News Continuous Bureau | Mumbai
કર્ણાટક ચૂંટણી પહેલા ભાજપને મોટો ઝટકો લાગ્યો છે. વરિષ્ઠ નેતા કે એસ ઈશ્વરપ્પાએ પાર્ટી અધ્યક્ષ જેપી નડ્ડાને પત્ર લખીને કર્ણાટકમાં આગામી વિધાનસભા ચૂંટણી લડવાનો ઈન્કાર કર્યો છે. જોકે, તેમણે ચૂંટણી ન લડવાનું કારણ જણાવ્યું નથી.
ઈશ્વરપ્પા શિવમોગ્ગાના ધારાસભ્ય છે.
કેએસ ઇશ્વરપ્પા હાલમાં શિવમોગાથી ભાજપના ધારાસભ્ય છે. કર્ણાટક ચૂંટણી માટેના ઉમેદવારોની યાદી ભાજપ દ્વારા થોડા દિવસોમાં જાહેર કરવામાં આવનાર છે અને તે પહેલા ઈશ્વરપ્પાએ જેપી નડ્ડાને પત્ર લખીને કહ્યું છે કે તેઓ કર્ણાટક વિધાનસભાની ચૂંટણી નહીં લડે.
આ સમાચાર પણ વાંચો: ફ્લાઈટમાં ધમાલ મચાવનાર પ્રવાસીઓને હવે ખેર નહીં, DGCAએ જારી કરી એડવાઇઝરી, એરલાઈન્સને આપ્યા આ આદેશ
તેમણે લખ્યું, “પાર્ટીએ મને છેલ્લા 40 વર્ષોમાં ઘણી જવાબદારીઓ આપી છે. હું બૂથ ઈન્ચાર્જથી લઈને રાજ્ય પાર્ટીના વડા સુધી ગયો. મને નાયબ મુખ્યમંત્રી બનવાનું સન્માન પણ મળ્યું.” ઇશ્વરપ્પાએ ગયા મહિને સંકેત આપ્યો હતો કે પાર્ટી આ વખતે તેમને ટિકિટ નહીં આપે. કર્ણાટક વિધાનસભામાં 224 બેઠકો છે. આ 224 બેઠકો માટે 10 મેના રોજ મતદાન થશે. જપ્ત થયેલા મતોની ગણતરી અને પરિણામ 13મી મેના રોજ આવશે.
