News Continuous Bureau | Mumbai
Vinesh Phogat : 2024 પેરિસ ઓલિમ્પિકમાં ગોલ્ડ મેડલની દાવેદાર માનવામાં આવતી ભારતની સ્ટાર રેસલર વિનેશ ફોગાટને વધુ વજનના કારણે ગેરલાયક ઠેરવવામાં આવી છે. હવે અહેવાલ આવી રહ્યા છે કે વિનેશ ફોગાટની તબિયત બગડી ગઈ છે. તેને હોસ્પિટલમાં દાખલ કરવામાં આવી છે.
Vinesh Phogat : ડિહાઈડ્રેશનને કારણે બેભાન થઈ ગઈ
મીડિયા રિપોર્ટ મુજજબ વિનેશ ફોગાટ ડિહાઈડ્રેશનને કારણે બેભાન થઈ ગઈ હતી. જોકે તેને કોઈ હોસ્પિટલમાં નહીં પરંતુ સ્પોર્ટ્સ વિલેજની અંદર આવેલા પૉલિક્લિનિકમાં દાખલ કરવામાં આવી છે. એવી પણ માહિતી મળી છે કે કોઈ ગંભીર બાબત નથી. તેને ટૂંક સમયમાં રજા પણ મળી શકે છે.
આ સમાચાર પણ વાંચો : Paris Olympics 2024 : 140 કરોડ ભારતીયોનું સપનું તૂટ્યું, ફાઈનલમાંથી ડિસ્ક્વોલિફાઈ થઈ ધાકડ ગર્લ વિનેશ ફોગાટ; કારણ ચોંકાવનારું..
Vinesh Phogat : ચાહકોની આશાઓ પર પાણી ફરી વળ્યું
તમને જાણીને નવાઈ લાગશે કે વિનેશ ફોગટનું વજન 100 ગ્રામ વધી ગયું હતું, જેના કારણે તેને પેરિસ ઓલિમ્પિકમાંથી અયોગ્ય ઠેરવવામાં આવી હતી. બધાને વિનેશ પાસેથી ગોલ્ડ મેડલની અપેક્ષા હતી. ગઈકાલે રાત્રે તેણે સેમિફાઈનલમાં શાનદાર જીત નોંધાવી હતી. શાનદાર પ્રદર્શન કરનાર વિનેશ ફોગાટ પાસેથી ગોલ્ડ મેડલની પૂરી અપેક્ષા હતી. હવે તેની ગેરલાયકાત બાદ ચાહકોની આશાઓ પર પાણી ફરી વળ્યું છે.
