News Continuous Bureau | Mumbai
પાકિસ્તાન ક્રિકેટમાં મેચ ફિક્સિંગ નવી વાત નથી. ઈતિહાસ સાક્ષી છે કે તેના ઘણા ખેલાડીઓ આ દલદલમાં ફસાઈ ગયા છે. હવે સમાચાર એ છે કે અન્ય એક અનુભવી ખેલાડી મેચ ફિક્સિંગમાં દોષી સાબિત થયો છે, જેના પર પાકિસ્તાન ક્રિકેટ બોર્ડે તેના પર 2 વર્ષનો પ્રતિબંધ ( banned ) લગાવી દીધો છે. પીસીબીએ આ સજા ઓફ સ્પિનર ( Pakistan first class cricketer ) આસિફ આફ્રિદીને ( Asif Afridi ) ભ્રષ્ટાચાર વિરોધી આચાર સંહિતાનું ઉલ્લંઘન કરવાનો દોષી જાહેર કર્યા બાદ આપી છે.
આ 36 વર્ષીય ખેલાડી પર આ પ્રતિબંધ 22 સપ્ટેમ્બર 2022 થી શરૂ માનવામાં આવશે જ્યારે પાકિસ્તાન ક્રિકેટ બોર્ડે તેના પર અસ્થાયી પ્રતિબંધ લાદ્યો હતો. આસિફને ઓસ્ટ્રેલિયા સામેની ઘરેલુ T20 શ્રેણી માટે પાકિસ્તાનની ટીમમાં પસંદ કરવામાં આવ્યો હતો પરંતુ તેને રાષ્ટ્રીય ટીમ માટે એકપણ મેચ રમવાની તક મળી ન હતી. મેચ ફિક્સિંગના દોષિત આ ખેલાડી પર 12 સપ્ટેમ્બર 2024 સુધી પ્રતિબંધ લગાવવામાં આવ્યો છે. પીસીબીનું કહેવું છે કે હવે આ ખેલાડી આગામી બે વર્ષ સુધી ન તો ડોમેસ્ટિક ક્રિકેટ રમતા જોવા મળશે અને ન તો પીએસએલ અને ઇન્ટરનેશનલ ક્રિકેટમાં.
આ સમાચાર પણ વાંચો : ક્રૂરતાની તમામ હદો પાર.. ‘શ્રદ્ધાના હાડકાને ગ્રાઈન્ડરમાં પીસીને રસ્તા પર ફેક્યા’ આફતાબે કબૂલનામામાં કર્યા ચોંકાવનારા ખુલાસા..
આસિફે 118 વિકેટ લીધી છે
આસિફ આફ્રિદીએ ગયા વર્ષે કાશ્મીર પ્રીમિયર લીગમાં રાવલકોટ હોક્સ તરફથી રમતી વખતે મેચ ફિક્સિંગ કર્યું હતું. આફ્રિદીના ક્રિકેટ કરિયરની વાત કરીએ તો તેણે પોતાની ઓફ સ્પિન બોલિંગથી 35 ફર્સ્ટ ક્લાસ મેચોમાં 118 શિકાર કર્યા છે. આસિફના નામે લિસ્ટ Aમાં 59 વિકેટ છે, જ્યારે T20માં આ ખેલાડીએ અત્યાર સુધીમાં 63 વિકેટ ઝડપી છે. તે PSLમાં મુલતાન સુલ્તાન તરફથી રમી ચૂક્યો છે.
