ન્યૂઝ કન્ટીન્યુઝ બ્યૂરો
મુંબઈ
29 મે 2020
આંતરરાષ્ટ્રીય ક્રિકેટ કાઉન્સિલ (આઈસીસી) એ ગુરુવારે 10 જૂને ઓસ્ટ્રેલિયામાં યોજાનારા ટી -20 વર્લ્ડ કપના ભવિષ્ય અંગેના નિર્ણયને ટાળી દીધો છે કારણ કે તે ક્રિકેટ કાર્યક્રમ અટકેલા કોરોના વાયરસ રોગચાળા વચ્ચે કટોકટીની યોજના અંગે વિચારણા કરી રહ્યો છે. ટી 20 વર્લ્ડ કપ 18 ઓક્ટોબરથી 15 નવેમ્બર દરમિયાન યોજાવાનો હતો પરંતુ કોવિડ-19 રોગચાળાને કારણે તેને મોકૂફ રાખવામાં આવે તેવું અનુમાન કરવામાં આવી રહ્યું છે અને હાલમાં આ વિંડોનો ઉપયોગ મોકૂફ રાખવામાં આવેલી ઈન્ડિયન પ્રીમિયર લીગના આયોજન માટે થવાનો અંદાજ લગાવવામાં આવી રહ્યો છે. આઇસીસીએ બોર્ડના ટેલિકોનફરન્સ પછી કહ્યું કે, ‘બોર્ડ આઈસીસી પ્રબંધનને આગ્રહ કરે છે કે તે કોવિડ-19 મહામારીના કારણે સતત બદલાઈ રહેલી જન સ્વાસ્થ્યની સ્થિતિને જોતા વિભિન્ન આપાત વિકલ્પોને લઈ સંબંધિત હિતધારકો સાથે ચર્ચા જારી રાખે.' જોકે આ પહેલા અટકળો લગાવવામાં આવી રહી હતી કે, કોવિડ-19 મહામારીના કારણે બનેલી પરિસ્થિતિઓમાં ટી-20 વર્લ્ડ કપનું આયોજન ટળવા પર ઈન્ડિયન પ્રીમિયર લીગ કરાવવાનો રસ્તો ખુલી જશે. એટલે કે બીસીસીઆઈ આ એક્ટોબર-નવેમ્બરના વિંડોને આઈપીએલ માટે ઉપયોગમાં લેશે. ઉલ્લેખનીય છે કે અગાઉ અટકળો લગાવવામાં આવી રહી હતી કે બેઠક બાદ ઑસ્ટ્રેલિયામાં યોજાનાર ટી-20 વર્લ્ડ કપને 2022 સુધી સ્થગિત કરવાનું એલાન સંભવ છે.
