News Continuous Bureau | Mumbai

Rain meaning:  આજકાલ સમાચાર, છાપામાં કે પછી કોઈના મોઢેથી સાંભળતા હસો કે… “બારેય મેઘ… ખાંગા થયા”…! પણ કોઈને ખબર નથી… “બાર મેઘ” શું છે.?

Join Our WhatsApp Community

ગુજરાતી સાહિત્યમાં વરસાદના બાર પ્રકાર પાડેલા છે…..

૧. ફરફર

૨. છાંટા

૩. ફોરા

૪. કરા

૫. પછેડીવા

૬. નેવાધાર

૭. મોલ મેહ

૮. અનરાધાર

૯. મુશળધાર

૧૦. ઢેફાભાંગ

૧૧. પાણ મેહ 

૧૨. હેલી

Rain meaning: બાર પ્રકાર ના અર્થ

૧. ફરફર:
જેનાથી ફકત હાથ પગના રુવાળા ભીના થાય તેવો નજીવો વરસાદ

૨. છાંટા :
ફરફર થી થોડો વધારે વરસાદ

૩. ફોરા :
છાંટાથી મોટા ટીપા વાળો વરસાદ

૪. કરા :
ફોરાથી વધુ અને નાના બરફના ટુકડાનો વરસાદ

૫. પછેડીવા :
પછેડીથી રક્ષણ થાય તેવો વરસાદ

૬. નેવાધાર :
છાપરાના નેવા પરથી પાણીની ધાર વહે તેવો વરસાદ

૭. મોલમેહ :
મોલ – પાકને પૂરતો થઈ રહે તેટલો વરસાદ

૮. અનરાધાર :
એક છાંટા ને બીજો છાંટો અડે અને ધાર થાય એવો વરસાદ

૯. મુશળધાર :
અનરાધાર થી વધુ હોય એવો વરસાદ
મુશળ – સાંબેલાધાર વરસાદ પણ કહેવામાં આવે છે

૧૦. ઢેફાં :
વરસાદની તીવ્રતાથી ખેતરમાં માટીના ઢેફાં ભાંગી જાય એવો વરસાદ

૧૧. પાણ મેહ :
ખેતરો પાણીથી ભરાઇ જાય અને કૂવાના પાણી ઉપર આવી જાય એવો વરસાદ

૧૨. હેલી :
અગિયાર પ્રકારના વરસાદથી કોઈ વરસાદ સતત એક અઠવાડિયું ચાલે તેને હેલી કહેવાય છે.

Gujarat Rain : આફતમાં અવસર! ભારે વરસાદ વચ્ચે પણ લોકોએ લીધી મજા, મન મૂકીને રમ્યા ગરબે; જુઓ વિડીયો..