News Continuous Bureau | Mumbai
Pitbull Attack: દેશના અનેક શહેરોમાં રખડતા અને પાલતુ કૂતરાઓનો આતંક વધી ગયો છે. કૂતરાઓને લઈને સમાજના લોકોના અભિપ્રાય પણ વિભાજિત છે, જેના કારણે ઘણી વખત આ મુદ્દે વાદ-વિવાદ અને ઝઘડા પણ જોવા મળે છે. દરમિયાન ખૂંખાર પિટબુલ ડોગ દ્વારા માણસ પર હુમલો કરવાની વધુ એક ઘટના સામે આવી છે.
Pitbull Attack: જુઓ વિડીયો
સોશિયલ મીડિયા પર એક ડરામણો વીડિયો વાયરલ થઈ રહ્યો છે. જેમાં એક ડિલીવરી બોય પર બે પિટબુલ કૂતરાઓને હુમલો કરતા જોઈ શકાય છે. કૂતરાના હુમલા બાદ ડિલિવરી બોયના હાથ અને પગમાંથી લોહી નીકળવા લાગ્યું. મળતી જાણકારી મુજબ આ ઘટના છત્તીસગઢ ની રાજધાની રાયપુરની છે. એક પાડોશીએ પીટબુલ કૂતરાઓ દ્વારા કરવામાં આવેલા હુમલા નું સમગ્ર દ્રશ્ય પોતાના કેમેરામાં કેદ કર્યું હતું.
Pitbull Attack: બે પિટબુલ કૂતરાઓ ડિલિવરી બોયને કરડવા લાગ્યા
મીડિયા રિપોર્ટ મુજબ, સલમાન ખાન નામનો એક ડિલીવરી બોય સામાનની ડિલિવરી કરવા માટે રાયપુરની અનુપમ એક કોલોનીમાં મહિલા ડોક્ટરના ઘરે સામાન પહોંચાડવા ગયો હતો. સલમાને દરવાજો ખોલતાની સાથે જ પીટબુલ કૂતરાઓ તેના પર હુમલો કરી દીધો હતો. આ ઘટના શુક્રવારે બની હતી.
A delivery boy named Salman Khan was attacked by a Pitbull in Raipur.
I hope action will be taken against the owners in this case.
Govt of India has recently banned sale and breeding of Pitbull & 23 other dangerous dog breeds in India. pic.twitter.com/n2pK55jeYw
— Incognito (@Incognito_qfs) July 16, 2024
Pitbull Attack: આ રીતે બચાવ્યો જીવ
વાયરલ થઈ રહેલા 48 સેકન્ડના વીડિયોમાં જોઈ શકાય છે કે બંને પિટબુલ કૂતરા ડિલિવરી બોયને કરડી રહ્યા છે. તેઓ સતત જોરથી ભસતા રહે છે. ત્રીજો કૂતરો પણ ગેટ પર ઊભો છે. સલમાન ગેટમાંથી બહાર નીકળવાનો પ્રયાસ કરી રહ્યો છે. પોતાને બચાવવા માટે તે ઘરની બહાર પાર્ક કરેલી કાર પર ચઢી જાય છે. એટલામાં એક વ્યક્તિ આવે છે અને તેને પીવા માટે પાણી આપે છે. તેના હાથ અને પગમાંથી સતત લોહી વહેતું જોવા મળે છે. ત્યારે ડિલિવરી બોય વીડિયો શૂટ કરી રહેલી મહિલાને જોઈને કહે છે, ‘મને બચાવો, મને બચાવો.’
આ સમાચાર પણ વાંચો : Anupama update: અનુપમા માં આવશે મોટો ટ્વીસ્ટ, સિરિયલ માં થવા જઈ રહી છે વધુ એક અભિનેત્રી ની એન્ટ્રી
Pitbull Attack: એક છોકરી ડિલિવરી બોયની મદદ માટે આગળ આવી
થોડા સમય પછી એક છોકરી ડિલિવરી બોયની મદદ માટે આગળ આવે છે. તે તેના હાથને કપડાથી બાંધતી જોવા મળે છે. અહેવાલ મુજબ કૂતરાના હુમલા બાદ પડોશીઓએ સલમાનને હોસ્પિટલમાં દાખલ કર્યો હતો. થોડા મહિના પહેલા જ સરકારે પીટબુલ જાતિના વેચાણ અને સંવર્ધન પર પ્રતિબંધ મૂક્યો હતો. હવે વાયરલ વીડિયોને લઈને યુઝર્સ હુમલાખોર કૂતરાના માલિક સામે કાર્યવાહીની માંગ કરી રહ્યા છે.
(News Continuous brings you all the latest breaking news, viral trends and information from social media world, including Twitter, Instagram and Youtube. The above post is embeded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
