘટાડો
સેલની સૌથી મોટી ખાસિયત એટલે કે પ્રીમિયમ સ્માર્ટફોન પર મળતી ઓફર. સેમસંગ ગેલેક્સી એસ ૨૫ અલ્ટ્રા (Samsung Galaxy S25 Ultra) હવે માત્ર ૯૪,૯૯૯ રૂપિયામાં ઉપલબ્ધ થશે. નોંધનીય છે કે, લોન્ચિંગ સમયે આ ફોનની કિંમત ૧.૩૦ લાખ રૂપિયા હતી, જે હવે ગ્રાહકો માટે ખરીદવાની એક મોટી તક છે.
ઘરવખરી અને કિચન એપ્લાયન્સિસ પર ઓફર
માત્ર ગેજેટ્સ જ નહીં, પણ કિચન, ટોય્ઝ અને આઉટડોર પ્રોડક્ટ્સ પર પણ ૮૦ ટકા સુધીની છૂટ મળશે. આ ઉપરાંત, ઘરગથ્થુ ઉપકરણો (Home Appliances) જેમ કે ફ્રિજ અને વોશિંગ મશીન પર ૬૫ ટકા સુધીનું ડિસ્કાઉન્ટ મળવાપાત્ર છે. આ ઉનાળાની સિઝનમાં ગરમીથી બચવા માટે એર કંડિશનર અને અન્ય ઠંડક આપતા ઉપકરણો ખરીદવા માટે આ એક શ્રેષ્ઠ સમય છે.
👉 આ સમાચાર વાચો:
Maharashtra Weather।આખા મહારાષ્ટ્રમાં હવામાનનો મિજાજ બદલાયો… આગામી ચાર દિવસ વધશે ગરમી, સાથે વરસાદની પણ શક્યતા!
