ન્યુઝ કન્ટિન્યુઝ બ્યુરો
મુંબઈ, 2 ઑક્ટોબર, 2021
શનિવાર
શિવસેના સાંસદ ભાવના ગવલીની મુશ્કેલીઓ વધી રહી છે.
મની લોન્ડરિંગ કેસમાં એન્ફોર્સમેન્ટ ડિરેક્ટોરેટ એ ભાવના ગવલીને સમન્સ પાઠવ્યું છે અને 4 ઓક્ટોબરે પૂછપરછ માટે બોલાવ્યા છે.
એવું માનવામાં આવે છે કે આ પહેલા ભાવના ગવલી મુખ્યમંત્રી ઠાકરેને મળવા માંગતા હતા પરંતુ તેમને આ તક આપવામાં આવી નહોતી.
આથી એ સ્પષ્ટ થાય છે કે મુખ્યમંત્રી ઉદ્ધવ ઠાકરેએ ભ્રષ્ટાચારના મુદ્દે તેમની પાર્ટીના નેતાઓ સાથે કડક વલણ અપનાવ્યું છે.
આ પહેલા મંગળવારે એક મોટી કાર્યવાહી કરતા ઇડીએ ભાવના ગવલીની કંપનીના ડિરેક્ટર અને નજીકના સહયોગી સઇદ ખાનની ધરપકડ કરી હતી.
ઉલ્લેખનીય છે કે લગભગ એક મહિના પહેલા ઇડીએ ભાવના ગવલીના 5 સ્થળો પર દરોડા પાડ્યા હતા. ઇડીનો આ દરોડો 100 કરોડના કૌભાંડના આરોપ પર કરવામાં આવ્યો હતો.
