News Continuous Bureau | Mumbai
Ayodhya blast દિલ્હીમાં થયેલા બ્લાસ્ટ બાદ સમગ્ર દેશમાં ખળભળાટ મચી ગયો છે. ધરપકડ કરાયેલા આતંકવાદીઓ પાસેથી મળેલી માહિતી અનુસાર, તેમના મોડ્યુલના નિશાના પર યુપીના મંદિરો અને ધાર્મિક સ્થળો હતા. ખાસ કરીને અયોધ્યા અને વારાણસી આતંકવાદીઓના મુખ્ય નિશાના પર હતા. સૂત્રોના જણાવ્યા અનુસાર, આતંકવાદીઓ અયોધ્યામાં વિસ્ફોટ કરવા માગતા હતા, જેના માટે ધરપકડ કરાયેલી શાહીને ત્યાંના સ્લીપર મોડ્યુલને સક્રિય પણ કરી દીધું હતું.
હુમલાની યોજના અગાઉ જ કાર્યવાહી શરૂ
આતંકવાદીઓ અયોધ્યામાં આ સમગ્ર ઘટનાક્રમને અંજામ આપે, તે પહેલા જ મોટા પ્રમાણમાં વિસ્ફોટકો જપ્ત થયા અને પોલીસે દરોડા પાડવાનું અને ધરપકડો કરવાનું શરૂ કરી દીધું હતું. સૂત્રો એ પણ જણાવ્યું કે લાલ કિલ્લામાં બ્લાસ્ટ કરવાની યોજના નહોતી, કારણ કે વિસ્ફોટકમાં ટાઈમર કે અન્ય કોઈ વસ્તુનો ઉપયોગ કરવામાં આવ્યો નહોતો. આ બ્લાસ્ટ ઉતાવળ અને ગભરાટમાં કરવામાં આવ્યો હોવાનું જણાઈ રહ્યું છે.
હોસ્પિટલો અને ભીડવાળી જગ્યાઓ નિશાના પર
આતંકવાદીઓની પૂછપરછમાં એ પણ સામે આવ્યું છે કે આ મોડ્યુલ હોસ્પિટલોને નિશાન બનાવવા માંગતું હતું, જેથી વધુમાં વધુ લોકોને નુકસાન થઈ શકે. તેમની હિટ લિસ્ટમાં હોસ્પિટલો અને ભીડવાળી જગ્યાઓ હતી. 10 નવેમ્બરના રોજ દિલ્હીમાં લાલ કિલ્લા પાસે કારમાં થયેલા બ્લાસ્ટમાં 12 લોકોના મોત થયા હતા અને 20થી વધુ લોકો ઘાયલ થયા હતા.
આ સમાચાર પણ વાંચો : WhatsApp Username: WhatsApp યુઝર્સ માટે મહત્ત્વપૂર્ણ સમાચાર; જલ્દી આવશે ‘આ’ નવી સુવિધા
પકડાયેલા મુખ્ય શંકાસ્પદો
દિલ્હી બ્લાસ્ટ કેસમાં મુખ્ય શંકાસ્પદોમાં ડૉ. મુઝમ્મિલ, ડૉ. અદીલ અહેમદ ડાર અને ડૉ. ઉમરનો સમાવેશ થાય છે. ડૉ. ઉમરનું બ્લાસ્ટ સમયે જ મૃત્યુ થયું હોવાની આશંકા છે, જ્યારે ડૉ. મુઝમ્મિલ અને ડૉ. અદીલ અહેમદ ડારની ધરપકડ કરવામાં આવી છે.
