News Continuous Bureau | Mumbai
ટેક્નોલોજી પ્રત્યેનો આપણો પ્રેમ ક્યારેક આપણને જોખમમાં મૂકે છે. પછી ભલે તે નવો સ્માર્ટફોન હોય કે અન્ય કોઈ ગેજેટ. આપણે કેટલા દિવસ પ્રોડક્ટનો ઉપયોગ કરીએ છીએ? ખાસ કરીને સ્માર્ટફોનના નવા મોડલ અને અન્ય લાઇફસ્ટાઇલ ટેક પ્રોડક્ટ્સ લોન્ચ થાય છે. તેમ તેમ આપણું ડિવાઇસ જૂનું અને ધીમુ થતું જાય છે.
દર વર્ષે મોટી સંખ્યામાં લોકો પોતાના માટે નવા ડિવાઇસ ખરીદે છે અને જૂના ડિવાઇસ પણ પોતાની સાથે રાખે છે. જો આ ડિવાઇસને લાંબા સમય સુધી રાખવામાં આવે તો તે આપણા માટે ખૂબ જોખમી બની શકે છે. આવા ડિવાઇસ સિક્યોરીટી માટે ખતરો બની શકે છે.
ઘરમાં રાખેલા જૂના ફોન સમસ્યા બની શકે છે
ઘણા લોકોના ઘરમાં જૂના ફોન પડેલા હોય છે. કેટલાક નુકસાનને કારણે રાખવામાં આવ્યા છે, જ્યારે કેટલાક ઉપયોગ ન થવાના કારણે છે. તમારા ઘરમાં લાંબા સમયથી રાખવામાં આવેલા આવા ફોન તમારા માટે ખતરો બની શકે છે. ઘણા જૂના ડિવાઇસની બેટરી ફૂલવા લાગે છે. ફોન પણ ક્રેક થઈ જાય છે.
આ સ્થિતિમાં ફોન ચાર્જ કરવો એ ગંભીર અકસ્માતને આમંત્રણ આપવા સમાન છે. આ ફક્ત ફોન સાથે જ નહીં પરંતુ લિથિયમ આયન બેટરીવાળા કોઈપણ ડિવાઇસ સાથે થઈ શકે છે.
બેટરી ફુલાવી એક ગંભીર સમસ્યા છે, જે ઘણા જૂના ફોનમાં ચોક્કસ સમય પછી જોવા મળે છે. આમાં બ્લાસ્ટ થઈ શકે છે. જો તમારા ઘરમાં વણવપરાયેલ ફોન છે, તો તમે તેને બદલી શકો છો.
અથવા તમે તેને રિસાયક્લિંગ માટે આપી શકો છો. તે જ સમયે, આ ફોન્સ કામ કર્યા પછી પણ, તે થોડા સમય પછી તમારી સિક્રસી માટે સિક્યોર નથી રહેતા.
આ સમાચાર પણ વાંચો: અમદાવાદ – સરળ બનશે ટ્રાન્સપોર્ટ – હવે મેટ્રો અને BRTSથી બહાર નિકળતા લોકોને મળશે ઈલેક્ટ્રીક સ્કૂટર
જૂના રાઉટર સિક્યિરિટી માટે ખતરો બની શકે
જો તમારા ઘરમાં જૂના રાઉટર્સનો ઉપયોગ કરવામાં આવી રહ્યો છે, તો તમારા માટે મુશ્કેલી આવી શકે છે. WiFi રાઉટર્સ આપણા ઘરમાં લગભગ દરેક સ્માર્ટ અને કનેક્ટેડ ડિવાઇસને ઇન્ટરનેટ કનેક્ટિવિટી પ્રોવાઇડ કરે છે. જૂના મોડલનો ઉપયોગ આપણા માટે જોખમી બની શકે છે. નવા સિક્યોરિટી સ્ટાડર્ડ WPA-3 છે, જે વર્ષ 2018 માં બહાર પાડવામાં આવ્યા હતા.
જો તમારું રાઉટર WPA-3 અથવા ઓછામાં ઓછું WPA2-PSK AES સિક્યોરિટી સપોર્ટ નથી, તો તેને તરત જ બદલવું જોઈએ. નવું રાઉટર ફક્ત તમારી ઈન્ટરનેટ સ્પીડ જ નહીં, પણ તમને સુરક્ષિત કનેક્શન પણ આપશે.
આ સિવાય તમારા ઘરમાં લાંબા સમયથી ઉપયોગમાં લેવાતા એક્સ્ટેંશન બોર્ડ પણ જોખમી બની શકે છે. જો તમે આવા એક્સટેન્શનનો ઉપયોગ કરી રહ્યા છો, તો તેમાં શોર્ટ સર્કિટ હોઈ શકે છે. જો તમને યાદ ન હોય કે તમે છેલ્લી વખત આ એક્સ્ટેંશન બોર્ડ ક્યારે બદલ્યું હતું, તો તમારે તેને તપાસવાની જરૂર છે.
