મુંબઈમાં પાંચમી ઓગસ્ટથી 20% પાણી કાપ, સ્ટોરેજ ક્ષમતાના ફક્ત 33% પાણી જ ઉપલબ્ધ...

ન્યૂઝ કન્ટીન્યુઝ બ્યૂરો

મુંબઈ

01 ઓગસ્ટ 2020

હાલમાં કુલ સ્ટોરેજ ક્ષમતાના ફક્ત 33% જ ઉપલબ્ધ છે અને તે ફક્ત ત્રણ મહિના સુધી ચાલશે. થોડાં દિવસો અગાઉ મુંબઈ માં બહુ પાણી હોવાની જાહેરાત કરનાર બીએમસી એ હવે 20% પાણી કાપની જાહેરાત કરી છે. મુંબઈમાં પાણીની તકલીફ ફરી શરૂ થઈ છે. શહેરના પાણીના મુખ્ય સ્ત્રોત એવા જળાશયોમાં અપુરતા વરસાદને જોતાં 5 ઓગસ્ટથી 20 ટકા પાણીનો ઘટાડો થવાની સંભાવના છે. આ માટેની દરખાસ્ત અંગે મ્યુનિસિપલ કમિશનર કક્ષાએ ચર્ચા કરવામાં આવી રહી છે, કારણ કે હાલમાં પાણી સંગ્રહ કરવાની કુલ ક્ષમતાના માત્ર 33 ટકા જ ઉપલબ્ધ છે અને તે ફક્ત ત્રણ મહિના સુધી ચાલશે.

એક વરિષ્ઠ નાગરિક અધિકારીએ જણાવ્યું હતું કે, "બે મહિના પછી પણ તળાવોમાં પાણીનું સ્તર વધ્યું નથી અને તે ચિંતાનું મોટું કારણ છે. અમને આશા છે કે આગામી બે મહિનામાં પરિસ્થિતિમાં સુધારો થશે, પરંતુ અમે કોઈ રિસ્ક લઈ શકતા નથી."

બીજા એક અધિકારીએ જણાવ્યું હતું કે આ પહેલી વાર નથી કે ચોમાસા દરમિયાન શહેરમાં પાણીનો ઘટાડો થશે. 2014 અને 2015 માં પણ બીએમસીએ જુલાઈ મહિનામાં 20 ટકા પાણી ઘટાડવાની જાહેરાત કરી હતી. જ્યારે 2014 માં, તળાવના સ્તરમાં વધારા પછી સપ્ટેમ્બરમાં પાણી પુરવઠો ફરી કરવામાં આવ્યો હતો. છેલ્લી વખત 14 મી નવેમ્બર, 2018 ના રોજ પાણીનો કાપ મૂકાયો હતો. જુલાઈ 2019 સુધીમાં 10 ટકાનો ઘટાડો રહ્યો હતો.

29 જુલાઇ સુધી, તળાવોમાં પાણીનો કુલ જથ્થો કુલ ક્ષમતાના માત્ર 33 ટકા છે. 2019 માં તે જ સમયે, તળાવોમાં 78 ટકા પાણીનો જથ્થો હતો અને 2018 માં, સ્ટોક 83 ટકા હતો.

પાણી ઉપલબ્ધ (જુલાઈ 29 ના રોજ)

વર્ષનો જથ્થો

2020 4,85,078 mn લિટર

2019 11,30,090 mn લિટર

2018 12,07,948 mn લિટર

કુલ સ્ટોરેજ ક્ષમતા – 14,47,363 mm લિટર

ગુજરાતી બ્રેકિંગ ન્યૂઝ માટે વોટ્સઅપ ગ્રુપ માં નીચે આપેલી લિંક દબાવીને જોડાઓ…

https://bit.ly/30Ze56i

News Continuous (ન્યૂઝ કંટીન્યૂઝ)

www.newscontinuous.com

YouTube : https://www.youtube.com/NewsContinuous

Twitter : https://twitter.com/NewsContinuous