News Continuous Bureau | Mumbai
Delhi Earthquake: દેશની રાજધાની દિલ્હી-NCRમાં આજે ભૂકંપના ( earthquake ) ખૂબ જ જોરદાર આંચકા અનુભવાયા છે. આ આંચકા લાંબા સમય સુધી ચાલુ રહ્યા. સમગ્ર ઉત્તર ભારતમાં ભૂકંપના આંચકા અનુભવાયા છે. ભૂકંપનું કેન્દ્ર નેપાળ ( Nepal ) હતું. ભૂકંપની તીવ્રતા રિક્ટર સ્કેલ ( Richter scale ) પર 6.2 હતી. આ ભૂકંપ બપોરે 2.53 કલાકે આવ્યો હતો. ભૂકંપના આંચકા આવતા જ લોકો ઘર અને ઓફિસમાંથી બહાર આવવા લાગ્યા હતા. માનવામાં આવી રહ્યું છે કે આ ભૂકંપના કારણે મોટાપાયે નુકસાન થવાની આશંકા છે. ભૂકંપની તીવ્રતા ઘણી વધારે છે. આના કારણે જાનહાનિ થવાની પણ આશંકા છે. જોકે આ અંગે સત્તાવાર જાણકારી સામે આવી નથી.
રુદ્રપ્રયાગમાં ( Rudraprayag ) ભૂકંપના આંચકા
ભૂકંપ બાદ કેન્દ્રીય સ્વાસ્થ્ય મંત્રી ( Union Health Minister ) મનસુખ માંડવિયા ( Mansukh Mandvia ) નિર્માણ ભવનમાંથી બહાર આવ્યા હતા. રુદ્રપ્રયાગમાં બપોરે 2.51 કલાકે ભૂકંપના આંચકા અનુભવાયા હતા. ચંપાવત જિલ્લામાં નેપાળની સરહદે આવેલા તેરાઈ વિસ્તારોમાં ભૂકંપના તીવ્ર આંચકા અનુભવાયા હતા. 10 થી 15 સેકન્ડ સુધી સતત આંચકા અનુભવાયા હતા. ભૂકંપના કારણે લોકો ઘરની બહાર આવી ગયા હતા.
આ સમાચાર પણ વાંચો : Zimbabwe Plane crash: આ દેશમાં થયું ભયાનક વિમાન દુર્ઘટના, ભારતીય ઉદ્યોગપતિ અને તેમના પુત્ર સહિત આટલા લોકોના મોત.. જાણો સંપુર્ણ વિગતો વિગતવાર.. વાંચો અહીં..
તુર્કી અને સીરિયામાં આવ્યો જોરદાર ભૂકંપ
તાજેતરમાં જ મોરોક્કોમાં તીવ્ર ભૂકંપ આવ્યો હતો, જેમાં 3 હજારથી વધુ લોકોના મોત થયા હતા. આ પહેલા તુર્કી અને સીરિયામાં જોરદાર ભૂકંપ આવ્યો હતો, જેમાં લગભગ 60 હજાર લોકોના મોત થયા હતા. તુર્કિયેમાં ભૂકંપની આગાહી કરવામાં આવી હતી. ભૂકંપની આગાહી કરનાર એ જ વૈજ્ઞાનિકે હવે પાકિસ્તાનમાં ખતરનાક ભૂકંપની વાત કરી છે. ડચ વૈજ્ઞાનિક હુગરબીટ્સે પાકિસ્તાનમાં ભૂકંપની આગાહી કરી છે. તેમનું કહેવું છે કે તુર્કી અને મોરોક્કો જેવા આંચકા પાકિસ્તાનમાં પણ આવી શકે છે.
