News Continuous Bureau | Mumbai
MS Dhoni IPL 2026:IPL 2026 ની આતુરતાથી રાહ જોઈ રહેલા ચેન્નાઈ સુપર કિંગ્સ (CSK) અને એમએસ ધોનીના ચાહકો માટે એક નિરાશાજનક સમાચાર સામે આવ્યા છે. સીએસકેના સ્ટાર વિકેટકીપર-બેટ્સમેન એમએસ ધોની ઈજાને કારણે આઈપીએલ 2026 ની શરૂઆતની કેટલીક મેચો ગુમાવી શકે છે. સત્તાવાર માહિતી મુજબ, ધોની આગામી બે અઠવાડિયા સુધી મેદાન પર જોવા મળશે નહીં.ચેન્નાઈ સુપર કિંગ્સે તેમના અધિકૃત સોશિયલ મીડિયા હેન્ડલ પર આ સમાચારની પુષ્ટિ કરી છે. સીએસકેના નિવેદન મુજબ, ધોની અત્યારે ‘કાફ સ્ટ્રેઈન’ (પિંડલીમાં ખેંચાણ) માટે રિહેબિલિટેશન પ્રક્રિયામાંથી પસાર થઈ રહ્યો છે. આ કારણે તે IPL 2026 ના પ્રથમ બે અઠવાડિયા રમી શકે તેવી શક્યતા ઓછી છે. ફ્રેન્ચાઇઝીએ લખ્યું, “જલ્દી ઠીક થઈ જાઓ, થાલા!”

કઈ-કઈ મેચો ગુમાવશે ધોની?

IPL 2026 ના શિડ્યુલ મુજબ, પ્રથમ બે અઠવાડિયામાં ચેન્નાઈ સુપર કિંગ્સે કુલ ચાર મહત્વની મેચો રમવાની છે. ધોની આ 4 થી 5 મેચોમાં ટીમનો હિસ્સો નહીં હોય:
30 માર્ચ: રાજસ્થાન રોયલ્સ વિરુદ્ધ (ગુવાહાટી)
3 એપ્રિલ: પંજાબ કિંગ્સ વિરુદ્ધ (ચેન્નાઈ)
5 એપ્રિલ: RCB વિરુદ્ધ (બેંગલુરુ)
11 એપ્રિલ: દિલ્હી કેપિટલ્સ વિરુદ્ધ (ચેન્નાઈ)

ધોનીની ગેરહાજરીમાં કોણ સંભાળશે જવાબદારી?

ધોનીની ગેરહાજરીમાં વિકેટકીપિંગની જવાબદારી સંજુ સેમસન સંભાળશે તેવી શક્યતા છે, જ્યારે ટીમની કેપ્ટનશીપ તો પહેલેથી જ રુતુરાજ ગાયકવાડ સંભાળી રહ્યા છે. 44 વર્ષીય ધોની માટે આ ઉંમરે ઈજામાંથી સાજા થવું એક પડકાર છે, પરંતુ મેનેજમેન્ટને આશા છે કે તે એપ્રિલના મધ્ય સુધીમાં ફિટ થઈને ટીમમાં પરત ફરશે.

આ સમાચાર પણ વાંચો: Yemen Enters Conflict:અમેરિકા-ઈરાન જંગમાં યમન કૂદ્યું! ઈઝરાયેલના પરમાણુ કેન્દ્ર પાસે મિસાઈલ હુમલાનો ખતરો..

ઈજાના કારણે પહેલીવાર આટલી મેચો મિસ કરશે માહી

એમએસ ધોનીના આઈપીએલ કરિયરમાં આ પહેલીવાર બનશે કે તે ઈજાને કારણે સીઝનની શરૂઆતમાં આટલી બધી મેચો ગુમાવશે. સામાન્ય રીતે ધોની ઈજા હોવા છતાં રમવાનું પસંદ કરે છે, પરંતુ આ વખતે ફિટનેસને જોતા જોખમ ન લેવાનો નિર્ણય લેવાયો છે.