News Continuous Bureau | Mumbai
Para Athletics Championships : ભારતની દીપ્તિ જીવનજીએ જાપાનના કોબેમાં વર્લ્ડ પેરા એથ્લેટિક્સ ચેમ્પિયનશિપમાં 55.07 સેકન્ડના વર્લ્ડ રેકોર્ડ સાથે મહિલાઓની 400 મીટર T20 રેસમાં ગોલ્ડ મેડલ જીત્યો છે. દીપ્તિ જીવનજીએ T-20માં 400 મીટર દોડમાં વર્લ્ડ રેકોર્ડ બનાવ્યો હતો. તેણે 400 મીટરની દોડ 55.07 સેકન્ડમાં પૂરી કરી હતી. દીપ્તિએ અમેરિકન એથ્લેટ બ્રેના ક્લાર્કનો રેકોર્ડ તોડ્યો, જે તેણે પેરિસમાં યોજાયેલી વર્લ્ડ પેરા એથ્લેટિક્સ ચેમ્પિયનશિપમાં બનાવ્યો હતો. મહત્વનું છે કે પેરા વર્લ્ડ ચેમ્પિયનશિપની ટ્રેક ઈવેન્ટમાં પ્રથમ વખત કોઈ ભારતીય એથ્લેટે ગોલ્ડ મેડલ જીત્યો છે.
Para Athletics Championships : અમેરિકાની બ્રેના ક્લાર્કનો રેકોર્ડ તૂટી ગયો
અમેરિકાની બ્રેના ક્લાર્કે પેરિસમાં વર્લ્ડ પેરા એથ્લેટિક્સ ચેમ્પિયનશિપમાં 55.12 સેકન્ડનો રેકોર્ડ બનાવ્યો હતો જે હવે તૂટી ગયો છે. પેરિસમાં તુર્કીની આયસેલ ઓન્ડરે 55.19 સેકન્ડમાં અને ઈક્વાડોરની લિઝાનશેલા એંગ્યુલોએ 56.68 સેકન્ડમાં રેસ પૂરી કરી હતી. આયસેલ ઓન્ડર બીજા ક્રમે અને લિઝાનશેલા એંગ્યુલો ત્રીજા ક્રમે છે.
આ સમાચાર પણ વાંચો: Maharashtra Lok Sabha Election 2024 Phase 5 : મહારાષ્ટ્રમાં 8 રાજ્યોની સરખામણીમાં મહારાષ્ટ્રમાં સૌથી ઓછું.. મુંબઈમાં કેટલું મતદાન થયું?જાણો આંકડા..
Para Athletics Championships : દીપ્તિએ ભારતને પ્રથમ ગોલ્ડ અપાવ્યો
ઉલ્લેખનીય છે કે વર્લ્ડ પેરા એથ્લેટિક્સ ચેમ્પિયનશિપ 2024માં અત્યાર સુધીમાં કુલ ચાર મેડલ ભારતના બેગમાં આવ્યા છે. દીપ્તિએ ભારતને પ્રથમ ગોલ્ડ અપાવ્યો હતો. અગાઉ 1 સિલ્વર અને 2 બ્રોન્ઝ મેડલ આવ્યા હતા. હવે એ જોવાનું રસપ્રદ રહેશે કે ભારત કુલ કેટલા મેડલ મેળવે છે.
Para Athletics Championships : ભારતીય પેરા-એથ્લેટ
તમને જણાવી દઈએ કે દીપ્તિ જીવનજી તેલંગાણાની ભારતીય પેરા-એથ્લેટ છે. તે મહિલાઓની 400 મીટર T20 રેસમાં ભાગ લે છે. 2022ની હાંગઝોઉ એશિયન પેરા ગેમ્સમાં ભાગ લેનારી ભારતીય ટીમ માટે તેની પસંદગી કરવામાં આવી હતી. તેણે 24 ઓક્ટોબર 2023ના રોજ નવા એશિયન પેરા રેકોર્ડ અને ગેમ્સ રેકોર્ડ સાથે ગોલ્ડ મેડલ જીત્યો.
