News Continuous Bureau | Mumbai
Karjat Railway Station Ticket Checking મધ્ય રેલવે (સેન્ટ્રલ રેલવે) દ્વારા લોકલ અને પેસેન્જર ટ્રેનોમાં અનધિકૃત તથા ટિકિટ વિના મુસાફરી કરતા પ્રવાસીઓ સામે લાલ આંખ કરવામાં આવી છે. આ કડક ઝુંબેશના ભાગરૂપે ૭ સપ્ટેમ્બરના રોજ મહત્વના જંકશન સમાન કર્જત રેલવે સ્ટેશન પર વ્યાપક ‘ફોર્ટ્રેસ ટિકિટચેકિંગ’ (Fortress Ticket Checking) ડ્રાઇવ હાથ ધરવામાં આવી હતી. અચાનક હાથ ધરાયેલી આ સરપ્રાઈઝ ચેકિંગ દરમિયાન રેલવે નિયમોનું ઉલ્લંઘન કરનારા કુલ ૩૮૨ પ્રવાસીઓ ઝડપાયા હતા અને તેમની પાસેથી સ્થળ પર જ ₹૧,૭૪,૩૪૦નો જંગી દંડ વસૂલ કરવામાં આવ્યો હતો.
Karjat Railway Station Ticket Checking – કોમર્શિયલ વિભાગ અને RPF દ્વારા સ્ટેશનની સંપૂર્ણ નાકાબંધી
આ વિશેષ કાર્યવાહી માટે મધ્ય રેલવેના કોમર્શિયલ વિભાગની ટિકિટ-ચેકિંગ સ્ટાફ ટીમ અને રેલવે પ્રોટેક્શન ફોર્સ (RPF) ના જવાનોની સંયુક્ત ટીમ તૈનાત કરવામાં આવી હતી. ટીમે કર્જત સ્ટેશનના તમામ એન્ટ્રી અને એક્ઝિટ પોઇન્ટ્સ સીલ કરી દીધા હતા, જેથી કોઈ પણ પ્રવાસી તપાસમાંથી છટકી ન શકે. પ્લેટફોર્મ પર આવતી-જતી તમામ લોકલ અને લાંબા અંતરની ટ્રેનોમાં આકસ્મિક તપાસ હાથ ધરાતાં વગર ટિકિટ મુસાફરી કરતા લોકોમાં ભારે નાસભાગ અને ફફડાટ ફેલાઈ ગયો હતો.
Karjat Railway Station Ticket Checking – સેકન્ડ અને ફર્સ્ટ ક્લાસમાં ઝડપાયેલા કેસોની આંકડાકીય વિગત
આ સઘન તપાસ દરમિયાન સેકન્ડ ક્લાસમાં વગર ટિકિટે ગેરકાયદે મુસાફરી કરવાના સૌથી વધુ ૨૫૬ કેસ પકડાયા હતા, જેમના પાસેથી ₹૧,૩૨,૪૪૫નો દંડ વસૂલાયો હતો. આ ઉપરાંત નિયમોનું ઉલ્લંઘન કરીને ફર્સ્ટ ક્લાસના ડબ્બામાં વગર ટિકિટે પ્રવાસ કરવા બદલ ૩૦ કેસ નોંધી ₹૧૭,૫૬૫ તેમજ યોગ્ય ટિકિટ વગર ફર્સ્ટ ક્લાસમાં બેસવા પેટે ભાડા તફાવત તરીકે ૨૨ કેસોમાં ₹૧૨,૯૪૦નો દંડ ફટકારવામાં આવ્યો હતો. આમ, ઉપનગરીય સેવામાં વગર ટિકિટ ઘૂસણખોરી કરનારાઓ સામે કડક વલણ દાખવવામાં આવ્યું હતું.
Karjat Railway Station Ticket Checking – અનબુક લગેજ અને ટ્રેક ક્રોસિંગ સામે પણ કડક શિક્ષાત્મક પગલાં
ટિકિટ સિવાય રેલવે પરિસરમાં માલસામાનની હેરાફેરીના નિયમોનો ભંગ કરનારા ૭૩ પ્રવાસીઓ સામે બુક કરાવ્યા વગર સામાન લઈ જવા બદલ કાર્યવાહી કરી ₹૧૦,૮૯૦નો દંડ વસૂલ કરાયો હતો. સાથોસાથ જીવના જોખમે રેલવે ટ્રેક ઓળંગવા (ટ્રેસપાસિંગ) બદલ એક મુસાફર પાસેથી ₹૫૦૦નો દંડ વસૂલાયો હતો. રેલવે પ્રશાસને જણાવ્યું છે કે કાયદેસર પ્રવાસ કરતા યાત્રીઓની સુવિધા અને રેલવેની આવકના રક્ષણ માટે આગામી દિવસોમાં પણ આવા સરપ્રાઈઝ ચેકિંગ અભિયાનો મુંબઈ ડિવિઝનના વિવિધ સ્ટેશનો પર સતત ચાલુ રહેશે.
👉 આ સમાચાર વાચો:
India Sri Lanka Ties નેબરહૂડ ફર્સ્ટ પોલિસીને નવી ઊર્જા ડિફેન્સ ટ્રેનિંગથી લઈને કોસ્ટલ સિક્યોરિટી સુધી ભારતશ્રીલંકા વચ્ચે દ્વિપક્ષીય સહયોગ મજબૂત બન્યો
