News Continuous Bureau | Mumbai
ટી20 વર્લ્ડ કપ(T20 World cup) માં આજે એડિલેડમાં રમાયેલી ભારત અને બાંગ્લાદેશ(India vs Bangladesh) વચ્ચેની મેચમાં ટીમ ઈન્ડિયાએ બાંગ્લાદેશને 5 રનથી હરાવ્યું છે. વરસાદ પડ્યા બાદ બાંગ્લાદેશને 16 ઓવરમાં 151 રનનો ટાર્ગેટ અપાયો હતો. જ્યાં બાંગ્લાદેશ (Bangladesh)ની ટીમે 16 ઓવરના અંતે 6 વિકેટ ગુમાવીને 145 રન જ બનાવ્યા હતા. બાંગ્લાદેશ માટે લિટન દાસે શાનદાર બેટિંગ(batting) કરીને 27 બોલમાં 60 રન બનાવ્યા હતા. જ્યારે ભારત (India) તરફથી અર્શદીપ સિંહે અને હાર્દિક પંડ્યાએ 2-2 વિકેટ ઝડપી હતી. આ જીત બાદ ટીમ ઈન્ડિયા ગ્રુપ -2ના પોઈન્ટ ટેબલમાં ટોપ પર પહોંચી ગયું છે. આ સાથે ભારતની સેમી ફાઈનલમાં પહોંચવાની શક્યતાઓ મજબૂત બની ગઈ છે.
પ્રથમ બેટિંગ કરતા ભારતે માત્ર 11 રનના સ્કોર પર રોહિત શર્માની વિકેટ ગુમાવી દીધી હતી. જો કે આ પછી કેએલ રાહુલે 32 બોલમાં 50 રનની શાનદાર ઇનિંગ રમી હતી. તો સૂર્યકુમાર યાદવે પણ 16 બોલમાં 30 રનની ઝડપી ઇનિંગ રમી હતી. વિરાટ કોહલીએ એક છેડો સંભાળી રાખ્યો હતો અને 44 બોલમાં અણનમ 64 રનની ઇનિંગ રમી હતી. સંયુક્ત પ્રયાસથી ભારતીય ટીમે 184 રનનો મોટો સ્કોર બનાવ્યો હતો.
આ સમાચાર પણ વાંચો : હદ કેહવાય- જિમ- લોકલ ટ્રેન બાદ હવે ટોલ પ્લાઝા પર બે મહિલાઓ બાખડી- એકબીજાના ખેંચ્યા વાળ- મારી થપ્પડો- જુઓ વાયરલ વિડીયો
રનનો પીછો કરતા બાંગ્લાદેશની ટીમે ધમાકેદાર શરૂઆત કરી હતી. બાંગ્લાદેશે માટે સાત ઓવરમાં એકપણ વિકેટ ગુમાવ્યા વિના 66 રન બનાવ્યા હતા. જેમાંથી 59 રન એકલા લિટન દાસે બનાવ્યા હતા. લિટને માત્ર 21 બોલમાં પોતાની અડધી સદી પૂરી કરી હતી. લિટનની બેટિંગ જોઈને એવું લાગી રહ્યું હતું કે બાંગ્લાદેશની સ્થિતિ મજબૂત બની ગઈ છે, પરંતુ વરસાદના કારણે લગભગ અડધા કલાકના વિરામે બાંગ્લાદેશી બેટ્સમેનોની લય તોડી નાખી હતી. જોકે બેટ્સમેનોએ છેલ્લી ઓવર સુધી સંઘર્ષ બતાવ્યો, પરંતુ તેમ છતાં બાંગ્લાદેશને જીત અપાવી શક્યા નહીં.
