News Continuous Bureau | Mumbai

Double Decker Flyover : મહારાષ્ટ્રના મીરા ભાયંદરમાં ડબલ-ડેકર ફ્લાયઓવરનું ઉદ્ઘાટન કરવામાં આવ્યું છે. આ અત્યાધુનિક ઈન્ફ્રાસ્ટ્રક્ચર મુખ્યમંત્રી દેવેન્દ્ર ફડણવીસ, નાયબ મુખ્યમંત્રી એકનાથ શિંદે અને મેટ્રોપોલિટન કમિશનર ડૉ. સંજય મુખર્જીના નેતૃત્વ હેઠળ બનાવવામાં આવ્યું છે. આ ફ્લાયઓવર શહેરમાં ટ્રાફિક વ્યવસ્થામાં મોટો સુધારો લાવશે. ટ્રાફિક જામ ઓછો થશે અને મુસાફરી સરળ બનશે.

Join Our WhatsApp Community

Double Decker Flyover : ડબલ-ડેકર ફ્લાયઓવર એક વચનની પૂર્તિ

આ ડબલ-ડેકર ફ્લાયઓવર વિશ્વ કક્ષાની માળખાગત સુવિધાઓ આપવાની સરકારની પ્રતિબદ્ધતાને પ્રતિબિંબિત કરે છે. મેટ્રો અને રોડ ટ્રાન્સપોર્ટને એકીકૃત કરીને જગ્યાનો શ્રેષ્ઠ ઉપયોગ કરવામાં આવી રહ્યો છે આ ફ્લાયઓવર બનાવવાનો ઉદ્દેશ્ય મીરા ભાઈંદરના લોકોને વધુ સારી કનેક્ટિવિટી પૂરી પાડવાનો છે. આ ફક્ત ફ્લાયઓવર નથી પરંતુ એક વચનની પૂર્તિ છે. મીરા-ભાયંદરના ઝડપી શહેરીકરણ સાથે, આ ફ્લાયઓવર ટ્રાફિકની ભીડ ઓછી કરવામાં અને કનેક્ટિવિટી વધારવામાં મદદ કરશે.

 

See more

Double Decker Flyover : આ ફ્લાયઓવર મેટ્રો લાઈન-9 નો ભાગ

આ ફ્લાયઓવર મેટ્રો લાઇન-9 નો ભાગ છે અને સાંઈ બાબા નગર મેટ્રો સ્ટેશન (એસકે સ્ટોન જંકશન) થી શિવર ગાર્ડન સુધી વિસ્તરેલો છે.

Double Decker Flyover : ડબલ-ડેકર ફ્લાયઓવરની વિશેષતાઓ

આ ફ્લાયઓવર અત્યાધુનિક ટેકનોલોજીનો ઉપયોગ કરીને બનાવવામાં આવ્યો છે. આનાથી ટ્રાફિકની સરળતા અને સલામતી બંને સુનિશ્ચિત થશે. આ ફ્લાયઓવર મેટ્રો લાઇન-9 ના વાયડક્ટ પર બનાવવામાં આવ્યો છે. આનાથી જગ્યા અને સંસાધનોનો શ્રેષ્ઠ ઉપયોગ થયો છે. આ 17 મીટર પહોળો ફ્લાયઓવર 2+2 લેન સાથે બનાવવામાં આવ્યો છે જેથી ટ્રાફિક જામ મુક્ત રહે.

આ સમાચાર પણ વાંચો: Thane-Borivali Tunnel: અરે વાહ… થાણે-બોરીવલી મુસાફરી માત્ર 15 મિનિટમાં, ટ્વીન ટનલનો બર્ડ્સ-આઈ વ્યૂ; જુઓ વીડિયો

Double Decker Flyover : ડબલ-ડેકર ફ્લાયઓવરમાં સારી ડ્રેનેજ સિસ્ટમ

એટલું જ નહીં સારી ડ્રેનેજ સિસ્ટમને કારણે આ ડબલ-ડેકર ફ્લાયઓવરમાં પાણી ભરાશે નહીં. રેમ્પ પર સ્પીડ બ્રેકર અને રમ્બલ સ્ટ્રીપ્સ દ્વારા ગતિ નિયંત્રિત કરવામાં આવશે. રાત્રે વિઝિબ્લીટી વધુ સારી રહે તે માટે દર 25 મીટરના અંતરે લાઇટના થાંભલા લગાવવામાં આવ્યા છે.  

ફ્લાયઓવર ત્રણ મુખ્ય ટ્રાફિક અવરોધો – એસ.કે. સ્ટોન જંકશન, કનાકિયા જંકશન અને શિવર ગાર્ડન જંકશન પર ટ્રાફિક ઓછી કરશે. તેનો ઉદ્દેશ્ય મુસાફરીનો સમય ઘટાડવાનો, ટ્રાફિક પ્રવાહમાં સુધારો કરવાનો અને ઇંધણનો વપરાશ ઘટાડવાનો છે, જે વધુ ટકાઉ શહેરી પરિવહન વ્યવસ્થામાં ફાળો આપે છે.

Double Decker Flyover :  ડબલ-ડેકર ફ્લાયઓવરની ખાસ વાતો

1. કુલ લંબાઈ: 850 મીટર
2. સંયુક્ત મેટ્રો અને ફ્લાયઓવર થાંભલા: 21
3. ઉપરના રેમ્પની લંબાઈ: 122.5 મીટર
4. ડાઉન-રેમ્પ લંબાઈ: 153 મીટર