News Continuous Bureau | Mumbai
Lavasa Project: પુણેમાં શરદ પવારનો ( Sharad Pawar ) પહેલો હિલ સ્ટેશન લવાસા પ્રોજેક્ટ હાલ મુશ્કેલીમાં ફસાયેલો છે. એક સમયે આ પ્રોજેક્ટ ખૂબ જ લોકપ્રિય હતો. હવે આ પ્રોજેક્ટ ફરી એકવાર ચર્ચામાં આવ્યો છે કારણ કે આ પ્રોજેક્ટ ખરીદનાર કંપની મુશ્કેલીનો સામનો કરી રહી છે. EDએ આમાં દિલ્હી, મુંબઈ, ગોવા અને અન્ય સ્થળોએ કંપનીની કુલ નવ જગ્યાએ ઓફિસ પર દરોડા પાડ્યા હતા. આ દરોડામાં 78 લાખની રોકડ અને 2 લાખની વિદેશી ચલણ જપ્ત કરવામાં આવી છે.
ઉલ્લેખનીય છે કે, નાદારી ભોગવી રહેલા લવાસા પ્રોજેક્ટને ડાર્વિન કંપનીએ ( Darwin Company ) ખરીદ્યો હતો. પુણે ( pune ) જિલ્લાના મુલશી તાલુકામાં લવાસા પ્રોજેક્ટની સ્થાપના કરવામાં આવી છે. દેશનું પ્રથમ ખાનગી હિલ સ્ટેશન ( Private Hill Station ) 12,500 એકર જમીન પર સ્થાપિત કરવામાં આવ્યું છે.
આ સમાચાર પણ વાંચો : Mumbai: મુંબઈના પ્રખ્યાત પંજાબી ઘસીટારામ હલવાઈના મેનેજિંગ ડાયરેક્ટર સહિત ચાર આરોપી વિરુદ્ધ કેસ નોંધાયો, 3ની ધરપકડ..
ડાર્વિન ગ્રુપે લવાસાને હસ્તગત કરવા માટે રૂ. 1,814 કરોડની બોલી લગાવી હતી…
જો કે, થોડા સમય બાદ જ હિન્દુસ્તાન કન્સ્ટ્રક્શન કંપની દ્વારા બનાવવામાં આવી રહેલો આ પ્રોજેક્ટ મુશ્કેલીમાં મુકાઈ ગયો હતો. પછી ડાર્વિન કંપની આ પ્રોજેક્ટ હાથ ધરવા આગળ આવી હતી. આમાં મુંબઈ સ્થિત ડાર્વિન ગ્રુપે લવાસાને હસ્તગત કરવા માટે રૂ. 1,814 કરોડની બોલી લગાવી હતી. પરંતુ પ્રોજેક્ટ નાદાર થઈ ગયો હોવાથી, તેને NCLT (નેશનલ કંપની લો ટ્રિબ્યુનલ)ની મંજૂરીની જરૂર હતી. ડાર્વિન ગ્રૂપ MCLTની મંજૂરી બાદ જુલાઈ 2023માં પ્રોજેક્ટ શરૂ કર્યો હતો. આ પ્રોજેક્ટ (લવાસા પ્રોજેક્ટ)ના ટ્રાન્ઝેક્શન પછી ડાર્વિન ગ્રુપ આઠ વર્ષમાં બેંકો અને ઘર ખરીદનારાઓને રૂ. 1,814 કરોડનું વળતર આપવાનું હતું. જો કે તેમાં હજી પણ બેંકોના 929 કરોડ બાકી છે. તેમજ મકાન ખરીદનાર લોકોને 438 કરોડ રૂપિયાનું વળતર આપવામાં આપવાનું બાકી છે. તેથી હાલ આ પ્રોજેક્ટને લઈને ઈડીએ દરોડા પાડવાના ચાલુ કર્યા છે.
