News Continuous Bureau | Mumbai
Ganeshotsav રાજ્યભરમાં શ્રદ્ધા અને ભક્તિભાવ સાથે ગણેશોત્સવ (Ganeshotsav)ની ઉજવણી થઈ રહી છે ત્યારે અમદાવાદના વસ્ત્રાપુર ખાતે ‘એક પેડમાં કે નામ’ (Ek Ped Mein Ke Naam) અને ‘ઓપરેશન સિંદૂર’ (Operation Sindoor)ની અનોખી થીમ સાથે સજાવટ કરાયેલો ગણેશ પંડાલ શહેરવાસીઓ માટે આકર્ષણનું કેન્દ્ર બન્યો છે. આ થીમનો મુખ્ય હેતુ નાગરિકોમાં વૃક્ષારોપણ (Tree Plantation) પ્રત્યે જાગૃતિ ફેલાવવાનો અને દેશના વીર જવાનોના યોગદાનને બિરદાવવાનો છે.
વસ્ત્રાપુરના પંડાલમાં પર્યાવરણ સંદેશ આપતી થીમ
વસ્ત્રાપુરના મહાગણપતિ પંડાલમાં આ વર્ષે ‘એક પેડમાં કે નામ’ (Ek Ped Mein Ke Naam) અભિયાનને વિશેષ સ્થાન અપાયું છે. આ અભિયાન હેઠળ લોકોમાં વૃક્ષારોપણ પ્રત્યે રસ વધારવા માટે કટઆઉટ, બેનર્સ અને આકર્ષક ડિઝાઇન મૂકવામાં આવી છે. આ સાથે જ પર્યાવરણ સંરક્ષણનો મહત્વનો સંદેશ પણ આપવામાં આવ્યો છે.
થીમથી દેશભક્તિનો સંદેશ
આ વર્ષે પંડાલમાં બીજી અનોખી થીમ ‘ઓપરેશન સિંદૂર’ (Operation Sindoor) છે, જે તાજેતરમાં આતંકવાદ વિરોધી કાર્યવાહી સાથે જોડાયેલી છે. આ થીમ દ્વારા ભારતીય સેનાના શૌર્ય અને દેશપ્રેમને સન્માન આપવામાં આવ્યું છે. પંડાલમાં ભારતીય તિરંગા, જવાનોની મૂર્તિઓ અને દેશપ્રેમી સૂત્રો દેખાઈ રહ્યા છે.
આ સમાચાર પણ વાંચો : Surat Ganesh Utsav: મોટા વરાછામાં સુદામા ચેરિટેબલ ટ્રસ્ટ દ્વારા ‘એક ભારત, શ્રેષ્ઠ ભારત’ની થીમ પર ગજાનન ગણેશજીની સ્થાપના
અને મુખ્યમંત્રી ભૂપેન્દ્ર પટેલની મુલાકાત
કેન્દ્રીય ગૃહ મંત્રી અમિત શાહ (Amit Shah) અને મુખ્યમંત્રી ભૂપેન્દ્ર પટેલે પંડાલની મુલાકાત લઈ બાપ્પાના દર્શન કર્યા હતા. તેમણે થીમની પ્રશંસા કરતા જણાવ્યું કે આવા કાર્યક્રમો સમાજમાં જાગૃતિ ફેલાવવા માટે ઉત્તમ ઉદાહરણ છે. આ ઉપરાંત આયોજકો દ્વારા ‘વોકલ ફોર લોકલ’ અને આયુર્વેદિક જીવનશૈલીને પ્રોત્સાહિત કરતા સૂત્રો પણ પ્રદર્શિત કરાયા છે.
