News Continuous Bureau | Mumbai
GUJCET 2025:
- રાજયમાં સૌથી વધુ વિદ્યાર્થીઓ સુરત જિલ્લામાંથી પરીક્ષા આપશે
- નિવાસી અધિક કલેકટરશ્રી વિજય રબારીએ ઓબ્ઝર્વરો અને કેન્દ્ર સંચાલકોને માર્ગદર્શન આપ્યું
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ ગાંધીનગર દ્વારા આગામી તા.૨૩ માર્ચ, ૨૦૨૫ રવિવારના રોજ ગુજરાત કોમન એન્ટ્રન્સ ટેસ્ટ-૨૦૨૫ પરીક્ષા યોજાશે. જેના આયોજન અર્થે નિવાસી અધિક કલેકટરશ્રી વિજય રબારીના અધ્યક્ષતામાં બેઠક મળી હતી. સુરત શહેર- જિલ્લામાં ૯૫ પરીક્ષા કેન્દ્રોના ૯૫૫ બ્લોક પર ૧૯૦૬૭ વિદ્યાર્થીઓ ગુજકેટ-૨૦૨૫ પરીક્ષા આપશે. જેમાં ૧૦૬૬૮ વિદ્યાર્થીઓ તથા ૮૩૯૯ વિદ્યાર્થીનીઓનો સમાવેશ થાય છે.
ગુજકેટની પરીક્ષમાં સુરતમાં ૧૦૧૪૩ ગુજરાતી માધ્યમ, ૮૬૩૪ અંગ્રેજી માધ્યમ અને ૨૯૦ હિન્દી માધ્યમના પરીક્ષાર્થીઓ નોંધાયા છે. ગ્રુપ-એના ૯૨૨૯, ગ્રુપ-બીના ૯૭૭૬ અને ગ્રુપ-એબીના ૬૨ સહિત ૧૯૦૬૭ વિદ્યાર્થીઓ ગુજકેટ-૨૦૨૫ પરીક્ષા આપશે.
આ સમાચાર પણ વાંચો : PM Awas Yojana :લોકોને ઘરનું ઘર મળે તે માટે અમદાવાદ જિલ્લાની 395 ગ્રામ પંચાયતોમાં સર્વેક્ષણ હાથ ધરાયું
તા.૨૩મીના રવિવારે પેપર-૧ (ફિઝીક્સ અને કેમેસ્ટ્રી), પેપર-૨ (બાયોલોજી) અને પેપર-૩ (મેથ્સ)ની પરીક્ષા લેવાશે.
નિવાસી અધિક કલેકટરશ્રીએ પરીક્ષા કેન્દ્રો પર નિયમોનુસાર, સમયસર અને પારદર્શી, વિદ્યાર્થીઓ માટે તનાવરહિત અને મુક્ત વાતાવરણમાં પરીક્ષા યોજાય તે માટે કેન્દ્ર સંચાલકશ્રીઓ અને ઓબ્ઝર્વરશ્રીઓએ વિશેષ તકેદારી રાખવા જણાવ્યું હતું.
Disclaimer : Except for the headline, this story has not been edited by News Continuous staff and is published from a syndicated feed.
