News Continuous Bureau | Mumbai
Maharashtra Govt Jobs મહારાષ્ટ્ર સરકારમાં સરકારી નોકરીની તૈયારી કરી રહેલા યુવાનો માટે ખુશખબર છે. રાજ્ય સરકારે ૭૦,૦૦૦ થી વધુ પદો પર ‘મહા-ભરતી’ (Maha-Bharti) શરૂ કરવાની જાહેરાત કરી છે. મુંબઈમાં સેવા ભરતી નિયમોમાં સુધારા અંગે મળેલી હાઈ-લેવલ મીટિંગમાં મુખ્યમંત્રી દેવેન્દ્ર ફડણવીસે આ મોટો નિર્ણય લીધો છે. આ ભરતી અભિયાન નવા અને અત્યંત પારદર્શક સિસ્ટમ દ્વારા તબક્કાવાર રીતે ચલાવવામાં આવશે.
MPSC દ્વારા ૫૦,૦૦૦ પદો પર થશે સીધી ભરતી
મુખ્યમંત્રીએ માહિતી આપી કે કુલ ૭૦,૦૦૦ પદોમાંથી લગભગ ૫૦,૦૦૦ પદો મહારાષ્ટ્ર પબ્લિક સર્વિસ કમિશન (MPSC) દ્વારા ભરવામાં આવશે. બાકીના ૨૦,૦૦૦ પદો પર ભરતી માટે સરકાર દ્વારા માન્યતા પ્રાપ્ત એજન્સીઓને જવાબદારી સોંપવામાં આવી શકે છે. ભરતીના નિર્ણયો જે-તે કામના પ્રકાર, જરૂરી સ્કીલ્સ, સર્વિસ એન્ટ્રીના નિયમો અને પાત્રતાના માપદંડોને આધારે લેવામાં આવશે. આ ભરતી પ્રક્રિયામાં માનવ સંસાધન વ્યવસ્થાપન અને પારદર્શિતાને પ્રાથમિકતા આપવામાં આવી છે.
ડિજિટલ વેરિફિકેશન અને બ્લોકચેન પદ્ધતિનો ઉપયોગ
ભરતી પ્રક્રિયામાં થતા વિલંબ અને પેપરવર્કને ઘટાડવા માટે સરકાર હવે ઓનલાઇન અને ડિજિટલ વેરિફિકેશન મોડલપર ભાર મૂકશે. મુખ્યમંત્રીએ નિર્દેશ આપ્યો કે જો પાસપોર્ટ જેવા દસ્તાવેજોનું ઓનલાઇન વેરિફિકેશન શક્ય હોય, તો સરકારી ભરતીમાં પણ આ જ મોડેલ વાપરવું જોઈએ. આ માટે બ્લોકચેન મેથડ અને ડિજીલોકર સિસ્ટમનો ઉપયોગ કરીને પ્રમાણપત્રોની તપાસ કરવામાં આવશે, જેથી કોઈ ભેદભાવ કે અન્યાય ન થાય.
आजच्या दिवसाचा सारांश | सोमवार 09 फेब्रुवारी, 2026
राज्यात 70 हजार पदांची लवकरच नोकरभरती; नव्या पद्धतीने भरती होणार – मुख्यमंत्री देवेंद्र फडणवीसhttps://t.co/pmhZEd4KQx
राज्यातील प्रशासकीय सुधारणांचा लाभ थेट सर्वसामान्य जनतेपर्यंत पोहोचवावा – मुख्यमंत्री देवेंद्र फडणवीस…
— CMO Maharashtra (@CMOMaharashtra) February 9, 2026
આ સમાચાર પણ વાંચો : Malad Hit and Run: માલાડમાં ૪ વર્ષના માસૂમનું અકસ્માતમાં મોત, ૨૦ વર્ષ બાદ જન્મેલા પુત્રના નિધનથી પરિવાર પર આભ તૂટી પડ્યું
મહારાષ્ટ્રનું ગવર્નન્સ મોડલ બીજા રાજ્યો માટે બનશે ઉદાહરણ
વડાપ્રધાન નરેન્દ્ર મોદીની હાજરીમાં મળેલી ચીફ મિનિસ્ટર્સ કોન્ફરન્સમાં મહારાષ્ટ્ર સરકારના હ્યુમન રિસોર્સ મેનેજમેન્ટ મોડલના ખૂબ વખાણ થયા હતા. બીજા રાજ્યોને પણ આ સુધારા મોડલ અપનાવવા પ્રોત્સાહિત કરવામાં આવ્યા છે. આગામી વર્ષમાં મહારાષ્ટ્રમાં એક નવું ગવર્નન્સ રિફોર્મ મોડલ તૈયાર થશે, જેમાં દરેક વિભાગ મહત્વની ભૂમિકા ભજવશે. સેવા ભરતી નિયમોમાં ફેરફાર અંગેનો અંતિમ નિર્ણય ટૂંક સમયમાં કેબિનેટની બેઠકમાં લેવામાં આવશે.
