બ્યૂટી ટિપ્સ: ઉનાળામાં ચહેરા પરથી ડાર્ક સ્પોટ્સ દૂર કરવા માટે કરો તુલસી અને ફુદીના ના પાન ના આઈસ ક્યુબ નો ઉપયોગ; જાણો તેને બનાવવા અને લગાવવા ની રીત વિશે

News Continuous Bureau | Mumbai

ભારતમાં ધીમે ધીમે ઉનાળાનો કહેર વધી રહ્યો છે, આવી સ્થિતિમાં ચહેરાની ત્વચાની કાળજી લેવાની ખૂબ જ જરૂર છે. ઉનાળામાં પરસેવાના કારણે ત્વચા પર ઘણી બળતરા થાય છે. જેના કારણે ત્વચા પર ફોલ્લીઓ અને પિમ્પલ્સ પણ જોવા મળે છે. તેમજ સેન્સિટિવ સ્કિન ધરાવતા લોકોને ઉનાળામાં ઘણી સમસ્યાઓનો સામનો કરવો પડે છે. ઉનાળામાં લાલાશ, અને ફોલ્લીઓ સામાન્ય છે. આ બધી સમસ્યાઓથી બચવા માટે લોકો ઘણીવાર બજારની ઘણી મોંઘી પ્રોડક્ટ્સનો ઉપયોગ કરે છે. પરંતુ તેની કોઈ અસર જોવા મળતી નથી. આવી સ્થિતિમાં આજે અમે તમને એક એવો ઉપાય જણાવવા જઈ રહ્યા છીએ જેના દ્વારા તમે ઉનાળાની ત્વચાની તમામ સમસ્યાઓથી બચી શકો છો.

ત્વચા પર આઈસ ક્યુબ લગાવવાથી ઉનાળામાં ખૂબ સારું સાબિત થાય છે. આ સ્થિતિમાં, તમે ત્વચા પર બટાકાના આઈસ ક્યુબ લગાવી શકો છો. આ સિવાય ફુદીનો અને તુલસીના આઈસ ક્યુબ પણ ખૂબ જ ફાયદાકારક છે. જો તમારી ત્વચા તૈલી છે, તો ત્વચા પર બટાકાના આઈસ ક્યુબ ન લગાવો.

આ સમાચાર પણ વાંચો : બ્યૂટી ટિપ્સ: જો તમે પણ ગ્રીન ટી પીધા પછી વપરાયેલી ટી બેગને ફેંકી દેતા હોવ તો થઇ જાઓ સાવધાન! આ ફાયદા જાણશો તો ક્યારેય તેને ફેંકવાની ભૂલ નહિ કરો

આઈસ ક્યુબ બનાવવા માટે તમને તુલસીના પાન, ફુદીના ના પત્તા, ગુલાબજળ અને પાણી ની જરૂર પડશે.હવે  એક કપ પાણી લો અને તેમાં 6-7 તુલસી અને 6-7 ફુદીનાના પાન પલાળી દો. થોડીવાર પછી તેને સારી રીતે ધોઈને ક્રશ કરી લો. જો તમે ઈચ્છો તો તેની પેસ્ટ પણ બનાવી શકો છો. હવે 1 કપ પાણીમાં પાનનો ભૂકો નાખો અને તમારે તેને ઉકાળી લેવાનું છે. ઓછામાં ઓછું 1 ઉકાળો આવે ત્યાં સુધી તેને ગેસ પર રાખો અને ત્યાર બાદ તેને ઠંડુ થવા દો. જ્યારે તે ઠંડુ થાય ત્યારે તેમાં ગુલાબજળ ઉમેરો. અને તેમને બરફની ટ્રેમાં મૂકીને સ્થિર થવા માટે છોડી દો.હવે આ સેટ થયા બાદ , દરરોજ એક આઇસ ક્યુબ લો અને તેને તમારા ચહેરા પર ગોળાકાર ગતિમાં ઘસો. જો તમારી ત્વચા સંવેદનશીલ હોય અને તમે સીધા ચહેરા પર આઈસ ક્યુબ  ન લગાવી શકો, તો તમે તેને કોટન નેપકિનમાં લપેટીને લગાવી શકો છો.