News Continuous Bureau | Mumbai
Lok Sabha Election 2024: લોકસભાના પાંચમા અને અંતિમ તબક્કા માટે શુક્રવારથી ઉમેદવારી પત્ર ભરવાની શરૂઆત થઈ ગઈ છે. જો કે, મહા વિકાસ આઘાડી ( મહા વિકાસ આઘાડી ) અને મહાયુતિના ઉમેદવારો વચ્ચેની મૂંઝવણ હજુ ઉકેલાઈ નથી. મહાવિકાસ આઘાડીની બે બેઠકો અને મહાયુતિની છ બેઠકોના ઉમેદવારોની જાહેરાત થવાની હજુ બાકી છે. ચાલો જાણીએ આ બેઠકોમાં ક્યાં પેંચ ફસાયો છે.
લોકસભા ચૂંટણીની જાહેરાતને 40 દિવસ વીતી ગયા છે, પરંતુ હજુ પણ ઘણી બેઠકો ( Lok Sabha Seats ) માટે ઉમેદવારોની જાહેરાત થવાની બાકી છે. કારણ કે મહાયુતિ ( Mahayuti ) અને મહાવિકાસ અઘાડી ( Maha vikas Aghadi ) વચ્ચેની ટગ ઓફ વોર સમાપ્ત થતી નથી. મહાવિકાસ અઘાડીની બેઠક ફાળવણી પૂરી થઈ ગઈ છે, પરંતુ કોંગ્રેસને ( Congress ) ઉમેદવાર ન મળતા હોવાની હાલ ચર્ચા છે.
Lok Sabha Election 2024: મુંબઈમાં કોંગ્રેસની આ બે બેઠકોમાં પેચ ફસાયો છે.
મુંબઈમાં કોંગ્રેસને ઉત્તર મુંબઈ અને ઉત્તર મધ્ય મુંબઈ આ બે બેઠકો મળી છે. આ બંને બેઠકો માટેના ઉમેદવારોની યાદી મુંબઈ કોંગ્રેસ દ્વારા પક્ષના નેતાઓને મોકલી દેવામાં આવી છે. આમાં ઉત્તર મુંબઈ માટે ભાઈ જગતાપ, કોંગ્રેસ જિલ્લા પ્રમુખ કાલુ બુદ્ધેલિયા અને તેજસ્વી ઘોસાળકર, જો તેઓ કોંગ્રેસમાં જોડાશે તો નામાંકિત થશે, આ ઉમેદવારોના નામોની યાદી મોકલવામાં આવી છે. પરંતુ ઉત્તર મુંબઈમાં ઘોસાળકર પરિવાર હજુ પણ અનિર્ણિત છે અને બાકીના બે ઉમેદવારો ચૂંટાશે તેની કોઈ ખાતરી નથી. તેથી હાલ કોંગ્રેસ દ્વારા આ બંને બેઠકોની યાદી અટકાવી દેવામાં આવી હોવાનું જોવા મળે છે.
મુંબઈમાં કોંગ્રેસની આ બે બેઠકોમાં પેચ ફસાયો છે. જો કે, મહાયુતિની હજી છ બેઠકો પર મુંઝવણ ચાલુ છે. મહાયુતિના ઘટક પક્ષો વચ્ચે કઇ સીટ માટે કઇ પાર્ટીમાં જંગ જામશે તે હજી નિર્ધારિત થઈ શક્યું નથી. ચાલો જાણીએ કઈ છે આ છ સીટો અને શું છે વિવાદ.
આ સમાચાર પણ વાંચો : Mumbai Crime: ભાડુંપમાં રાત્રે પોલીસની નાકાબંધીમાં 3 કરોડ રૂપિયાની રોકડ પકડી, ડ્રાઈવર અને ગાર્ડની તપાસ શરુ.. જાણો વિગતે..
દક્ષિણ મુંબઈઃ એકનાથ શિંદે જુથની શિવસેનાએ ( Eknath shinde Shivsena ) હવે આ લોકસભા મતવિસ્તારોમાંથી ધારાસભ્ય યામિની જાધવના નામ પર ચર્ચા કરી છે. બીજી તરફ ભાજપે ( BJP ) પણ આ બેઠક પરથી હજુ સુધી પોતાનો દાવો છોડ્યો નથી. વિધાનસભાના અધ્યક્ષ રાહુલ નાર્વેકર અને મંત્રી મંગલ પ્રભાત લોઢા પણ આ લોકસભા મતવિસ્તારોમાં પ્રચાર કરી રહ્યા છે. તો ભાજપના મહારાષ્ટ્ર લોકસભા પ્રભારી દિનેશ શર્માએ પણ આ મતવિસ્તારમાં ભાજપના પદાધિકારીઓની બેઠક બોલાવી હતી. તેથી આ મતવિસ્તારનો વિવાદ હજુ પણ ચાલુ જ છે.
ઉત્તર પશ્ચિમ મુંબઈઃ ઠાકરે જૂથ ( Shivsena ( UBT ) ) દ્વારા અમોલ કીર્તિકરને ઉમેદવાર તરીકે જાહેર કરવામાં આવ્યા છે. ત્યારે મહાયુતિ દ્વારા રવિન્દ્ર વાયકરના નામની ચર્ચા થઈ રહી છે. આ અંગે રવિન્દ્ર વાયકરે તાજેતરમાં મુખ્યમંત્રી એકનાથ શિંદે સાથે મુલાકાત કરી હતી. જો કે, MNSએ તેમના નામ સામે વાંધો ઉઠાવ્યો હતો અને MNS માંગ કરી રહી છે કે જે ઉમેદવાર પર આરોપ છે તેમને નામાંકન ન આપવું જોઈએ. જેના કારણે આ જગ્યાનો પેચ હજી પણ ફસાયેલો રહ્યો છે.
ઉત્તર મધ્ય મુંબઈઃ ભાજપના 400ના લક્ષ્યને હાંસિલ કરવા માટે હાલ ભાજપે કમર કસી છે. તેથી જ આ મતવિસ્તારમાં પૂનમ મહાજનને બદલે જીતીને જ આવે એવો ઉમેદવાર આપવાનું નક્કી કર્યું છે. ધારાસભ્ય આશિષ શેલારનું નામ અહીં ચર્ચાઈ રહ્યું હતું. પરંતુ તેમના ઇનકારને કારણે હવે વરિષ્ઠ વકીલ ઉજ્વલ નિકમના નામની ચર્ચા શરૂ થઈ ગઈ છે. રસપ્રદ વાત એ છે કે હવે પૂનમ મહાજન પણ ફરી એક્ટિવ થઈ ગઈ છે. જેમાં હવે સોશિયલ મીડિયા પર પોસ્ટ ફરતી થઈ રહી છે કે પૂનમ મહાજન અહીં સાંસદ બનશે.
થાણેઃ થાણે લોકસભા મતવિસ્તાર પર ભાજપ દ્વારા દાવો કરવા છતાં, હજુ સુધી અહીં ઉમેદવારની જાહેરાત કરવામાં આવી નથી. થાણે લોકસભા મતવિસ્તાર એ શિવસેનાનો પરંપરાગત મતવિસ્તાર છે, જ્યાં બે ટર્મના સાંસદ રાજન વિખરે હાલમાં ઉદ્ધવ ઠાકરે જૂથમાં છે. એટલે એકનાથ શિંદેના શિવસૈનિકો દ્વારા ઉમેદવારી માટે પ્રતાપ સરનાઈક, રવિન્દ્ર ફાટક અને નરેશ મસ્કેના નામની ચર્ચા થઈ રહી છે. તો બીજી તરફ ભાજપ તરફથી સંજીવ નાઈક અને ધારાસભ્ય સંજય કેલકરના નામો પણ ચર્ચામાં છે. આ મતવિસ્તારમાં હજુ સુધી વાટાઘાટો પૂર્ણ થઈ ન હોવાથી ઉમેદવારોની જાહેરાત કરવામાં આવી નથી.
નાસિકઃ આ મતવિસ્તારમાં પણ હજી અટકળો ચાલુ જ છે. નાસિકમાં હેમંત ગોડસે એકનાથ શિંદેની શિવસેનાના સાંસદ છે. તેઓ આ મતવિસ્તારથી બે ટર્મ જીતી ચૂક્યા છે. પરંતુ ચૂંટણીની જાહેરાત બાદ ભાજપે નાસિક બેઠક એનસીપીને આપવાનો આગ્રહ રાખ્યો હતો.
ભાજપે એનસીપી પાસેથી સાતારાની સીટ છીનવી લેવાનું અને બદલામાં તેમને નાસિકની સીટ આપવાનું વચન આપ્યું હતું. એટલે અહીં NCPમાંથી છગન ભુજબળનું નામ લગભગ નક્કી હતું. પરંતુ શિવસેનાના વિરોધને જોતા NCP જાતે જ હટી ગઈ હતી. આમ છતાં આ સીટ શિવસેના કે એનસીપીને જશે તે હજુ નક્કી નથી. શિવસેના તરફથી ઉમેદવારી માટે હેમંત ગોડસે અને અજય બોરસ્તેના નામની ચર્ચા થઈ રહી છે.
આ સમાચાર પણ વાંચો : Lok Sabha Elections: અમદાવાદના આકાશમાં ૧૦૦ ડ્રોન થકી મતદાન જાગૃતિનો મેસેજ અપાયો
પાલઘરઃ રાજેન્દ્ર ગાવિત આ લોકસભા ક્ષેત્રમાં વર્તમાન સાંસદ છે. તેમણે શિવસેનાની ટિકિટ પર પેટાચૂંટણી લડી હતી. પરંતુ મૂળ ગાવિત ભાજપના છે અને આ બેઠક પણ ભાજપની હોવાનું મનાય છે. આથી રાજેન્દ્ર ગાવિતનું નામ નિશ્ચિત માનવામાં આવતું હોવા છતાં તેઓ શિવસેનામાંથી લડશે કે ભાજપ તરફથી તે હજુ નક્કી નથી.
Lok Sabha Election 2024: નાસિક અને થાણેની બેઠકો પર નિર્ણય નહીં લેવાય ત્યાં સુધી પાલઘર બેઠકોનો વિવાદ પણ ઉકેલાશે નહીં..
જ્યાં સુધી નાસિક અને થાણેની બેઠકો પર નિર્ણય નહીં લેવાય ત્યાં સુધી પાલઘર બેઠકોનો વિવાદ પણ ઉકેલાશે નહીં તેવી હાલ શક્યતા છે. કારણ કે જો શિવસેનાને સીટ આપવી હોય તો પાલઘર સીટ ભાજપને આપી. થાણે અને નાસિકની બેઠક હાલ શિવસેના પોતાની પાસે રાખવાની યોજના છે.
આ તમામ કારણોને લીધે મહાવિકાસ આઘાડીની બે બેઠકો અને મહાયુતિની છ બેઠકોના ઉમેદવારોની જાહેરાત થવાની હાલ બાકી છે. જો કે, હવે અટકળો પર પૂર્ણવિરામ મૂકાતા આગામી બે-ત્રણ દિવસમાં બેઠકોની ફાળવણી પૂર્ણ થઈ જશે તેવું ચિત્ર હાલ ઉપસી રહ્યું છે. જોકે કોને બલિદાન આપવું પડે છે અને કોને ફાયદો થયો થશે તે જોવું હાલ અગત્યનું છે.
