ન્યુઝ કન્ટિન્યુઝ બ્યુરો
મુંબઈ, ૧૭ મે 2021
સોમવાર
પશ્ચિમ બંગાળમાં તૃણમૂલ કૉન્ગ્રેસ પાર્ટીની સરકાર બનતાંની સાથે જ નારદા સ્ટિંગ ટેપિંગ કેસની તપાસ શરૂ થઈ ગઈ છે. આજે સેન્ટ્રલ બ્યુરો ઑફ ઇન્વેસ્ટિગેશને આ મામલાના આરોપી એવા કૅબિનેટ પ્રધાન ફિરહાદ હકીમ, કેબિનેટ મંત્રી સુવ્રત મુખર્જી, ધારાસભ્ય મદન મિત્રા તેમ જ ભૂતપૂર્વ બીજેપીના નેતા સોવન ચેટર્જીના ઘરે સીબીઆઇએ છાપા માર્યા હતા. ત્યાર બાદ આ નેતાઓને સીબીઆઇની ઓફિસમાં લઈ જવાયા હતા અને પછી તેમની ધરપકડ કરી હતી.
હવે આ તમામ નેતાઓને કોર્ટ સમક્ષ રજૂ કરવામાં આવશે.
બીજી તરફ આ ધરપકડ થતાંની સાથે જ મુખ્ય પ્રધાન મમતા બેનર્જી સીબીઆઈ ઑફિસ પહોંચી ગયાં અને તેમણે ધરપકડનો વિરોધ કર્યો હતો.
