News Continuous Bureau | Mumbai 

Asian Games: ભારત (Team India) ની જ્યોતિ યારાજી (Jyothi Yarraji) એ એશિયન ગેમ્સ (Asian Games) માં મહિલાઓની 100 મીટર હર્ડલ્સમાં સિલ્વર મેડલ (Silver Medal) જીત્યો હતો. પરંતુ આ પહેલા આ ખેલમાં લાંબા સમયથી વિવાદ ચાલી રહ્યો હતો. ચીન (China) ની વુ યાન ( wu yanni ) આ ઈવેન્ટમાં બીજા સ્થાને રહી હતી, પરંતુ તેણે રેસની શરૂઆત ખોટી રીતે કરી હતી. જેનો ભારતીય ખેલાડીએ જોરદાર વિરોધ કર્યો હતો. જેના કારણે ભારતીય ખેલાડીને ( Indian athlete ) પણ ગેરલાયક ઠેરવવાનો વારો આવ્યો હતો, પરંતુ વીડિયો જોયા બાદ સમગ્ર ચિત્ર સ્પષ્ટ થઈ ગયું હતું.

રેસ શરૂ થાય તે પહેલા વુ યાન દોડવા લાગી, કોઈએ તેને રોકી નહીં. રેસના અંતે ભારતીય એથ્લેટ ત્રીજું સ્થાન મેળવ્યું હતું જ્યારે ચીની ખેલાડી બીજા સ્થાને રહી હતી. આ પછી જ્યોતિએ ચીની ખેલાડીના ( Chinese athlete ) આ ખોટા પગલા સામે જોરદાર વિરોધ શરૂ કર્યો. આ પછી અધિકારીઓએ એમ પણ કહ્યું કે જ્યોતિ યારાજીએ ખોટી શરૂઆત કરી હતી, આ રીતે તેનો મેડલ પણ જોખમમાં છે.

It’s a shame that such injustice is being doing to an indian athlete at an international event like the Asian games 2023! The Shameless Chinese home favouriteism clearly showcased.
What a mental trauma & distractio it would have caused Jyothi yarraji.. #AsianGames… pic.twitter.com/BPgr2hY7dv

— Alisha abdullah (@alishaabdullah) October 1, 2023

શું છે આ મામલો…

ત્યારપછી વિડિયોને સમીક્ષા માટે મોકલવામાં આવ્યો હતો, જેમાં બંને ખેલાડીઓની શરૂઆતનો વીડિયો દર્શાવવામાં આવ્યો હતો. સમીક્ષામાં સ્પષ્ટપણે જોવા મળ્યું કે ભારતીય એથ્લેટની સમાંતર ઊભેલી ચીનની વુ યાન પહેલાથી જ દોડવાનું શરૂ કરી ચૂકી છે. જ્યારે જ્યોતિ યારાજીએ તેના મેદાનમાં ઊભા રહીને અન્ય ખેલાડીઓ સાથે સમયસર દોડની શરૂઆત કરી હતી. દરમિયાન જ્યોતિએ વિરોધ કર્યા બાદ વુ યાનીને ગેરલાયક ઠેરવવામાં આવી હતી. એક સમય એવો હતો જ્યારે અધિકારીઓએ ભારતીય ખેલાડીને પણ ગેરલાયક ઠેરવવાનો નિર્ણય લીધો હતો. આવી સ્થિતિમાં જ્યોતિનો મેડલ પણ ખતરામાં હતો. પરંતુ આ બધા ડ્રામા પછી, ભારતીય એથ્લેટને ત્રીજા સ્થાનેથી બીજા સ્થાને પ્રમોટ કરવામાં આવી અને તેણીએ સિલ્વર મેડલ જીત્યો.

આ સમાચાર પણ વાંચો :Mumbai: આંગળીની ઇજા માટે બેસ્ટ બસ મુસાફરને મળ્યું આટલા રુપિયાનું વળતર. જાણો શું છે આ સંપુર્ણ મુદ્દો.. વાંચો વિગતે અહીં..

જ્યોતિ યારાજીએ 100 મીટરની હર્ડલ્સ 12.91 સેકન્ડમાં પૂરી કરી હતી. ચીનના દોડવીર લિન યેવેઈએ 12.74 સેકન્ડમાં રેસ પૂરી કરી અને પ્રથમ સ્થાન મેળવ્યું. વુની ગેરલાયકાત પછી, જાપાનની તનાકા યુમી ત્રીજા સ્થાને રહી અને તેને બ્રોન્ઝ મેડલ આપવામાં આવ્યો.